歷史系小賤貨
2017-07-30 13:26:05
『長篇連載情史』(曖昧)
(以下內容均為真人真事)
係一月一號講左句新年快樂之後,佢好似去左外國,仲同佢男朋友分左手,我地就咁樣冇講過野了。我人生冇咩多,最多就係曖昧對象,但我係一個好易沉船嘅人。一鐘意一個人就會無可救藥咁沉落去。唔理其實對,唔理其他朋友。每分每秒都想同佢一齊,每分每秒都想擁有佢,每分每秒都剩係想見佢一個。
其實自己仲不時會夢到I先生,果排仲會自暴自棄,有一排真係會諗:如果,我死左,佢會唔會記得我?咁之後緊係覺得自己好ON9啦,如果我真係死左,呢篇文都唔會出世(笑)。做傻事嘅時候,真係好傻。仲試過落GAY BAR,覺得咁樣可以比自己冇咁辛苦。(結論係去完一次嚇到冇下次)完全覺得BAR呢樣野唔係我去,又嘈又多人,想番屋企多啲。
自己都好努力讀書,希望可以爭取多四年無憂無慮嘅日子,都冇咩好特別嘅野發生。APP我都有照開,但係我就唔係成日玩。過左個感情空白嘅大半年。就咁樣,到左暑假。因為以前成日鳩ADD人,結果搞到個FACEBOOK勁多唔識嘅HEHE。睇住人地好開心,覺得自己究竟係到做緊咩。我唔係幾同同年紀果班HEHE玩,因為諗嘅野完全唔同,
唔係話自己成熟,但有啲HEHE對於世界好似有啲障礙咁,例如連美國總統都唔知係邊個,香港發生緊咩事又唔知咁。
成日唔肯入正題,又係到講鳩野!冇重點!垃圾文!