同有個”friend” 識左十幾年,同一個小學同中學,但直到f.4 同班先開始熟。
大學一路都有啲事發生,覺得佢唔係真係當我係朋友,但好白痴咁覺得識咁咁多年係難得,想好好珍惜,所以都忍咗佢。
畢業出嚟做嘢,佢去考JRE written 唔pass,
咁我當時唔知咩係JRE ,聽完佢講覺得幾好玩,就話咁我又試下先。佢就一句「算吧啦你,你都唔會考到架啦」
當時覺得做friend 會唔會講啲咁嘅嘢呀?但都係忍咗,成日以為咁叫大方,但其實係白痴
佢係一個好有目標嘅人,知自己想做公務員/HA,覺得高薪厚職,出到嚟似成功人士。所以考唔到公務員就諗轉做同自己無關嘅言語治療,因為返HA見啲言語治療師望落專業同人工高,同佢講冇咩可能又唔高興,最後都係失敗。好快佢就轉移目標要考營養師牌(本身佢都讀呢科,所以正路啲)但佢要搵外國大學讀。
由搵agent,改personal statement 甚至send email 問間大學嘅嘢都搵我幫手。有次放工佢約我出嚟,話封email 諗唔到點寫,咁我就睇清楚啲課程內容再問佢想知啲咩,前後用咗十分鐘左右寫咁俾佢,佢竟然坐喺度話寫封email 都咗耐嘅
佢自己返工用成日都寫唔到好意思話我?!跟住有次佢預備考GRE ,download 咗個app做啲題目,叫我試吓話好難,我應該唔識,點知我做完高分過佢又話我做得慢,同埋佢前面嗰part 錯得多所以我呢part 易啲先啱咁多。之後考完TOEFL出到嚟又話覺得自己可以高分啲,咁我同佢講我大學朋友接近滿分,佢就話乜你UST有人英文咁好嘅咩?!
心諗乜料呀
佢係個潮流興乜就跟乜,19年之前啲人好興去深圳玩,我同佢講有乜好去呀,我唔中意呢啲嘢,就俾佢話我悶、偏見、唔接受新嘢… …
識咗咁多年只係同佢去過一次旅行。嗰時我話想去日本睇櫻花,佢話日本冇咩興趣,同埋要去美國讀佢個營養師牌要慳錢,話不如去韓國,雖然我好唔想,但抱住去下無妨,可能會對呢個地方改觀咁應承。
由去到機場嗰下就唔係個好開始。佢第一次見人揸BNO就問係咩嚟,解釋完以為好普通嘅事,唔知踩到佢邊度啦,直至旅程完,係釜山機場check-in嗰時佢終於忍唔住話HA入面BNO係便秘簡稱
到個垃圾地勤唔知本BNO係咩嚟搞咗一輪先俾我過,佢又串串貢咁話「人地唔承認你本嘢喎」
我揸本護照都得罪到你?
去旅行期間,佢自己想買sleeping mask 又同個sales 講唔掂嚟搵我,我都愕晒然
講唔到咪俾張相人睇,點知佢話上網見人講呢隻sleeping mask 出名但佢唔知有冇for補濕,呢啲正宗膚淺港女,咁我同人講完先知人哋sleeping mask 冇出補濕。咁本來我都冇放喺心到,點知之後幾日佢就行行下街話自己英文好,返工有人讚佢,又話俾機會我練英文
真係多謝晒,唔知點解佢咁care英文好唔好呢樣嘢,仲要好似同我比較,自問英文唔係好,有乜好拎我做假想敵?跟住又話同我行街好無癮,因為我唔買嘢,咁我話釜山呢度賣啲嘢咁似深圳東門feel買唔落手喎。同佢去景點影相,影完又話張張都唔得囉,post 唔到上ig囉
所以去完呢次旅行都少咗聯絡。
但佢又好好命,俾佢排到綠卡,佢同我講,咁咪同佢講congrat 囉,點知佢係度話「seriously 😂?」頂你咩,咁你咪唔好要囉。然後佢好順利地去咁美國讀佢嘅dietitian
佢開頭返嚟香港搵我食飯,一路話自己去咁美國個幾月啲口音變咁美式,咩master會讀成”mesterrrrrrr”收皮啦
到埋單嗰時大家俾好晒錢之後,佢喺銀包好輕挑咁拎張一蚊鎂出嚟話「俾你啦」,自問一直對呢個「朋友」好好,佢之前啲嘢我好多都可以即刻屌佢,但都冇咁做,以為咁叫朋友唔計較,但換嚟咁樣對我?
到之後我pass咗jre written 有interview,佢好似難以置信咁,過幾個月特登喺美國打嚟問我收到offer未,仲緊張過我自己,但都知佢唔係咁好心,純粹驚我做到樣佢做唔到嘅嘢。
其實自嗰張一蚊鎂之後,我已經決定唔會再同到呢個人做friend,雖然佢之後返到香港有搵過我幾次,但都冇應佢,common friend 唔知我哋之間發生咩事想做中間人約我哋出嚟食飯,我都話唔好,亦都冇解釋。佢地應該會覺得我唔抵得佢成功做到HA dietitian掛(真心覺得呢個職業廢到喊,好啱啲膚淺港女去扮專業人士) ,但由得佢地。
寫寫吓咁長,可能屈咗好耐。覺得唔公平?點解啲咁嘅人會咁好命?點解其他朋友會覺得佢串就係好笑,我咁做就係認真?點解我真心對一個朋友,但俾人忘恩負義?但其實放過自己先係最緊要,朋友唔洗多,更加唔需要嗰啲出嚟gathering 為影張相po上ig hashtag 埋啲咩xx years of friendship and still counting 但實際強顏歡笑咁影完張相就各自玩電話嘅劣質朋友。朋友貴精不貴多,唔好浪費自己保貴嘅時間