[是咁的] 我喺加拿大住咗十幾年, 識到一個女仔叫Z..（2）

唔使客氣,都係上下網、打下電話啫

SA police 個網, 你有興趣就自己睇下

https://www.police.sa.gov.au/services-and-events/freedom-of-information

Lm

好多有心人

連登有愛
唔該哂咁多位同貓靈巴打, 岩send左email問bitre有沒card accident report之類既野可以比我睇, 睇下點覆

我只係想知個原因係乜(醉駕?天氣問題?...)
但不禁又諗就算知左個原因又點, 人都唔會再番來
send完email呢個moment我都唔明咩原因想驅使自己咁做....唉

當了咗件事

到底應該係呃鳩Z, 話肥J突然有急事搵我幫手,今晚唔得閒聽日先過去砌張枱好丫..

定呃鳩k話今晚收工, 要先去揾肥J砌埋張枱, 夜d返好呢...

今次真係殘酷二揀一, to be or not to be...

諗諗吓, 一落車我就決定打畀當事人, 問下佢意見.

我：喂, 喺邊呀？

肥J：係P mall打緊Gundam vs囉, 有咩幫到你？

我：有事搵你傾,見到面再講.
既然located咗肥J位置, 咁講多無謂...所以我極速cut線, 即刻跑上去p mall2樓...

我：家吓單野就係咁,你點睇？
肥J被我係機鋪捉咗去後巷,點著支煙之後我就極速張件事講一次畀佢聽.

肥J慢條斯理吸咗啖煙, 再呼返出黎之後望住我講：明明係你男人一字馬, 點解好似我先係當事人咁嘅？

我：屌..你有份㗎...

肥J：老細,兩個我都冇份屌㗎, 尤其係k, 我唔想英年早逝..

我：唔係呀, 我話喺我兩個大話入邊, 你都有份㗎嘛..

肥J：屌,識著你真係好..成日有嘢益我...
一支骨插過嚟.

我扮聽唔明：你都覺得？ 咁你覺得邊個好啲？

肥J：....唉....講真, 大C哥, 我覺得你絕對需要喺k個閪下面抖下氣嘅....唔係我都唔會幫你cover咁多次啦....

我：Umum...係囉係囉...吊頸都要抖氣啦, 何況屌閪？

肥J靜咗成分鐘之後, 突然之間問我：但....其實你同Z有冇嘢嘅呢?

我諗咗諗之後答佢：Um .. 嚴格嚟講....冇.

肥J：....宏觀嚟講呢？

我：Um.... 好似都係冇...

肥J：屌！？唔撚係呀！？我見到兩個平時好撚曖昧下㗎喎！

我好無奈咁答佢：我同Z咁多年嚟都係咁曖昧㗎啦, 你睇耐咗就慣....

肥J：丫屌...
屌完就大大力吸咗啖煙直接噴落我到.

我：妖..又做乜鳩, 吸二手煙危害健康呀.
我用拎住支煙嗰隻手, 撥開佢噴過你嗰啲二手煙.

肥J懶係正經咁講：吹鳩醒你呀！好心冇嘢就唔好搞咁多嘢啦！

我：我習慣俾人吸醒架喎..
見到佢個死樣我忍唔住串返佢, 順便因為有啲心虛嘅關係, 想扯開話題...

肥J：丫屌你老母....其他人講我當佢鳩噏, 係大C你條仆街講特別有說服力, 成件事有曬畫面..
肥仔聽完好用力咁捽自己個太陽穴,好似突然諗起啲嘢好痛苦咁..

我：屌你咪諗啦..
我拍下佢個膊頭, 安慰吓佢.

肥J：你估我想㗎, 上次我同小小係你隔離瞓覺, k晨早流流上到黎直接當我透明..丫屌, 成件事越嚟越清晰.
肥J一路講, 成塊面開始攬埋一舊.

我：唉....叫咗你咪撚諗啦...

肥J扮曬嘢打完個冷震之後, 就話：errr...我贊成你過Z到先.

我：咁突然嘅你份人.
肥J冇預警轉軚, 攪到我爭啲畀支煙濁死...

咳緊嗰陣突然覺得有啲唔對路：咪住先, 肥J, 點解我好似聽到個“先”字嘅？

肥J：係呀, 我諗過㗎啦, 既然k已經喺屋企等緊你, 你今晚係咪都走唔甩, 做硬慰安夫...

我：慰你老母...

肥J：唔啱聽呀？捐精囉咁？

我：丫屌, 你有冇興趣？不如過嚟一切共襄善舉丫？反正平時你都係去廁所放生㗎喇！

肥J送咗隻中指畀我：屌你老味,咪撚嘈住先啦！

我舉起右手揸實拳頭但留咗個窿, 對住佢隻中指做咗個打飛機嘅姿勢.

肥J：屌...嗱, 不如你放工即刻call車過去Z到, 先幫佢整埋張枱, 再食埋個飯relax吓, relax完之後再call車返嚟....你自己都識講啦, 屌閪都要抖氣丫, 丫唔係, 回氣先啱...

肥J停一停, 吸啖煙再講：家下咁樣,你咪兩邊都唔得罪囉..

我聽完都覺得係一個辦法：um...咁k嗰到點算？

肥J：咪話你過我度整枱囉, 最多你去完Z嗰到之後, 我同你一齊返屋企啦.

我：嘩, 一瞬間覺得你好man, 直頭頭頂有個光環嗰隻...

肥J有啲唔好意思咁講：其實.....我買咗隻洛克人X合集...

我：得, 屌, 無野啦, 當我冇講過....

肥J：唔係呀,今集有得用zero.. 好鬼型架...

當我同肥仔散咗band, 臨走前將個電鑽交咗畀佢keep住, 叫佢因間返工先畀返我之後, 就急急腳趕返屋企畀k執一劑, 以免佢起疑心.

到沖埋個涼, 行緊返去大河汗嗰陣, 收到肥J電話：喂, 喺邊呀？

我：等緊紅綠燈過馬路返工.

肥J：食埋支煙先開工啦, 我喺網吧門口等你.

我：又好..

過到網吧, 同肥J傾傾下又總係覺得呃Z唔係幾好：喂, 不如同Z自爆囉...

肥J：吓！？你冇撚嘢呀？

我：唔係呀...諗諗下都係覺得呃Z好似唔係幾好咁...

肥J：屌, 呃k嗰陣又唔見你嗌唔好！？

我：咁佢冇摸我上面呀嘛...

肥J：屌...咁唔再講, 有畫面、有畫面....

我：丫屌...點呀, 我好唔好自爆丫...

肥J：唉, Z單野你自己諗撚掂佢, 唔好問我...

我：我唔問你問邊個呀？我身邊得你一個咋喎..

肥J望一望佢自己隻手錶,之後答我：我淨係知你仲唔行, 返工就一定遲到.

我：嘩屌..先知托世...

跟住肥J一路行, 我就一路揸住個電話, 猶豫咗一陣之後, 就決定打畀Z, 而肥仔見到咁樣, 就係隔離畀咗個冇眼睇嘅表情我.

Z一聽電話, 第一句就講：大C？咁準時嘅你？

我：不嬲咁準時㗎啦..

Z笑住話：你又知我講咩？

我：唔知架, 不過見你讚我,我認咗頭先咋.

Z：妖...我剛剛買完餸入屋呀.

我：你真係去買㗎？我仲以為一陣食公仔麵..

Z：係呀,咪去咗買公仔麵囉！沙嗲味啱唔啱？定五香？仲有雞蓉...

我：丫屌..

Z：做咩呀？唔係夠鐘開工喇咩？掛住我呀..

我：Err.... 頭先冇,而家好似有d.

Z：幾個鐘前先見完咋喎, 大c你食錯嘢呀？

我：唔係食錯嘢, 係未食嘢呀....

Z：唓..等收工過黎咪有得食囉！

我：係係係...

Z：喂唔講住啦,我去廚房執埋啲嘢先,今晚見啦.

我：Okie.. 今晚見.

到Z收咗咗線之後, 我已經同肥J兩條友, 鳩鳩企咗喺大河汗後門出面, 點著咗支煙.

肥J望住隻錶同我講：印像中....好似三分幾鐘之前,有人話想自爆？

我：吓？有咩？邊個自爆咁戇鳩？

肥J指住我企嗰個方向：嗰個.

我即刻扮曬嘢擰轉面周圍望：嘩！咁肥J你就唔啱啦, 見到人想自爆梗係第一時間阻止佢啦, 佢爆親自己唔緊要呀, 但一陣爆親附近啲小朋友, 花花草草就唔好啦...

肥J：我屌..丫...




係呀, 我同Z咁多年嚟都係咁曖昧㗎啦, 耐咗就慣, 絕對唔係愛情.

又要問人意見，聽完又唔理
咁你問嚟吧撚咩

乜我有唔理咩

你問肥J自爆好唔好，肥J 已經屌鳩你無撚野啦
雖然你最後（暫時）都無自爆

係囉,咁我咪聽佢講,冇自爆囉

肥j 呢啲先係真兄弟 有膽色 有智慧 有義氣

仲有肉地

大波

應該會係好老婆material
可惜有J

siu4
講就凶狠 做就…

有J咪唔驚大肚囉

男人嘅野....

啱丫 認同