[是咁的] 我喺加拿大住咗十幾年, 識到一個女仔叫Z..（2）

又係你？

未

好似K咁陰魂不散

屌啦媽，話諗住入黎追文，點知文就見唔到係度討論魔女(利伸 我未睇到點解要比我入黎睇到劇透呀)

呢度一向歡迎騎劫, 乜都講得

Macross Delta啲歌洗腦

唔使客氣, 一班基佬同花痴戰隊, 再加識跳舞嘅機械人, 睇撚到打冷震

最鍾意macross plus

有晚係大河汗剛剛準備收檔嗰陣, 突然收到大大聲喺到鳩叫嘅Z電話：喂大C！記得呀！聽朝九點鐘過嚟幫我搬屋呀！！！！

我：吓？
心諗,今次仆街..完全唔記得自己之前應承過幫Z搬屋添....

Z：吓乜野？你唔係同我講, 你唔記得左吓話？

心諗,係呀真係唔記得咗呀...不過搬屋呢啲嘢好死嘅啫,人到咪得囉, 冇事嘅....就扮曬嘢答佢：吓？啊, 唔係呀, 頭先唔係同你講, 同個同事傾緊野..

Z：係咪㗎？...

我：係呀, 呃你做乜鳩？

Z：我聽日得你一個嚟幫拖㗎咋...你都知我多嘢, 我一個人搞唔掂㗎, 指意曬你㗎喇...

我：得啦,知啦...聽日見啦, 喂唔講啦收緊檔呀..

Z：我call曬車, 小C子你記者唔好遲到喎！

我：係啦....

Z：咁聽朝見啦！

我：你早啲瞓喇,聽朝見...

Z收線之後, 我先記起上個月同佢去唱k, 唱完等緊巴士嗰陣, 佢突然間話：為你嚟緊唔得唔得閒呀？

我剛剛點著支煙：吓？你具體少少得唔得？

Z：um...下個月....之後囉..？

我：吓？應該...得啩？做咩呀？有嘢益我？

Z：係呀,強身健體.

我：er..... 好似伏伏地喎...

Z：咁你得唔得閒丫？小..

我：得.......但搞咩先.....

Z可能見我食煙,佢自己都拎咗支出嚟點著咗, 狒細細力好快咁吸咗一啖之後：冇呀,我要搬屋.

我：吓？又搬？咁ke點呀？

Z好無奈咁答我：唉..咪係佢囉....

我：吓？？ke唔係啱啱先搬咗過黎兩個幾月咋咩？

Z由嘆多次氣：唉.....
又細細力吸多一啖煙, 呼返出嚟之後講：佢見我地租約差唔多到期, 話要搬過去同佢條女同居喎...

我：唔係啩...之前都冇聽佢提起過, 我仲以為佢gay嘅添...

Z：妖...

我：搵唔到人幫你頂咩？

Z：臨時臨急邊度搵丫...我自己又畀唔起成間..

我：oh..咁你搵到地方搬㗎啦？

Z：搵緊呀...

我：咁你有咩幫手出聲啦..

Z：頭先咪出咗囉, 叫你搬屋呀...

我：丫屌...

Z：有巴士啦, 再約丫！
講完拿拿聲張食咗唔夠半支嘅煙,插咗落去垃圾桶.

我：係係...

而成個對話過程入面, Z從來都冇問過我要唔要搬過去,而我亦都冇諗過要同佢一齊住...再過多大約兩個星期, Z就同我講搵到地方搬, 仲約實咗日期, 叫我去幫佢搬屋....

心入面GUNDAM排名第一仲係機動武鬥傳

血染東方一片紅!

..拿拿林搞埋啲手尾,同大河汗班同事係後門食埋支煙吹陣水, 就行路返屋企諗住早啲瞓, 點知一入屋鞋都未除, 就已經聽到肥J間房入面嘈到拆天.

我份人咁八卦, 當然即刻敲門入去望下,原來成班friend過咗嚟打機,咁又忍唔住手坐低一齊打 Gundam vs...

打完vs又打頭d,打完頭d又打三國無雙, 成班人一齊鳩吓鳩吓, 一打就打到三點幾鐘先散場, 到返上樓沖完涼達落床瞓覺都差唔多四點..

臨瞓前仲特登校定鬧鐘八點鐘起身諗住冇死, 點知人算不如天算....

Errrr.....umm.......

瞓瞓下突然有種好熟識感覺係下半身擴散出嚟, high到我即刻醒咗之後揭起張被..果然見到含緊撚嘅k淫淫賤賤咁望住我...

又一次中出k之後進入神聖mode嗰陣,我突然間醒起一件好重要嘅事, 心諗, 仆街喇今次...

即刻望下個鐘, 果然已經八點幾...睇個勢應該係k撳熄咗我個鬧鐘..

不過正常K一陣間九點鐘要開工, 送佢返工之後再趕過去最多都係遲少少, 俾Z屌兩句啫...冇事嘅冇事嘅...

正當我諗住一切順利嗰陣, k一句說話嚇撚到我差啲心臟病發...

K：快啲起身沖涼換衫, 我約咗a男佢哋成班落Center Island行吓.

我我望住爬緊去拎返自己啲衫,胸震震嘅k呆撚左：吓？？

K用佢對死人大眼望住我：吓乜嘢？咪話約咗佢哋落center island行吓囉,你聽唔到？

我：聽....聽到...不過又去center island? 冇乜嘢行㗎咋喎...

K：佢哋話想出去行下吖嘛, 你唔想去咩！？

我：我又冇咁講...乜你唔使返工咩？

K：請咗假呀.

我：吓？之前冇聽你講過嘅？

K：你都冇問.

我：um...你...又知我實得閒？

K：你今日又唔使返工,有咩好做丫？定你約咗人！？

我：Err...咁又冇...

K：咁咪係囉.
講完冇理我,直接行咗去沖涼房沖涼, 留低我一個戇鳩鳩、手震震咁行出屋, 點著咗支煙.

明明Z同K都係不請自來、先斬後奏、從來冇理過我感受嘅慣犯, 但點解我一向對Z接近0抗拒力, 仲自願送頭, 但對住k我就好撚想打柒佢...

明明k先係我條女..唉...

不過我知我今次走唔甩,點樣都會甩Z底, 不如拿拿聲打俾佢自首先, 睇下可以點補救件事..

我深呼吸一下, 之後盡可能保持住自己嘅聲調正常：早晨Z..

Z把聲聽落幾開心咁：喂！早晨喎大C~~幾驚你唔知醒呀,正準備打畀你！

聽見佢把聲, 唉..我就知今次仆硬街...我：醒咗喇..不過...

Z繼續用愉快嘅口吻答我：不過乜呀？你會遲到？預咗㗎啦..

Z把聲越開心、我個心就越灰...：唔係呀...

Z：咁係咩呢請問？

我：Errrr.....

Z：小.

我：Umm...

Z：C.

我：唉....你響全朵都冇用, K無啦啦殺咗過黎, 唔肯放人..

Z：吓...咁大鑊？

我：係呀..sorry呀..我真係過唔到嚟..

Z把聲開始變得緊張：但我真係指意曬你一個嗰喎..

我亦都越嚟越無奈：我知呀..但我真係突然間過唔到嚟呀...

Z：...

我：對唔住呀...

Z把聲開始慢慢高八度：：K突然一句唔放你,咁我點算呀！？你一早應承咗我㗎喎！！

而我把聲就越黎越細：得得得...你畀小小時間我, 我諗掂佢..我實諗掂佢...

Z：妖！

Z嬲到爆咁cut咗我線....印像中, 識咗佢三年幾, 今次係佢第一次發我脾氣, 而我絕對認同佢有資格除咗發脾氣之外, 仲可以打撚柒我...

唉....喺我點著第二支煙嗰陣, 諗咗諗,我即刻打畀阿wing.

我：Wing哥？

Wing哥：搞乜啦靚仔？我落緊去Z到,就到喇喎, 你哋執好曬啲嘢未？

我：唔係呀...

Wing哥：唔係咩呢請問？

我：我...臨時有啲事過唔到去...

Wing哥：吓！？咁撚大鑊？ Z得一條女咋喎!?

我：我知呀...

Wing哥：你個仆街仔丫...平時甩底就算啦,你襯佢搬屋先嚟甩底咁陰濕嘅...好大仇口喎.

我：係呀, 我知我仆街, 我都唔想甩底㗎, 有急事丫...

Wing哥：我理撚得你有咩急事丫, 你正一仆街仔.

我：我知..所以有嘢想搵你幫手丫..

Wing哥：咁你想點？有咩就講啦仆街仔！

我：你....拍硬檔幫Z一齊搬啦,我私底下加錢畀你.

Wing哥：嘩！屌丫！？你個仆街用錢達我呀？

我：唔係咁嘅意思, 大家識咗咁耐想你幫幫.....

Wing哥直接打斷咗我：四舊水, 未計車費.

我：得得得..你話幾多就幾多啦,你今晚過嚟我度攞..

Wing哥：你個仆街仔丫...

我：係係係....我係仆街仔, 唔該曬你老人家...

見wing哥應承幫拖, 即刻cut佢線打返畀Z.

Z靜咗幾秒之後先出聲：...又點呀, 大C, 唔使陪k咩....
聽Z把聲好似冇咁嬲..不過仲係好有骨.....

我開盡死狗mode：冇...想同你講聲, 我同阿wing傾好咗, 佢會落手落腳幫你手...

Z：..唉.......

我：Sorry呀...我真係唔想㗎...

Z：...算啦..我知你都唔想...

.....

......

見Z唔出聲, 我唯有講：Sorry呀...

Z：算啦, 鬼叫我唔係你條女咩~

....呢一刀算你狠....我畀Z一野就劈到hp淨1, 閃曬紅嗰隻..

又靜咗陣, Z先開口：唔講啦...我拿拿聲整埋d野, 等阿wing過黎好攪d.

我：哦..咁我唔阻你啦...sorry呀..

Z：唉...算啦,總之...你爭我一次大大鑊嘅.

我：得得得...我爭你一條命,好冇？

Z：你話㗎！

我：係呀,應承你呀, 真係唔會甩底.

Z：妖..你仲好意思講..
講咗咁耐Z終於笑出聲.

我：Err.....

Z把聲終於回復正常：真係唔同你講啦, 我要去整埋啲嘢, 費事一陣wing哥上到黎, 仲要佢等就唔好...

我：Okok...咁你自己搬嘢嗰陣小心啲...重嘅推曬畀wing哥做就得...

Z：睇下點啦..
聽見Z笑住咁收線之後, 我終於鬆一口氣, 轉身行返上樓.

上到去一開門, 見到已經沖完涼著好曬衫喺到玩緊貓嘅k, 嗰一剎那我真係好想同佢講分手..

但諗咗諗, 成件事明明又唔係k錯, 只係我仆街,做咩要怪落k到呢？

..唉...

就行過去錫咗佢一啖, 係差啲畀佢捉住姦多鑊之前, 拿拿林閃人去沖涼換衫同佢落去center island.




係呀, 唔單止Z、K、D、J, 我遇上過嘅每一條女,你哋全部人都冇錯,由頭到尾都只係我一個人仆街.

當然, 降頭C另計...

出完

酒店好撚忙, 有人嚟裝嗰啲政府補貼節能水龍頭同埋door seal...

咁你又真係仆街左啲嘅
一獲繞起左Z

Z：算啦, 鬼叫我唔係你條女咩~

呢句真係好傷

幾時走？

???

駁唔到

我都唔想㗎