[是咁的] 我喺加拿大住咗十幾年, 識到一個女仔叫Z..（2）

咁我都明總有完嘅一日, 但係睇住自己啲存貨係咁-1-1...即係話我好快就要的起心肝錄埋個結尾..

舊時住paris嗰陣,我隔離屋住咗兩個五、六十歲嘅酒鬼, 係佢哋個後園裝咗個巨型彈彈床.

一開始見到我就覺得好奇怪, 因為我從來未見過嗰兩個阿伯玩,而且佢咁嘅年紀應該都彈唔起.

但到咗同年嘅夏天, 我就即刻明白曬.

原來佢開放畀附近啲靚妹去玩, 日日就坐喺嗰度揸住兩罐啤酒, 望住啲靚妹彈上彈落、彈左彈右, we wa鬼叫....

可惜今次呢個承諾,我冇兌現到.

後來, 係我哋遙遠嘅將來,都再冇對方嘅身影存在.

So Sad

我又無為意過
以前仲成日覺得點解又搞到唔嗲唔吊咁
咁樣諗又覺得佢真係好傻

其實同樓主一齊飲係提示?
定係講整體氣氛係提示

比較蠢get 唔到

淨係睇到好d

想同樓主喺埋一齊之後，先飲呀

都唔知Z想點 又係佢唔要你在先 而家又成日喊苦喊忽

嗰陣Z想讀書
其實唔係過咗好耐
都係一年多啲姐

諗落又唔只，應該有兩年
金皇潮見返一年
但而家都做緊大可汗

簡單講 z分手係想專心返讀書
但後來樓主同k一齊
咁作為z 唔會想拆散人掛
果個狀態z一定唔會表白
亦表唔到白 只能夠做最親密的好友。。

我都曾經以為 有一個人會係我嘅永恒

查實樓主响嗰十年係應該有種浪子嘅feel，係好吸引啲女嘅，不過亦都係因為咁樣，有啲女又或者佢哋嘅屋企人覺得你唔夠上進，無安全感；如果你讀得書入咗大學，Z斷估已經正式同你拍拖；若果你願意跟J俾你條路走，或者佢會同你過人世；不過現實係冇如果，你嗰十年大運亦唔係咁行；當然到咗跟住個十年大運，你已經慢慢進化到成熟穩重，可以付托終身⋯⋯

等緊樓豬上水

仲要樓主同Z講過同k狀態點
Z係唔知瘋狂扑嘢同追魂call的

係echo唱到五點幾, 望住已經飲醉酒唱唔到落去嘅Z....唯有提早散場.

畀錢嗰陣, 肥E一路數錢一路同佢身邊個位女員工講：靚妹, 入去叫班廚房佬出嚟睇耶穌呀, 呢條撚樣好撚勁㗎屌...

我：點呀又...

肥E繼續講：人哋耶穌都要有盤水先變到酒丫, 呢條友一除褲就得㗎喇, 勁到直頭攞碌鳩去浸酒...飲到醉我就見得多、含到醉我都係第一次見...

我：屌你咩....

肥E收完錢、準備找錢嗰陣又窒鳩我：C哥, 我間echo以後唔使賣酒啦, 你老人家除條褲出嚟畀人含兩野, 個個都即刻醉撚曬...

明明唱咗咁耐都冇嗌過一支酒, 但而家扶住成身酒氣嘅Z....只能夠死狗咁樣同肥E say sorry, 再補多句：都話佢喊呀, 邊撚度有含呢...

肥E完全無視我嘅辯解, 再插多刀：屌你個仆街...仲使撚返工做野咁辛苦咩, 切碌鳩出嚟浸酒賣啦..屌..

我：eeee.........
好撚無奈咁畀完錢之後, 扶住Z一步一步行落樓, 但我突然發現, 原來Z條仆街仲望住我陰陰嘴笑唔出聲..

丫屌...

落到樓下點著支煙,我就打畀wing哥諗住幫Z叫車返屋企：Wing哥得唔得閒呀?

Wing哥：未得呀..我係downtown嗰邊忙緊,你要車？最快都要個幾鐘頭後喎.

我：吓？！個幾鐘呀..

Wing哥：係呀, 冇計呀,你睇下點囉,要嘅再call囉！

我：Okok...

收咗線之後,我就轉頭問坐咗喺石壆發緊牛豆嘅Z：喂, wing哥唔得閒喎, 你有冇用開第二個？

Z打側左個頭喺度諗：Um.....

我：點？有冇？

Z：...我....

我準備撳電話：你有？畀個電話嚟呀？

Z：...唔想行路.

我：丫屌...咁你喺地下躝囉.

Z咪起對眼望住我：小.....

我見到咁都唔方好嘢,就袋返埋個電話之後問佢：得得得, 係到, 咁你想點？

Z：我想....你孭我.

我：咩你！？日光日白周街搞啲咁嘅嘢？你係都係K房叫我呀！

Z：孭呀~孭呀~~孭~~~~呀！唔係咩呀！
Z一路講, 一路好似鬼上身咁擘大對手、反曬白眼.

為免日光日白俾成街人望住我, 我唯有即刻行過去, 孭起咗Z之後就問佢：係係係...怕撚咗你...但你想去邊？

Z用佢個頭, 係我膊頭捽捽捽咗一輪之後：Errr..... Um...... 我要返屋企.

我唔使望錶都知趕唔切：吓！？我就夠鐘返工啦喎, 送唔到你返去㗎.

Z繼續無限輪迴：返屋企...返屋企...返屋企....

我諗咗諗,就試探性咁問Z：Err...唉....都係屋企啫, 不如返我屋企丫？得唔得呀..

Z靜咗陣之後答我：...都..好....

我見佢噏頭, 為免再拖落去啦夜長夢多, 就拿拿聲開始行返屋企：唉....咁我返去放低你先, 之後返工, 你自己慢慢瞓餐飽喇？ok?

Z：好好好....

..由echo行到返去我屋企對開嗰個公園, 我已經feel到額頭唔單直流緊汗, 背脊仲開始有d濕：小姐,你咁唔係辦法喎...

Z勁高音咁喺我耳仔邊答我：咩呀~~~~~

我：喂屌呀！聾啦...

Z繼續喺我耳仔邊講, 不過今次語調正常好多：咩.....呀...

我：唔係呀...咁樣好難搞㗎...

Z把聲突然又變到好認真：..你係想話我重,係咪？

我：咁又唔係...

Z突然好興奮咁, 喺我背後成個人伸直咗,隻手仲要指住前面條馬路係咁"發" ：咁咪得囉！小C子！go go go！

因為Z本來係貼住我個背脊, 我個重心一直都係向前傾, 但而家佢突然之間伸直咗個人, 所以搞到重心變成向後跌, 我畀Z突如其來嘅動作嚇咗嚇, 差少少就拗柴..

即刻停一停, 逗返實佢對大髀、企返定個人先：小姐呀,你 “發”撚夠未呀, 會仆街㗎...

Z笑住咁答我：唔驚啦, 有你墊屍底..

我扮曬奸笑咁答佢：你肯定會向前仆？話唔定向後跌呢？到時就你墊我屍底..

Z：你放心, 我肯定向前仆...

我：屌呀,你條仆街真醉定假醉呀, 講嘢咁有文有路..咪借啲意好喎...

Z：真醉.
一講完即刻扒返嚟我背脊唔出聲扮斷片.

我：丫你條仆街...假到呢...

結果到最後, 我就孭住唔知真醉定假醉嘅Z, 戇鳩鳩、大汗疊細汗咁, 行咗廿幾分鐘先返到屋企.

一入到房即刻掉咗Z落我張床之後, 順手幫佢冚好被, 就拿拿聲沖個涼再趕返大河汗, 臨走前我用腳細細力踢咗Z一下：喂, 我返工啦, 你瞓醒覺call我呀..

雖然唔知Z聽唔聽到, 但佢發出咗啲怪聲,我當佢有反應就算..

但到我收工嗰陣, 一直都冇收到Z嘅電話, 以防Z今晚起身肚餓, 就求其打包咗啲嘢食拎返屋企, 仲順手係公司嘅酒櫃, 趁冇人為意嗰陣, 倒咗半支紅酒落支水樽到.

放工返到去, 見到唔單止Z一個係張床,而且Z身邊仲多咗一本勁厚嘅書, 仲有兩隻貓砸住咗佢, 一人兩貓瞓到死咗咁..

望望吓費事嘈醒佢哋, 唯有自己一個戇鳩鳩去沖涼, 之後出嚟同兩隻貓食宵夜..

Z：Hmm哼哼.....

剛剛開始食無耐, 就聽見Z把怪聲, 望過去就見到Z已經遞起咗隻手, 咁我自然過去拉佢起身.

Z一路打喊路一路講：有咩...食..呀？

我扶咗Z起身之後, 就指一指枱面嗰兩個外賣盒：冇呀,求其公司攞咗啲嘢食返嚟咋, 夠唔夠食丫？唔夠就同你行出去豐衣粥食食宵夜？

Z望左眼個外賣盒：唔使啦..ok㗎喇....
之後伸隻手過嚟成盒攞走咗, 再補多句：只要你唔再食嘅話..

我：丫屌...
見既然連盒宵夜都畀人搶走埋、涼又沖咗冇乜嘢好搞, 唯有開部ps2黎打.

Z見我開機, 就捧住個外賣盒坐過嚟：有乜打？

我：喂你睇住呀！一陣倒瀉落張床到, 我實打撚柒你..

Z笑著伸個頭過嚟：打我丫！你捨得咩！你捨得咩！你捨得咩！

我見到佢個死人樣, 只能夠好無奈咁講句：到我捨得嗰陣, 你就知死....

到隻game個title load咗出嚟, Z就話：xenosaga 2？玩咩㗎？

我伸手拎咗支煙, 點著咗吸一啖先答佢：rpg.....

Z：吓？

我：um...
諗咗諗點樣解釋畀佢聽, 但我決定放棄：呢啲你冇興趣㗎啦...

Z：超...

我：丫係喎,之前同你講嗰隻kingdom hearts2出咗囉喎,你係咪上嚟睇? 係嘅我聽日去買呀..

Z：係丫, 好喎！反正我嚟緊有幾個test,等我好似舊時咁拎埋啲書過嚟讀先！

我：嗰疊？
我指一指放咗喺我張床嗰本書.

Z：係呀,搭車嗰陣時讀丫,無謂嘥時間.

我：都得, 你鍾意啦.

Z：唉...都係唔好喇.

我：又做咩？

Z：費事一陣你條女殺過嚟, 我要跳窗走.

我：冇事嘅.

Z：你冇事我有事呀！你條女k喎, 出名唔係人咁品...

我：你又知！？

Z：你唔知我係你身邊, 插滿曬線眼嘅咩！？

我：吓！？有冇咁撚犀利呀？指隻嚟睇下？

Z無出聲, 淨係水平咁遞起咗隻手指, 然後我其中一隻為食貓可能以為有嘢食, 自動波行咗過去, 跟住Z畀咗個好燦爛嘅笑容我.

我：丫屌.....放心啦,無事嘅.

Z：...你肯定？

我：係呀..
我用支煙指一指我隻窗：呢度跳落去跌唔死,最多拗柴, 捽吓鐵打酒就好返...

Z：妖...
講完大大力踢咗我一腳...

到食到差唔多嗰陣, Z問我：喂, 有冇水呀..

我：冇, 不過你睇吓呢支啱唔啱飲..
聽見Z問到, 我先醒起之前裝咗個支紅酒, 就行去個袋拎出黎掉畀Z, 順手喺衣櫃拎罐黑啤出嚟...

Z：嘩, 利賓納呀？！個包裝咁特別嘅？我鍾意葡萄適多啲喎！

我：葡你老母, 嗰啲留返你糖尿我先請你飲啦.

Z：咁毒嘅你份人...

我拍開咗罐黑啤、飲咗啖之後, 指一指佢嗰樽：我喺公司撻㗎, 飲啦.