格林斯潘年代聯儲局係會作出「預防性加息」嘅,即係未有通脹都加定息先。即係好似用「左側交易」炒股咁,好考驗決策者嘅眼光。
而家聯儲局玩data dependent,睇住數據做決定。做決定嘅時候睇太少數據又容易錯,睇太多數據又容易滯後。咁即係好似「右側交易」咁,睇太少數據又容易俾圖表fake,等真係確認牛市先入場又遲咗。
而且聯儲局仲要玩forward guidance,即係加息之前要一早預告會加息,重視同市場溝通。即係好似連登仔買賣之前要早幾日post定自己成個交易計劃咁。再加上聯儲局講完自己嘅計劃之後,又好難反手反得太離譜。當世事變化得太多太快,行動又會更加滯後囉。
其實聯儲局班人都唔識得預測未來,天下太平嗰陣大家唔會理佢地做得好唔好。但係天下唔太平嗰陣,就好似做咩都錯咁囉。