歷史系小賤貨
2017-07-30 15:33:38
成日唔肯入正題,又係到講鳩野!冇重點!垃圾文!
好啦,時間都去左中六開學了,點解咁快就中六好似就黎冇野寫(笑)果陣時唔記得係APP定FACEBOOK識左佢,一路大家都知大家係邊個,但就係冇講過野。果時一路睇住佢同男朋友好SWEET好開心,到鬧左交分左手,佢番番去外國讀書(!?同上面果個咁似嘅?兩個人黎(笑))。番左去之後,佢就開始同我傾計,仲係日傾夜傾果隻。佢同我有時差,我又會叫下佢起身,佢又會提我訓教。
最開心係,有人肯同你分享每日發生左咩事,你又可以講下佢知你今日遇到咩事。拍拖最值得係,有人肯同你一齊經歷大家嘅人生,偶然你會覺得好攰,會遇到唔開心嘅事。但番到去,同佢講完,見到佢,你就會唔記得哂唔開心嘅感覺,你會感覺,人生雖然好辛苦,好痛,好逼,好多野要處理,個世界好煩,但係有左佢,你就會有番生存嘅感覺,生活落去嘅動力。
聖誕果陣,佢寫左聖誕卡比我,係我人生第一次收咁精緻嘅卡,手字好靚,好SWEET。好似係我人生第一次收手工野。佢同我講新年會番黎,好想見我,就咁樣,我地兩個就期待左兩個月。等緊果日來臨。