有冇試過以為係好好朋友，但最後變左做過客？

希望有一日做得番朋友
唔知要等幾耐先做到

以前中學4個女仔好frds
但唔知去到咩時候，其中2個女仔帶頭杯另一個女仔，最癲大家仲要出黎繼續玩，但要玩單單打打 ，果時我仲想中間大家做下調廷
，希望大家有咩誤會，三口六面講清楚

最尾仲要因為我同另一個女仔（被杯）去旅行，走黎屌7我又絕交
果次之後心灰意冷， 話L 知佢地死

大啲你就明 朋友唔會行到尾

你有家人有老婆有仔女，排十世都排唔撚到你朋友
有事起上黎都係得屋企人幫到手，朋友理撚你咩

和你老母

有人搵枝槍迫佢做狗？

人越大，對於友情，睇得越開
有女朋友已經足夠

個女仔係咪中意你

有個識左好耐既朋友都係咁 轉行做保險之後又係成個人變到好勢利 開口埋口講跑數爭獎 間中講一兩句啲保險語錄
傾到咁上下 佢總會搵到位sell保險plan
雖然佢未去到話我打工無出頭天 但係我已經知道好難再好似以前咁傾到深入少少既話題

見慣不怪了
以前中學大學同學 拍拖都無左影 之後有埋家庭更加唔會理你
不如自己識個另一班FD/自己都拍拖
或者環境唔同左 暗底裡會比較會眼紅 咁不如唔做FD

如果自己唔斷絕來往
變相就對唔住自己

有機會隔多排約出黎食飯
好過死左先後悔

唔好睇得朋友太重要，除左你另一半同屋企人，所有人都只係過客，依家幾best frd都好，結哂婚後有哂小朋友後都唔會再得閒招呼你
好啲嘅都只係最多間中打下牌

同啲中同呢幾年都無乜計傾
人大左
個gp可以成個星期都無人講野

最慘口講冇錢冇時間
但日日係ig post見到佢周圍玩

中學好熟 但越大越睇錢，識男朋友要有車有樓基本 為左錢可以做唔道德野
自己拍拖唔重視而方面 就比佢地串比佢地白鴿眼。。。

其實會疏遠 你都覺得依段關係可有可無啦
當然我又唔覺一段關係一定要死keep先得
可能過多幾年又會傾番計都未定
我自己都有啲試過嘈交嘅朋友
但一樣keep到過時過節出黎食飯聚下
冇話邊個方法好 但依啲分歧係咪完全要疏遠呢 依個就你自己諗

一定唔係

搵番佢啦
朋友之間一時妒忌好正常
你都有女朋友咪體諒下人地

中同 後尾佢去左整容 以為自己真係變左女神
D價值觀錯晒 又當圍內幾個朋友係工具人
出黎食飯要做佢腳架 同攝影師幫佢影相打卡
Feel到大家愈行愈遠 後尾冇再搵佢

以前大家都仲係一齊放工就番屋企吹住水打機咁就一日,
但近幾年尤其19年後慢慢愈黎愈多分歧.
大概就係果段時間番到去已經夠攰,
但一同佢傾開就係聽佢點分析應該要點點點,
但叫佢出去和平咁"行下"透下氣,
會話怕呢樣果樣做左冷氣軍師.
到之後要網購野要做research要搵地方放,
全部都大概講句佢"無你做呢d咁叻, 等你黎搞啦..."
甚至想搵佢幫下手放小小野係佢度/送貨都話唔方便
最後傾開計佢成日睇開白兵講白兵d 觀點,
我已經唔知大概有咩話題


老實果句我係幾不滿佢做冷氣軍師,
但更大既原因選擇慢慢疏遠係因為真係已經無咩話題.
如果每次為左想有野講,
而同佢一次去講香港人點點點, 香港人物物物,
又或者要批評呢個, 聲討果個,
我自己真係唔會想...
係香港呢幾年大家生活都已經好辛苦
我自己都係醒左訓唔番,
亦無可能做番港豬先移民

但點都好啦我都希望佢係香港搵到佢自己既lifestyle

有呢個帖，順便不吐不快

有一個好朋友，女。
嗰陣我公司要縮減規模，俾個客我自己接，
要頂數6位數字，但真心有得做，
然後我問佢借錢，計哂利息還款期，
佢無話唔借，成晚餐飯講到我一文不值，
搵3萬蚊俾佢講到雞碎咁多，話公司縮點解要你頂，
用行外人去諗行內人，最後我吞左啖氣，
由得個機會走左，然後睇住人地賺錢。
一年後佢結婚，我買哂金做哂人情，
比佢水黎水去，點黎點去，最後飯都無位食，
我諗住走喇，行埋黎做場大龍鳳，有返位咪照食。
第二日話得閒再約食飯，我話你地結婚洗多左錢，
草下錢遲啲再見，然後一直無回信，
直到係街撞到，你走夾唔頭仲拖住個老公想走，
好老實，唔係你當年對我有恩，由小學識，
我真係無興趣同打算交往咁耐，
好多野我認為係朋友既，我受無問題，
但連面對都唔面對，連係咪人都成問題，
恩我就報哂，行埋黎我會唔會打招呼睇我嗰日心情，
做人做到咁老套，永遠唔站係對方立場思考，
去到邊都只係不知所謂。

另一個好朋友，男。
呢個再親啲，對我有恩，無話不談，親過親人，
識左18年。
兩年無見，其實我都唔知發生咩事，
最後一次食飯我生日，
無幾耐你話分左手，我安慰你，
然後無覆過我無搵過我，
我想關心都唔俾機會我，
去你屋企等你又唔出現，買哂禮做中秋新年無反應，
因為佢老豆都睇住我大，我都好尊重佢，
每次都只可以經佢老豆或者其他親人轉達我搵佢，
永遠無回覆，有次我打俾佢無聽，打俾佢家姐唔通，
等多陣再打，佢家姐話同佢傾緊，我再打返俾佢又係唔聽，心都淡埋，我早幾個月決定唔再買禮唔再搵佢，熱臉貼人冷屁股，係咪分手大哂？
我只係想關心你，咁多年友情，原來之前跨得過，
係因為未發生，而家你試過分手就可以連那怕一句生日快樂都唔覆，一個訊息都唔回。
好撚野。

呻完。
人從來都係自私，我無諗住講咩不是，
但係人都有感情，我只係關心，做朋友做既事，
都唔係講咩回報，你同我講唔夠錢我俾埋你都仲得，
一個交代都無，我重復多次，咁樣連人都唔係，
而家順其自然。搵我有心情就覆，唔會有大感覺，
有啲失去左就係失去左，
關係係要努力去經營，朋友家人同事都係。

嗰度補充返，
我係話佢地結婚使大左，
叫你地草下錢，唔使咁快諗請我食返飯。