UK 租樓買樓攻略 (7)

如果揸特區護照+bno visa 去到英國
只要未買過樓 都係免稅 係咪咁？

如果你從未全球置過業 有425k或以下有免稅額。
425k-625k 交初階稅
多過625k就享受唔到，要抽正常稅額

Warrington 唔算係曼城嘅一部分. postcode 都唔係M 字開頭.

Rightmove 呢啲英國房屋網係唔會講樓齡

咁啲地產舖入面嘅agent會唔會提供到

未必會知, 直致你話要買, 你律師幫你做search 個陣先睇地契先會知.

咁請問你知唔知如果買一間好殘舊嘅屋
想做一個好簡單好基本嘅翻新裝修
例如只係重新油過啲牆 換咗部分地板廚櫃 貴唔貴？

我係買左間1890年起落嘅屋. 中間100年內有人做過下普通門面裝修咁.

下面係2022年我裝修個陣嘅break down cost. 你自己睇番你想整嘅野幾錢

https://lih.kg/bssvquV

好癲 成球幾港幣

咁唔係個個好似我咁要成間起過, 你可以只執你想執嘅item.

我見證係油漆同埋廚櫃都已經15k 其實如果考慮Warrington 3房 係咪寧願搵newbuild 好過

油漆同埋廚櫃15k 係屬於正常價啦.

買舊屋主要原因係地區同校網. 而地區係決定樓價, 等同香港你買深水埗新樓定係話九龍塘70年樓齡嘅舊屋一樣. 呢個係睇你想要乜野.

一般同一個地方嘅new build 同 可能大約30至50年嘅屋會差幾遠價錢

無定架喎, 都係睇地區. 你呢個問題係等同問香港400呎新樓, 同400呎舊樓個價錢幾大分別一樣. 你都實要問新樓區份同舊樓區份係邊囉.

簡單d 講嘅係, Uk 嘅樓價, 同間屋新定話舊係好少關係. 個價錢係取決於個location, location, 同location.

因為UK 個治安可以係好大上落, 唔係你香港認知嘅野黎. 有d 區份係夜晚出入係直頭唔安全, 會有搶劫呀, 童黨呀個d 問題. 好似呢d https://www.newsshopper.co.uk/news/22815955.young-music-producer-killed-gang-knife-attack-grove-park-court-told/

香港最窮嘅地方係深水埗呀天水圍個d, 不過治安同其他普通區好似將軍奧其實唔係差好多, 你唔會話聽到好多劫案係深水埗咁. 你頂多話個區舊同有d 老同係夜晚出現咁. 但係唔會攪到你. UK 唔係咁運作. 所以你見呢到10個人問, 11個都係將治安排係頭位就係咁解.

而治安係取決於地區. 地區亦會顯視到校網同交通及其他配套係咪齊全. 所以, 你可以買錯爛屋, 但係唔可以買錯地區.

明白
Warrington 治安你覺得如何

唔同地區唔同治安, 就算係warrington 內都係. 因為UK 個城市規畫係好奇怪. 佢係會係一d 靚嘅住宅區, 會係個度畫一個area 溝一喳公屋house係裡面. 變左係可以隔一條街過左馬路係另一個世界黎. 你實要做research

https://a.plumplot.co.uk/?tab=crime_map_s&yr=-13&pc=198&ct=15 ,

https://www.streetcheck.co.uk/

去睇邊條街係安全. 無乜捷徑, 用上面2個網, 係rightmove 攞到postcode 前後咁crosscheck. 而且實要落區睇周邊環境, 條街拍左咩車呀, 條街有無塗鴉個d. 非常地慢長同tedious 嘅過程, 由期開頭對呢度嘅地區零認識個陣.

thank you very much
好感謝你提供咗咁多有用嘅資訊畀我

我俾多一個我過去嘅經驗俾你.

呢度買屋係無得快, 不論係搵嘅過程, 定係話你落bid 買開始, 無野係可以快. 因為呢度嘅人出錯嘅機率係異常地高, agent 講嘅野係可以錯得好離普. 即係話, 你係需要做大量極度tedious 嘅 research 去做cross check. 確保地區係無問題.

最大路入手方法係晌rightmove 跟據價錢, 搵到邊度有你budget 嘅屋先. 寫低晒d location. 跟住係呢d location 續間屋用上面2個網cross check 個d 係咪綠色嘅區. 高過黃色嘅基本上可以skip. streetcheck 個crime rate 高過100單一個月嘅亦可以skip. crime rate 成份裡面主要係voilent crime 或其他嚴重罪行, 就算唔係高過100單嘅亦可以skip.

如果你仲要係streetcheck 睇埋區內係咪白人區呀, 校網個d, 就仲多制爪啦.

Sor巴打 隔咗成個月先覆
1200真係乜都租唔到 1500會唔會有多啲選擇
食咗個幾月白果

都係第1條link, 你set 佢做1500 應該會多d choice.