[是咁的] 我喺加拿大住咗十幾年, 識到一個女仔叫Z..（2）

又乜文？咪出咗囉

等緊你飛車撲救英勇一幕

你可唔可以今晚就揸到去尼加拉瓜？
篇文寫到咁趕，唔會要等到聽晚掛

係你既第二次機會

直接我會答我唔識然後鳩吹呢啲咁technical 嘅野可以學，但係attitude 好難改。然後鳩吹fast learner 同熱充去master 新野。

無牌仔, 揸足一晚有幾出奇

乜野第二次機會？

一啲都唔英勇, 仲有啲柒

好似美式足球咁飛撲攬實

就到高潮先嚟停，快啲出文啦！

高潮得嗰幾秒鐘, 之後直入神聖mode

何必呢~

何必~~~~呢~~~~~

Can you tell me of a scenario where you had to work with others to excel in a task?
外國人勁重視team work

Have you encountered a difficult situation and what did you do to resolve it
如何執生

Please describe what you believe to be your greatest achievement thus far
睇你點present 自己

另一個T就大波波又好人

1 同3 我都有一個好好嘅例子

2 又係包裝返一個救火例子入面啲支節，可以包裝埋我用到PDCA 嫁

唔同範疇其實無分高低嘅

問嘅嘢會唔同囉

做咗咁多年嘢, 最撚憎就係HR問：你覺得自己對公司會有咩貢獻？

屌你老母我撚知咩, 我都未開始做, 係咪我轉頭過一萬蚊畀你, 我就叫好撚有貢獻

之前聽人講考車之前揸頭D當補鐘, 仲當佢地鳩噏, 到自己親自落場先發現, 好彩我總算有幾年頭D嘅經驗,就算冇牌都呃得下人...

一路跟住個gps, 係盡可能唔超速同犯法嘅情況下, 安全駕駛咗成個幾鐘頭車先入到去, touchwood 幾次撞到差佬都冇畀人pull over過.

救命.

簡簡單單兩個字.

到底呢兩個字對一般人嚟講, 份量可以有幾重？

我諗應該都好主要係講嗰個人,同聽嗰個人嘅關係.

如果K同我講, 我應該都會收工返屋企沖埋個涼先出去, 如果係肥J或者T, 可能我都係等到收工但唔沖涼...

至於D..um..

我應該會好聲好氣死狗咁求老闆放我走, 但如果老細唔肯放人嘅話, 我可能會諗辦法同佢交換條件, 好似如果少客, 或者早半個鐘、一個鐘扣人工走人.

好似你咁講，來來去去都係果啲嘅姐

不過當呢兩個字出自Z把口, 威力係大到令我諗都唔諗、就即刻癲撚咗, 劈炮狗衝入去救佢, 邊個阻我屌邊個.

喺我一路小心駕駛、但又忍唔住亂諗嘢嘅情況下, 終於平平安安、冇穿冇爛咁入到去Niagara falls.

好彩呢排, 成日夜晚同賊公賊婆無聊入黎食宵夜行下街,如果唔係真係隨時蕩失路...

邊諗到幾年之後, 我係呢個區就黎合埋眼都識行..

記得Z話近new casino, 即係 fallsview casion嗰邊, 所以我就直接拍咗架車係佢個停車場,仆街..廿幾蚊一粒鐘屌你老母..

一泊好車我就瘋狂打畀Z,但佢電話應該因為冇電, 所以熄撚咗.

既然係咁冇計啦,唯有盲頭烏蠅咁周圍衝, 睇下搵唔搵到佢喺邊.

因為Z頭先打電話嚟嘅背景, 係比較空曠同埋靜但佢講嘢嗰陣又冇回音, 令我下意識唔覺得佢會係室內, 或一直有背景音樂嘅地方, 例如賭場同商場範圍、更加冇可能喺做到拆天嘅賭廳入便.

主街嗰邊, 因為好多鋪頭都開到凌晨, 所以24小時都嘈嘈吵吵, 亦唔符合佢Z電話後便嘅背景, 所以我選擇直接喺賭場出邊開始搵.

尤其係一啲望落越冇人、越安靜嘅地方, 就算有欄桿封住或者落咗鐵鏈, 我都爬入去發曬癲咁叫係佢名.

當時真係唔知好彩定唔好彩,竟然沿途鳩叫都冇人報警拉鳩我, 可能d人一係當我飲醉酒, 一係呢頭本身就多痴線佬..

到搵咗成大半個鐘嗌到聲都沙埋, 都搵佢唔到, 咁啱行到瀑布旁邊嗰啲瞭望台, 就決定坐低食支煙先.

我食緊煙嗰陣都繼續四圍望, 驚錯過咗任何一個路過嘅人, 唔知其他路人見叫我, 會唔會以為遇到個變態殺人狂喺度尋找獵物..

望望下, 我突然見到我身後面有個望遠鏡, 本身個望遠鏡應該係畀人用嚟睇瀑布或者望吓對面美國嗰邊, 所以當我伸手過去推下個望遠鏡嗰陣,發現佢係固定咗一個方向.

望住個望遠鏡, 我個腦突然叮一聲, 喺到諗會唔會有啲更加高嘅地方, 上面係有望遠鏡畀啲遊客用嘅？始終戇鳩鳩咁喺地面搵唔係辦法..

本身天氣已經凍仲要落住雪, 如果Z真係一直都係室外嘅話, 都差唔多凍咗成兩個鐘, 再咁落去唔係我凍死就係佢凍死...不如上上面望落黎博一博, 好似穩陣啲..

跟住我就開始向上望, 搵下有冇啲好高嘅建築物, 最後喺右手邊見到一個類似多倫多downtown CN tower嘅物體.

冇記錯賊公賊婆之前有同我路過嗰陣, 提過嗰棟野應該叫做Skylon tower？同CN tower一樣都係呃啲遊客上去個迴旋餐廳食下飯、望下風景嘅地方.

望下手錶已經十點幾, 拿拿林食埋嗰幾啖煙, 就即刻衝過去睇佢閂門未.

跑到過到去, 見到門口個牌明明寫住閂十一點, 望一望錶見仲有二十分鐘先閂門, 心諗好彩仲趕得切...就即刻嘅衝過去閘口, 諗住畀錢買飛上去佢個觀景台.

女工作人員有啲尷尬咁答我：唔好意思呀, 我哋十點半過後, 係唔會再放人上去觀景台.

我：吓！？唔係啩？你明明寫十一點閂門㗎喎！？

女工作人員：係呀, 公司規矩, 希望你理解.

我諗咗諗, 上唔到最頂觀景台, 餐廳嗰層都有大玻璃丫, 可能可以搏一搏呢？就即刻問佢：咁我上餐廳食飯得唔得？

女工作人員更加尷尬咁答我：餐廳十分鐘前last call咗.....你上去都冇嘢食....

我：咁我唔食嘢, 飲嘢得喇掛？

女工作人員：eeee........ 唔好意思呀先生, 我真係幫你唔到....

我：丫屌....um...唔好意思, 唔該曬..
聽見工作人員咁樣講, 我都知佢只係跟公司程序, 佢都係打份工啫, 我冇理由怪佢.

所以戇鳩鳩行返出counter, 坐喺欄桿諗下仲有咩辦法.

雖然我唔知實際上Z發生咗咩事, 但係咪應該報警？定搵嗰啲旅客中心求救？唔知佢哋受唔受理呢？...

喺我亂諗嘢、不自覺咁大大力捽出自己個太陽穴嗰陣, 突然有把聲同我講：....其實...先生, 我睇你好似只係想上去上面..你...介唔介意同我講發生咩事？

我岳高頭望一望原來頭先counter嗰位女工作人員, 我諗咗, 就有啲尷尬咁同佢講：ee.....其實.....um......我係搵緊個女性朋友....因為佢.....好似蕩失咗路, 電話又冇電, 所以想上去睇下會唔會用望遠鏡見到佢喺邊.

個女工作人員聽完o咗嘴, 仲即刻鬧爆我：吓！？乜你哋冇約定喺邊度等㗎咩？呢頭夜晚治安唔係太好, 由其係weekend, 點解你會放心畀一個女仔夜晚晚周圍走！？balbalbal...

其實由聽到Z個電話, 到而家已經差唔多三個鐘, 喺完全唔知發生咩事、又搵唔到Z嘅情況下, 我呢刻已經接近崩潰狀態..

聽見女工作人員咁鬧我, 我嗰下終於忍唔住, d眼淚真係巴巴聲咁流出嚟..

可能個女工作人員冇諗到, 佢隨口屌我兩句, 我就真係喊曬口, 嚇到佢仲緊張過我, 即刻安慰我話：先生, 你冷靜啲先, 冇事嘅冇事嘅....佢係你朋友？女朋友？...

我聽見女工作人員咁問, 一瞬間..到我呆咗唔識答佢.

認真, Z對我嚟講係咩呢？

朋友？明顯冇咁簡單....

好朋友？又好似唔止咁少...

女朋友？又擺到明唔係...

識咗佢大大話話差唔多四年, 雖然中間佢失蹤過一段時間, 但每次我需要佢喺我身邊嘅時候, 佢都會準時出現..感覺上佢從來冇離開過我..

猶疑咗幾秒, 我最後只能夠好概括咁答女工作人員：佢...係我人生入面,一個好重要嘅人...

女工作人員可能只係隨口問下, 冇諗到我會畀個咁嘅答案佢, 即刻lag咗機：er.......如果有需要我可以幫你聯絡警察...我喺度蒲咗咁多年, 同佢哋都幾熟吓㗎, 哈哈哈...

女工作人員似係想緩和氣氛, 好尷尬咁笑咗幾聲之後, 見我繼續眼淚流不停, 又再講：再唔係, 我叫埋啲同事收工之後幫手搵下..

講完仲拿拿聲拎咗包煙出嚟：先生你食唔食煙？要唔要食返支冷靜吓？...

我望住女工作人員遞畀我嗰支煙, 雖然我褲袋都仲有半包, 但禮貌上我都接咗嚟食, 順便用件冷衫抹吓自己塊面啲眼淚.

女工作人員企喺我隔離, 陪我食咗陣煙之後, 我自己開始冷靜返落嚟,覺得本身上去用望遠鏡搵Z都只係搏一搏...

既然上唔到去,可能報警同埋搵女工作人員呢啲本地人幫手都係一個辦法, 始終佢哋熟路過我呢啲外來人..

我就嘗試將我暫時肯定嘅嘢組織一下, 之後問女工作人員：我朋友打畀我嗰陣, 佢同我講過佢好似係近fallviews casino嘅地方, 我聽佢電話個背景好鬼靜、而且又好空曠, 但又唔覺有回音...

女工作人員聽完之後, 就問咗我一個幾奇怪嘅問題：你有冇聽見水聲？

我：吓？

見我個樣奇奇怪怪, 女工作人員就指一指瀑布個方向.

我諗咗諗, 係喎..雖然就話天氣凍落緊雪,但我頭先經過瞭望台, 見到瀑布暫時都未結冰, 而且頭先我戇鳩鳩四圍走嗰陣, 好多時間都會聽到瀑布嗰邊傳啲水聲, 尤其喺casino嗰邊最明顯.

但由行過黎Skylon tower開始, 啲聲就越嚟越細, 而家直頭唔留心都唔會聽得到, 就答佢：冇呀, 聽唔到有水聲.

女工作人員諗咗諗就急急腳、震下震下咁跑咗返去counter, 之後拎咗一張類似紙咁嘅嘢跑返返嚟遞畀我.

我接咗之後望一望, 原來係似畀遊客嘅地圖.

女工作人員指著上面一個畫咗圈嘅地方同我講：你試下去嗰到搵下？我直覺覺得會係嗰邊..

無論女工作人員直覺啱定錯都好, 見到由盲中中, 到有個方向, 我梗係即刻多謝佢：望落似係個公園？唔該曬唔該曬....我試下去嗰邊搵下.
講完即刻彈起身.

臨走前女工作人員仲同我講：我哋個電話就係張圖下面, 如果十一點前搵到, 可以嘅就打個電話黎報個平安, 等我唔使心掛掛..

我：一定一定...

女工作人員：um....但touchwood 如果都仲係搵唔到, 就即刻打畀我, 我會幫手報警同叫班同事幫手搵...總會有辦法嘅, 你唔好太過擔心, ok?

我好無奈咁對住佢苦笑：希望....啦..總知搵唔搵到都好, 真係唔該曬你....

女工作人員突然好大力咁拍一拍我膊頭：冇事嘅, 快啲去啦！我等你好消息！

本來一直處於崩潰狀態、不斷來回地獄又折返嘅我, 畀女工作人員用佢健碩嘅臂彎、雄厚嘅內力、沙煲咁大個嘅手掌, 大大力咁樣拍一拍, 我成個人爭啲企唔穩, 但同時又好似突然間醒一醒咁, 感覺.....實在咗？..我都唔識形容...

總之係入咗嚟 Niagara falls 咁耐, 第一次覺得成件事充滿希望.

題外話, 以防大家亂諗嘢,女工作人員目測至少130kg+..我一直用女工作人員去稱呼佢, 係因為佢真係個好人,我唔想簡單用肥婆兩個字概括..

Anyway, 同女工作人員分別之後, 根據佢嘅指示離開咗Skylon tower、向住張地圖上面, 一個幾大嘅公園狗衝過去.

剛剛入到公園範圍, 係漫天飄雪之下, 憑著微弱嘅街燈, 我終於見到一個, 好熟悉嘅身影、孤零零咁, 一個人攬住自己膝頭哥, 坐咗喺張長櫈上面.

然後,我突然發軟蹄, 跪兩咗喺積滿雪嘅草地上面, 忍唔又住開始狂流眼淚.

千辛萬苦喺個褲袋抆番個電話出嚟, 時間剛剛好顯示, 我由聽到Z個電話到搵到佢, 總共用咗3個鐘頭14分鐘.