歷史系小賤貨
2017-08-03 12:12:26
『長篇連載情史』(K先生貳–毒毒地嘅男仔好可愛)
(以下內容均為真人真事)
同K先生一齊嘅日子幾搞笑,佢果陣細個完全係會毒到唔出街果隻,咁我都打機嘅,不過佢係更誇張果隻。記得第一次同佢出街係去睇戲,我都唔記得睇咩了,好似睇完都唔會記得劇情,因為全程都係係黑暗之下攬攬錫錫。(做HEHE好慘架,平時又唔可以拖手,又唔可以係街攬住大家,所以HEHE會成日去睇戲,仲要坐側邊!!!!!!!!我都試過比人望住點解兩個男仔會係戲院痴咁埋,喂,已經係黑暗盡量保護你眼睛啦,唔好眼甘甘望住我OK?)第一次好似係又一城睇,因為近佢住果頭。
咁一拍拖緊係唔會開APP啦我,仲DEL埋。但我知道佢冇DEL到,我問佢點解,佢答我:『識下朋友咋MA。』我就知道呢個男人信唔過,咁佢緊係哄下我話我咁靚仔點會去識第二個。初初都信,之後緊係唔信!!!邊有人開APP開得咁密,邊有人岩岩開始拍拖就學人開APP。不過由佢,當佢岩岩出黎呢個世界,想見識多啲咁。
APP入面其實我多數唔出聲,如果比我HI過咁你應該好靚仔。多數都係人地HI我跟住傾落去,可能10個都冇一個會繼續傾。多數男仔唔知點解好快就會冇左興趣。(可能我太醜樣,個人太悶掛)我發覺唔用相嘅朋友HI我有機會會中JP,因為呢啲人入世未深,或者唔方便開,變相就同個圈有啲距離,咁有安全感之餘,又唔會比呢個圈污染。
我唔知K先生係真係唔想出街定點,佢係完全可以一星期唔見一次,我記得果陣好苦惱,明明佢係毒毒地,點解佢好似好SOCIAL咁。有時同佢傾電話都覺得佢有啲自我中心勁到可以開間自我中心。佢考試考衰左,但佢讀書其實OK,聽佢講野都知唔差唔似會炒到咁。明明自己冇讀大學,但成日笑我果間係垃圾大學。成日都好想掌摑佢同佢講:『咁串做咩呀__大仔?』(佢睇到呢到一定好嬲,我知佢有追POST HAHAHAHA)
法國我啲EX依家人人自危,但佢地又忍唔住追POST想睇我點評價佢地。我自己打出黎就一定有啲偏見同偏幫自己架啦,如果講到你地好衰咁都唔好嬲我。因為你地真係對我好衰。(笑)