『長篇連載情史』(考試、放榜、入大學)
(以下內容均為真人真事)
話咁快，就考試。個腦仲係一遍混亂。個心仲係死下死下。呢九個月，冇搵過男仔。剩係認真讀書。每日起身就番學校，同班同學坐係房入面，粒聲唔出，拎住本書瘋狂讀。我DSE讀中西史，每日對住咁多個歷史人物，仲邊得閒開個APP出黎識人。果排，掛住SM希特拉、咀咒毛澤東，感情生活係零。好記得果陣時第一科考中文READING。我一入個考場就喊到收唔到聲，可能之前冇表現過比人睇，一路喊一路做一路諗住幾時去IFC跳落去。自己知自己事，由細到大都唔係讀書嘅材料，由細到大都考得好差。去到中五，就係因為個EX一句叫我認真讀書，我先真係由F2嘅數開始讀起。我份人，連呀媽講都唔聽。就係因為EX一句，我唔想佢睇唔起我。果陣時壓力好大，覺得人生好似走到盡頭咁。
考完試，輕鬆番。但果兩個月，都冇去好比心機識人，人地搵我我都係HEA兩句。人地聊我都係吹兩咀。到臨放榜前個星期，唔知點解，眾EX明明分左手講都冇講過野嘅，都突然會搵番我。初初會諗自己係咪整完容，削左骨還父，做咩突然咁受歡迎。連初戀、BLOCK左我嘅I先生都冇啦啦UNBLOCK番我同我傾計。跟住諗諗下先知，呀，放榜近了。原來係黎睇我仆街死。佢地一個二個唔知點解第一句一定係：『最近點？』(好想答佢多得你地我變左個死垃圾，多得你地我變左冇人要。)咁緊係冇咁答啦。咪答佢生活得好好，未死得。第二句佢地就會問我：『有冇信心？』(妖!!!!!!!!!!!!!!!!關你鬼事呀？初初又係你地走左去，依家又扮哂關心我？)
最後，都係喧寒左兩句，佢地就會收線。因為佢地目的唔係呢日，佢地目標係唔想放榜果日搵我咁顯眼。(笑)
到放榜，我真係仆左街、食左屎。仲以為自己唔洗出去搵ASSO做水泡，前果晚仲去睇世界盃決賽冇番屋企。果日係我人生過得最辛苦嘅一日，仲要電話係咁震，就係一班想知我有冇仆到街嘅EX搵我。佢地口講就盡左力就由佢，我相信佢地個口笑緊我有幾廢。
最後我入左大學，入左間全香港排最後嘅大學。入到去，見到班同學果日，我就知道，呢四年，都係出去搵仔算。點都估唔到，好快就開學，好快就928，好快就佔領，好快我就識到男仔。
(今日好乖好快出文)
冗員返工掛住出post!
其實我都返緊
入到u已經好好㗎喇，唔好咁諗啦
覺得樓主好慘
