[是咁的] 我喺加拿大住咗十幾年, 識到一個女仔叫Z..（2）

性與愛真係分得咁開？
我要同鍾意嘅人先可以日做夜做

比樓主再見返z會點

睇你遇到咩人囉

一開始我都以為係, 但慢慢你就發現....原來唔係

唔知, 有機會先算.

大部分讀者想你見返k先

有心、不了.

文呢!????

真

咁應該真係好好屌

老婆病咗, 頭暈身㷫車都揸唔到, 剛剛去佢公司接咗佢返屋企, 而家趕緊返酒店.

大約兩點鐘出

k真係好好屌...

好砌過老婆

你呢個氹有啲明顯, 法官大人我冇嘢講

我愛老婆

老婆緊要啲
幫我同講get well孫

自從我阿媽過咗嚟之後, K就再冇機會自把自為殺上我屋企, 而且除非我迫佢, 否則佢好少會搵我阿媽, 什至肯同場出現.

而少咗K我都樂得清靜, 亦都令我有時間坐定定思考, 到底我同K嘅關系入面除咗性之外,仲有啲乜嘢淨低.

當然Z亦唔方便再過黎過夜, 但自從有次佢約我去shopping, 因為我臨時臨急唔得閒、唯有叫阿媽頂上之後, 有時Z怕我阿媽無聊, 都會主動約我媽出去食下飯行吓街.

試過n次佢哋食完晚飯之後, Z會上我屋企玩吓貓等我收工, 再齊齊返佢屋企過或者出去happy hour.

有日我同Z出去唱完k之後, Z就話：喂, 記唔記得metro square係邊呀？個名好熟, 但係我就係唔記得咗係邊...

我聽見Z咁講, 點著支煙之後就開始自言自語：metro metro metro... 丫屌！好近啫, steels坐巴士直落咪係囉！幾個站就到！

Z：哦！！！白色嗰嚿呀？唔怪得知個名咁熟啦！妖！成日搭車都經過..

我見Z又喺個保鮮袋拎咗支煙出嚟, 我就幫佢點著埋：做咩呀你去嗰到？打機呀？

Z吸咗啖煙之後, 好驚訝咁問：吓？打咩機呀？

我：頭D囉！metro上面有間機舖, 我返金皇朝嗰陣, 成日收工同肥J嗰條車隊班人落去打㗎喇！

Z：我仲以為你哋淨係喺pmall到打添？

我：pmall係肥J嗰條車隊主場, metro係另一班.

Z：打機姐..搞到咁複雜咁嘅...

我：唉..是但啦, 咁你過metro搞咩呀？

Z：丫..係..
Z吸啖煙, 呼返出嚟之後講：冇, 前幾日聽個friend講, metro square嗰邊開咗間北方野幾好食, 你有冇興趣吓？

我：北方嘢？ok喎！你知我最鍾意食餃子..

Z：就係知先嗌你...

我：咁你想幾時去丫？

Z望一望錶：你冇嘢做咪而家囉, 我ok呀.

我：我都ok呀, 同你搭車落去囉.
講完我就離開echo樓下, 開始向巴士站個方向行過去.

Z：喂！去邊呀你！？

我：吓？唔係而家搭車落去咩？

Z反曬白眼咁講：嗌埋你阿媽啦好心..

我：丫屌...你唔講都唔記得咗...

Z：你個不孝子, 你老母過咗嚟成個幾月呀, 咁都會唔記得..
講完就伸隻手出嚟, 攤開手板對住我.

我：um？做咩呀？
見到咁, 我就將自己嘅手擺上去.

Z雖然冇推開我隻手, 但好唔耐煩咁講：妖！電話呀！

我：吓？

Z：唉..冇嘢喇,我自己打...
見我戇鳩鳩無反應, Z就真係自己拎咗電話出嚟,開始撳掣.

當我仲諗緊Z打無啦啦打畀邊個、剛剛想開口問句嗰陣, Z已經極速解答咗我嘅問題.

Z：喂?auntie呀？Z呀, 你幾好嘛？

等電話另一邊答完, Z又再講：冇呀, 我同C哋諗住出去食飯, 睇下你有冇興趣一齊？有嘅我哋而家過嚟接你丫？
講完仲啤咗我一眼.

Errrr......我只能夠好無奈咁企喺隔離食住煙,睇住Z變曬聲咁同我媽講電話...

Z：好丫, 咁你換衫先, 我哋而家過嚟接你.
收線袋返埋個電話之後, 好得戚咁望住我：你..個不孝子...你老母喺屋企食公仔麵咋.

我：um...公仔麵幾好丫...貴嘢嚟㗎....你話我畀佢食康師傅就仆街啫.....

Z拍咗我一吓：妖..行啦！
之後頭也不回咁, 直接向我屋企個方向行過去.

我：係係....

嗰晚食完飯之後, 因為Z第二日要返早, 所以我送咗佢上巴士之後, 就同阿媽行返屋企.

題外話, 唔知仲有冇人記得喺其他經歷入面,出現改過一位我稱之為“麻甩佬”嘅人？呢條友, 就係呢間餐廳識.

嗰晚我同阿媽仲有Z食緊飯嗰陣, 隔離枱有個茂利突然之間用廣東話搭訕：唔好意思呀, 我想問你哋枱面呢碟係咩黎？我..個女想食...

我哋三個聽到, 就一齊凌過去望吓呢條茂利, 見佢隔離坐咗個睇落大約六歲、生得幾得意嘅小妹妹, Z就主動攞咗隻碟、夾咗少少畀個細路女：妹妹, 你試下睇下啱唔啱食先啦？鍾意食嘅, 先叫爸爸嗌, 好唔好？.....

茂利見到咁, 就即刻同個女話：快啲講多謝姐姐先？

我喺隔離細細聲講咗句：姐乜嘢姐丫...姨姨得啦..就嚟嬸嬸添呀...

當然, 嗰位集“姐姐、姨姨、嬸嬸”於一身嘅人, 仍然保持笑容, 但喺枱底大大力踢咗我一腳...

嗰晚之後, 我分別喺大河汗、金牛苑、檸檬樹都撞返呢條茂利...

Anyway, 嗰晚返到屋企, 我沖完涼出嚟嗰陣, 見到我阿媽喺到搣橙, 就順手坐低拎咗嚿嚟食.

食食吓, 我阿媽突然話：其實....Z幾好丫？你唔諗諗佢？

我聽到差啲畀嚿橙鯁死..

我阿媽望住我咳到抽筋仍然無動於衷, 等多陣見我咳極都死唔去, 就繼續講：你而家條女..k？佢份人成日九唔搭八咁..

我：係...囉, 乜你都記得我仲有條女㗎咩？

阿媽突然陰陰嘴笑：見得少, 一時間唔記得咗lu.

我：啤..

阿媽：不過呢....你自己小心啲Z啦, 你知你阿媽睇人臉相好叻...

我見等咗咁耐, 終於都有機會報頭先嗰嚿橙嘅仇, 即刻亮劍：叻又唔見你出去開檔....

阿媽面不改容：你阿媽呢啲叫做深藏不....

未等阿媽講完, 我就直接打斷佢：你繼續深藏啦,咪露添呀, 洗眼呀...

阿媽發揮老母無事仔女講嘢嘅天性, 繼續講：嗱..雖然齊睇Z平時對人斯斯文文、客客氣氣又有禮貌, 但睇佢個臉相, 一返到屋企閂埋門, 十成十似係惡老婆嗰種,乜都要話曬事...

我：今次真係你老母丫..乜都俾你講曬咁喎...你唔出去開舖招搖撞騙, 真係嘥撚曬...

同時我心諗,阿媽....其實Z唔洗返到屋企閂埋門, 佢anytime、anywhere, 一句小C子8成時間已經可以令你個仔跪低...淨低嗰2成再加多個無限loop hmm哼哼 combo已經可以100%收你個仔皮..

阿媽好休閒咁答我：你知你老媽子份人, 人哋對我點我就對佢點, Z對我幾好丫.

我：吓？但你話閂埋門我就奶嘢㗎喎.

我阿媽睇嚟都等咗呢個機會好耐：閂埋門, 我理得你發生咩事丫.

啤....

嗰段時間入面唔單止LL大人, 連肥J都笑鳩過我話Z行緊外母政策, 你等住畀人夾上花橋啦...

而喺某一日做緊lunch場嗰陣, 竟然撞到n年冇見過, 同班朋友嚟食飯嘅g.

我哋兩條友當場攬埋一舊we wa鬼叫, 即刻嘢都唔做坐低同佢catch up, 雖然LL大人盡力去cover我, 但後尾都係畀經理屌曬鬼, 捉返去做野..

唯有拿拿林交換個電話號碼,話約出去食飯先再傾.

到出黎食飯嗰陣先知, 原來g留多兩個星期, 就會去Montreal讀酒店管理, 畢業之後就直接返中國.

真係好彩走之前仲撞得返, 叫做人生入便少一個遺憾.

再過多個零月, 我就喺金皇朝嘅舊同事T嘅慫恿之下轉工,0由屋企行路唔使十分鐘就到嘅大河汗,轉咗去揸車都要廿分鐘嘅First Markham Place金牛苑到做.

一來因為阿媽過咗嚟、想搵多啲錢, 二來亦因為我雖然想同K分手, 但一時間又諗唔諗到用咩藉口, 可以令佢唔發癲之下, 我有機會唔扣HP全身而退..

諗咗一大輪, 最後選擇咗當每個男人, 要面對想分手但又唔敢分手嘅時候, 唯一嘅強項：鴕鳥式迴避佢..

所以寧願冇車都好, 一聽見有opportunity（講英文好似高級d, 冇咁仆街）機會遠離k, 就狗衝咗先算.

T搵我上去之前都知我冇車, 所以平時佢都會負起責任車我, 但一個禮拜入邊有一日時間因為佢放假, 係要我自己暗荷包call阿wing車我返工放工.

不過一開始諗住為咗逃避K我都冇所謂, 而且人工又夠cover, 但後尾K直接曬殺上嚟, 捉我去戲院各式野外play....

而我內心, 亦都開始慢慢將k由“想分手嘅女朋友”變成“一個可以各種收恥play嘅sp”狀態.

唉...

何必呢~

何必~~~呢~~~~~~

而且做耐咗, 就發現金牛苑入面, 上至老板Jimmy哥, 下至廚房洗碗個位全部都係仆街.

不過雖然日日都要烚熟狗頭對住呢班仆街, 但呢份工的而且確令到我識到更加多嘅人.

例如麗花三姊妹, 仲有街尾嗰位牙醫, 幫我剪咗n年頭髮、令我越嚟越mk嘅andy哥等等, 雖然當時未算太熟, 但First Markham Place呢班人的而且確, 對我之後嘅人生影響深遠.

而最神奇嘅係, 之後我仲喺first Markham plaza撞返我喺加拿大第一條女b（初戀呀初戀...）, 不過都係好耐之後, 我再返嚟First Markham Place幫人開檔做檸檬樹嘅事...

混混噩噩咁到咗接近聖誕嗰陣, 我阿媽跟成班師奶去咗參加加東三日遊, K亦係呢個時候準備返香港, 結果避無可避之下, 我同佢過咗淫慾24小時, 而我亦都經歷咗咩先叫做真正嘅男人最痛.

到k走咗之後日子變化其實分別不大, 照樣係返工放工, 亦喺呢個時候我畀T條仆街引咗去玩FF11,而且一玩就玩咗幾年, 到最後我個紅魔account都賣咗成千蚊加紙..

只係冇咗K嘅糾纏, 做人自由好多, 鍾意就過Z到hea吓同佢出去唱下k飲下嘢, 再唔係就同賊公賊婆收工沖過去賭場兜個圈, 或者晚晚同T打機打通頂..

唔係話舊時同k一齊嗰陣時, 上面講嘅嘢唔做得, 但次次時間都要計得好, 準唔係隨時奶嘢...玩都玩得唔盡興...

甚至, 放飛自我到走咗去紋咗我第一個紋身.

紋完返嚟Z都睇過, 仲話：個紋身幾靚喎！你自己設計, 定係去到揀㗎？

我吸啖煙之後答佢：去到揀.

Z：點解揀呢個嘅？

我：唔知呀, 我第一眼見到呢個圖案, 我就決定要紋佢.

Z又望多陣, 跟住問我：有冇咩特別意思㗎？

我淨係笑笑同佢講：唔知呢, 你估吓？

Z：超...

正當全世界包括LL大人、肥J同我阿媽在內, 都以為k走咗之後, 我自然就會同Z一齊, 但...

冇耐之後就成地眼鏡碎, 震驚14億人...