『HEHE』拍過好多次拖,每次都唔好過(真人真事長篇情史)

1001 回覆
277 Like 36 Dislike
2017-07-24 16:44:09
hi 軒仔
2017-07-24 17:49:56
加速
2017-07-24 18:54:18
快撚啲出文啦!!
2017-07-24 19:44:30
2017-07-24 20:56:20
我果時開始感受到第一次拍拖係點。大家咩都傾,得閒就講電話,佢果時讀大專,我就讀中五。我學校同佢學校都幾近,就會約埋一齊搭車番屋企,佢會去幫人補習,我就番屋企做功課,每日最期待嘅就係放學見到佢果一個鐘。佢成日叫我努力讀書,仲會陪我溫書。我地就成日坐係會所到,佢打機,我溫書。又會成日講無聊野。個一刻個世界,就好似得番我地兩個咁。

拍拖,原來就係咁。
平安夜果日,我地ON鳩鳩著住對情侶鞋,係尖沙咀行行下就過左成晚。個感覺係依家我都好記得。佢陣味,我到依家都好記得。我生日,第一次有男朋友同我過,雖然唔係咩特別驚喜,都係食餐飯就算,但係第一次,都係好深刻嘅。
好快就到佢生日,好快就開始變得好奇怪。
2017-07-24 20:56:31
hi 軒仔

不安
2017-07-24 20:57:04

Hi
2017-07-24 21:24:11
分手要狠
出文要快
2017-07-24 21:41:14
加甜ok?
2017-07-24 21:55:57
分手要狠
出文要快

ok
2017-07-24 21:56:44
(真。初戀參—第一次)
(以下內容均為真人真事)
『長篇連載情史』真係我真人真事黎,我知其實呢樣野冇咩公共性,但其實打左出黎真係好似放低左過去一啲野咁。多謝大家睇得咁入神,仲吹我快啲出文,希望大家睇之餘,可以多啲LIKE同SHARE,有咩想講都好想大家COMMENT留言,唔係真係好難有動力寫文架:(

好講番故事先,時間去到二零一二年十二月。果時好興講話世界末日,好記得佢同我講過,如果世界末日,佢會用最快方法飛黎我屋企攬住一齊死LOL。(點解會記得呢啲講完就算嘅野),又記得我果時仲係好鐘意玩LOL,佢仲為左我DOWN左落黎同我一齊玩左陣,同埋果時又突然興番起懷舊ONLINE GAME,我就陪佢玩佢嘅童年回憶—童話。同男仔一齊,最開心就係兩個都好似小朋友咁會一齊玩玩具,一齊打機。最後好似玩左兩個月放棄左,因為都差唔多分手(笑)。
2017-07-24 22:06:32
(真。初戀參—第一次)
(以下內容均為真人真事)
『長篇連載情史』真係我真人真事黎,我知其實呢樣野冇咩公共性,但其實打左出黎真係好似放低左過去一啲野咁。多謝大家睇得咁入神,仲吹我快啲出文,希望大家睇之餘,可以多啲LIKE同SHARE,有咩想講都好想大家COMMENT留言,唔係真係好難有動力寫文架:(

好講番故事先,時間去到二零一二年十二月。果時好興講話世界末日,好記得佢同我講過,如果世界末日,佢會用最快方法飛黎我屋企攬住一齊死LOL。(點解會記得呢啲講完就算嘅野),又記得我果時仲係好鐘意玩LOL,佢仲為左我DOWN左落黎同我一齊玩左陣,同埋果時又突然興番起懷舊ONLINE GAME,我就陪佢玩佢嘅童年回憶—童話。同男仔一齊,最開心就係兩個都好似小朋友咁會一齊玩玩具,一齊打機。最後好似玩左兩個月放棄左,因為都差唔多分手(笑)。

2017-07-24 22:22:29
fb live左
2017-07-24 22:24:03
fb live左

咁快! 我番緊屋企 希望12點前:(sorry
2017-07-24 22:58:07
「第一次」
我知道我好鐘意呢個男仔,係去到我會想試下,究竟第一次係咩感覺。過往同其他男仔都唔會做全套,因為好想留番比一個好鐘意好鐘意嘅人。果時就諗定左係佢了。佢一月生日,我地諗左好耐究竟去邊玩好,見我未試過去長洲玩過夜,我地就準備BOOK間渡假屋去玩一晚。記得細個真係當長洲兩日一夜係旅行咁去,仲期待左好耐。(我知有好多人想重糖,我係唔會嘅!)到去到長洲,難得可以獨處緊係瘋狂咀貼咀啦,果日大槪去左邊,我都唔太記得了,總之都幾開心。佢就好似帶住個細佬咁,原來咁就叫左幸福。

果晚就發生左人生嘅第一次(我係夠16嘅,冇犯法。),好似冇想像中咁痛,佢仲好溫柔,所以都係一個好好嘅經歷黎。

果陣時,我每個月都會寫張卡比佢,多謝佢唔嫌棄我。因為自己一路都覺得自己配唔起佢。係一件Damaged嘅貨,又唔識點樣去拍拖,唔識點樣去付出,仲唔識點樣比佢感受到愛。我做到嘅,就只有用最真心去對待呢個男仔,我仲以為咁樣就會一生一世,睇黎都係太ON9。
2017-07-24 23:53:53
fb live左

咁快! 我番緊屋企 希望12點前:(sorry

呢邊d人睇文睇得好快架 唔係點會成日俾人催出文
2017-07-24 23:57:37
情人節之前,佢同屋企飛左去日本,掉低左我幾日,不過佢好SWEET,日日都會襯屋企訓左同我傾SKYPE,仲買左好多野番黎比我。佢買嘅野食,我一粒都冇食過,全部都擺得好好唔捨得食,因為食左就冇。到五年後嘅今日,佢地仲PACK得好好擺左係我床下底。到左情人節果日,我通宵整左朱古力比佢,佢仲食得好開心好多謝我,係我人生暫時過得最幸福嘅情人節。

到冇幾耐,由每日長時間傾電話,去到訓教先會打黎,再去到剩是WTSAPP講訓教。由叫你BB再去到開始唔叫你,跟住開始嫌棄你。我就知道,佢嘅熱戀期過左,而我都差唔多時候。佢有一日同我講,屋企人又講啲說話嫌佢鐘意男仔。好唔想做GAY佬,好想做番個正常人。我先知,其實,我一路都唔係一個正常人。
2017-07-24 23:57:54
fb live左

咁快! 我番緊屋企 希望12點前:(sorry

呢邊d人睇文睇得好快架 唔係點會成日俾人催出文

Sad 每日一篇架咋我
2017-07-25 00:03:18
2017-07-25 00:48:47
『長篇連載情史』(真。初戀肆—正常人)
(以下內容均為真人真事)

佢︰『我想做番個正常人。』

我果下係呆左,我用左咁多年嘅時間去說服自己,其實自己都好正常嘅時候,最親嘅人竟然講左句,其實我地就係唔正常嘅。冇錯,香港呢個地方表面上係好開放的。但實際上係最保守的。如果兩個男仔行出街拖手,你信我,你試過第一次面對全街啲人都望住你未?你真係要試下。個感覺就係,好似變左痴線佬咁。

果下我就知道,自己係時候比人拋棄了。個世界好似停止左咁,我開始諗我以後唔可以再同佢傾計、睇戲、佢陪我溫書、我睇唔到佢畢業、佢亦都陪唔到我上大學。以前幻想嘅未來好似冇左咁。分過手嘅人就會知道,係冇預警下嘅分手,係最痴線的。你會以為個世界就咁樣會完結。佢果時仲安慰我:『其實唔會變左架,我都係會陪住你溫書、陪住你睇戲,只不過係朋友姐。』你果刻,就好似由以為自己中左頭獎變左安慰獎咁。雖然咩都冇哂,起碼佢仲係你身邊。
2017-07-25 00:51:26
2017-07-25 01:06:39
電話講分手係最仆街,自從發明左電話之後分手好似方便左好多。你唔洗再面對面講,唔洗見到對方唔開心嘅樣,唔洗再安慰佢。打完個電話就收線,方便、快捷。冇成本,又可以分手,點解唔做?

初初幾日,佢真係陪住我溫書、陪我出街,好似咩都冇變咁。但其實我個腦諗嘅就只有佢,諗緊點樣追番佢,點樣講野佢先會鐘意番我。究竟要去到幾盡,佢先會做番我男朋友?當然佢都SENSE到有咩唔妥,慢慢佢就唔再同我出街,唔同我WTSAPP,唔同我傾電話。唔夠十日,個世界就好似崩潰左,原來係可以變得咁快。原來改變係真係咁難受,原來習慣左一個人係你身邊,佢唔見左係會咁得人驚。以後唔會有人接你放學,陪你笑、陪你唔開心、陪你打機、陪你坐係會所一日,冇野做都可以好開心。慢慢你會覺得,原來,生無可戀係咁易。
2017-07-25 07:37:44
可能你會覺得,有冇咁誇呀?分手姐。呀,係呀。就係咁痴線。第一次經歷呢啲野,就係咁痴線。你會食唔落飯,做唔到野,講唔到野,諗唔到有咩係開心,想像唔到有咩係更唔開心。你剩係覺得,依一分鐘嘅自己,咩都唔係。

你會唔敢聽到佢個名、唔敢睇到佢個樣、唔敢睇番以前嘅相、唔敢諗番起以前嘅事。明明你個人咩事都冇,任何野令到你諗起佢果陣,你個心就會那住那住。

每秒都LOOP住佢句正常人,諗住自己有幾唔正常。

離開左我之後,佢就真係變左個正常人。

而我,就真係變左個痴線佬。
2017-07-25 08:08:55
『長篇連載情史』(真。初戀伍—痴線佬)
(以下內容均為真人真事)
上回講到自己變左個分左手嘅痴線佬,今集就講下自己幾痴線。之前講過佢為左我而同左女朋友分手。個女仔分左手之後都不斷打比佢,利用好多唔同嘅籍口想見佢,最多都係話自己飲醉酒(笑)。可能每一個人同佢分完手之後,都會HURT到仆街,跟住就痴左線。

初初分完手都冇咩野,因為佢仲陪住我。仲扮到好似好想繼續經營呢段關係咁。我緊係盲中中信左佢,仲以為除左冇得扑野之後,都冇其他分別。其實係分手之前佢都已經成日落BAR玩,我仲覺得冇咩問題呀呢個年紀。佢初初都會同我報告下,同我講下間BAR老細請佢飲酒呀,啲女女好想溝佢咁。我都冇咩野,因為一齊果陣都幾有安全感。最冇安全感應該係,佢冇FD係知我存在的。我就好似佢一個秘密咁,同佢獨立存在係另一個世界。可能BI,就係咁黑暗。
2017-07-25 08:29:11
HI~其實我係FACEBOOK已經寫左自己野一段時間,諗左好耐擺唔擺上連登。
SHARE下自己感情事,比大家睇之餘總結下自己人生幾段感情。
試下睇下岩唔岩睇,我會盡量解答下大家問題。
---------------------------------------------------------------------
(初戀呀屌你)
「以下內容均為真人真事。」
其實我啲情史都唔係咩特別震撼,特別誇張嘅野黎,見人少少就講下。咁當然係由初戀講起。初戀通常係比到人果種好sweet跟住每日放學拖住手去行街,食串燒賣好似食緊飽魚咁好味咁。

錯,我初戀係一個巨型災難。
如果十四巴港女個男仔經歷緊嘅係恐怖,
我都應該差少少。


我好細個已經出去識朋友,因為知學校唔會有咁多gaygay,唔知咩途徑,係fd搭fd嘅情況下,就識到我人生第一個初戀,可以叫佢I仔。

佢唔係一個乖仔,初初識佢佢仲鳩作左個名比自己,仲話自己係同我同一日生日。作為on9仔嘅我,仲覺得:「嘩同年同月同日生好撚襯呀!」就開始鐘意左呢個男仔。佢游水好叻,高我少少,仲好識social 。

果時岩岩興whatsapp,我地就日傾夜傾,係唔同學校,一個九龍一個港島,但我地仲日見夜見。果時,係人生第一次心動,無耐,就係第一次心碎。

佢初初對我好好,會照顧我,哄我。咁當然,傻更更嘅我,都盡左我最大嘅能力去比佢知我鐘意佢。慢慢開始拍拖,就係災難黎。
我同佢唔係拍左好耐,四個月。印象中都係一個跨年咁。我地會傾電話,但慢慢佢遇到少少唔開心,佢就會發脾氣cut線,作為on9仔緊係打番比佢,我試過打50次佢先肯聽。有時可能約左出街,臨轉彎就到,佢早到少少,佢會嬲到番屋企。又試過約左我去銅鑼灣,遲到三個鐘,原來去左同fd行街,我就on99等左三個鐘。當然,佢試過掉低我係條街到搵朋友。年宵果時,佢試過當住我面咀個女仔,想睇我有冇嬲。果時我仲好鐘意佢,每次都會諗係咪自己做錯野激嬲佢,諗番起都覺自己on9。

記得到情人節果日,我地學校會賣玫瑰花,我就買左一枝,放學果時送比佢,佢仲好開心。如果果時有snapchat,我諗成個story都係枝花同佢自拍。(我咁大個到依家都未收過花)慢慢咁,我知道,呢啲唔係叫拍拖。係叫on9仔。
咁當然,一定有sweet嘅時候。上佢屋企玩,影貼紙相,佢呃佢屋企我係佢同學,同佢成家一齊出去吃飯。同佢嘅回憶,有啲都真係大個左搵唔番。
可能因為佢,慢慢拍拖都習慣左對對方好,會無條件去鐘意一個人,到今日,我都仲會,我係咪好撚on9?

記得分手果一星期,我做好哂心理建設,亦都因為知道自己唔可以再係咁落去,就乖乖地斬欖走人。好記得,佢果時好唔捨得,仲送左隻我想要好耐嘅碟比我。仲係送我番屋企段地鐵問我:「係咪真係冇可能行落去?」我果時好心痛,因為第一次分手,果種你以後都冇得再見佢嘅感覺,係好難受。答左句係之後,番到屋企,我喊到仆街。

可能你會話,屌,你呢啲係單戀咋on9仔。可能係掛,但真係好撚痛。

-----------------------------------------------------------
我會KEEP住係連登UPDATE但當然大家可以去FACEBOOK預先睇多D
歷史系小賤貨的日常
https://www.facebook.com/historybeaches/


心理準備呀
心理建設
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞