[是咁的] 我喺加拿大住咗十幾年, 識到一個女仔叫Z..（2）

到食完飯, 我洗緊碗嗰陣時, Z坐喺廚房中島另一邊, 問我：咁佢哋陣間幾點開波？

我：好似....十二點集合？..
講完就好自然擰過去望一望Z, 見佢幫自己倒咗小半杯紅酒：嘩！乜你仲未飲曬支野？

Z：諗住同你一齊先開嚟飲吖嘛...要唔要咖啡？

我：唔係話一齊飲咩？

Z：一齊、先、開、嚟飲呀！而且你都唔飲㗎啦！

我：丫屌...

Z：要唔要咖啡呀,沖杯畀你啦？

我：要呀！好過乜都冇..

Z：你條友...睇我對你幾好...
之後就開始沖咖啡.

我：anyway, 如果支野次次都等到我過嚟先飲, 咁好飄忽㗎喎, 你支嘢一係抵飲到當家傳之寶留畀個孫, 一係個個月買一打上嚟...

Z：吓？一個月買一打咁好？你準備日日過嚟呀？..沖好喇, 睇熱.
講完就將杯即溶咖啡放喺我前面.

洗完碗抹乾隻手之後, 我就拎起杯咖啡飲咗啖放番低：唔係呀, 我諗住你一次飲得曬啩..

Z：丫..再嘈溝杯Irish coffee俾你丫嗱...
講完就扮曬想將杯紅酒倒落去嗰杯咖啡.

我：丫屌, 我因間要揸車丫...
我見到咁即刻日伸手去搶返杯咖啡.

Z即刻爆笑：吓！？打機都算？

我：算...啩？..

Z笑住望下個鐘：妖...喂你差唔多要返上去喎？

我：係咩？咁快就夠鐘啦？

Z冷氣sweet咁, 托住個頭望住我講：同我一齊快樂不知時日過呀嘛.

我：吓, 咁我咪會好短命...

Z：丫妖...你條友把口...真係想一巴巴掌賞你..

我見到Z舉起隻手, 即刻係自己個嘴前面做咗個拉埋拉鍊嘅手勢..

到飲埋Z沖嗰杯咖啡、再拎埋個袋,就準備落樓下行過去搭車.

因為最怕鬼呀

Z送到我出𨋢口, 撳完𨋢之後同我講：咁下個禮拜幾時去呀？

我：吓？去邊呀？

Z登大眼望住我：去唱k囉, 你話嘅.

我：吓？你唔係話唔使㗎咩？

Z：我話唔使你請咋嘛,冇話唔去呀.

我：你話事啦,你知我schedule.

Z：乜我知㗎咩？

我放隻手指上額頭, 好用力咁講：剛剛用念力email咗畀你.

Z：妖..

我：咁你收唔收到？

Z學我咁擺隻手指上額頭：唔覺喎, 係咪你封嘢有毒呀, 我轉頭check下junk mail..

我：丫屌...

Z：總之我想去嗰陣就call你啦..

我：好丫...

到上咗巴士之後我第一時間打畀"病咗嘅" 肥J：肥J, 喺邊呀？

肥J：煮緊公仔麵..

我：我返緊嚟啦喎？

肥J ：....我諗過喇,好似唔係幾好...

我：吓？即係點呢？

肥J：你....都係返去畀k執一劑先穩陣啲...

我：肥J你條仆街又轉軚?

肥J：..阻人扑野燒春袋..尤其係阻住你條女, 唔好話火燒春袋...

我：係係係...
其實唔使肥J開到聲,我完全理解阻住k扑嘢嘅下場會係點..

肥J：不過唔好話我唔夠兄弟, 總之....我會睇住時間, 過零兩個鐘之後call你啦, 等你唔好畀人屌到變人乾.

我：你話㗎仆街, 咪跣鳩我呀.

肥J：Okie啦...唔講啦, 水滾...

落咗車即刻點支煙, 用最慢嘅步伐爛返屋企..

返到去一開房門, k果然已經傾乾水、用異常淫賤嘅眼神係床等緊我...見到咁我都冇特別反應, 只係默默咁除衫、除褲, 然後爬上張床..

到我沖緊熱水涼、但又俾k含住搞到打曬冷震嗰陣, 我第一次咁期待可以打洛克人...

...而肥仔條仆街最後都係用我底.




係呀, 快樂不知時日過, 話咁快就過咗十年.

然之後.

渡日如年.

黑化有S&M同g, 仲有竹昇妹

出咗

真人ok, 但我post嗰幅相整到好恐怖, 唔建議你睇

本身個次序應該係撞鬼>k>黑化>食女

咁排唔關年份事, 只係因為啲出場人物會比較易明

btw, 鬼故其實好歡樂

鬼知咩

搕到喇

追晒

追晒追晒

而家睇返鬼故, 對比其他經歷真係好歡樂

有冇嚇親？

辛苦曬

恭喜恭喜

屌 Z比晒提示 話想同你一齊喎！

不願...置評

冇野喎

印像中張相因為我亂鳩咁落馬賽克, 好似畀人屌到爆

好大波

其實都唔係提示 係明示 其實你當時get到 點解又冇再去馬呢？想知你當時心態