[是咁的] 我喺加拿大住咗十幾年, 識到一個女仔叫Z..（2）

戇鳩鳩揸住個電話靜咗幾秒, 仲諗緊電話入面嗰個係咪Z,同我有冇聽錯佢講嗰兩個字嗰陣, T剛剛好又捧住兩碗特大火車頭經過,仲爭啲撞到企咗喺出餐口嘅我..

T即刻大大聲屌鳩我：屌你咩！左右門神呀！

畀T屌一屌,我先醒一醒,即刻肯定我冇聽錯, 然後勁緊張咁問Z：你喺邊？

Z繼續口窒窒：....係Niagara falls.....

我：丫屌, 你住曬咩？

Z猶疑咗一陣之後答我：...應該係....近....new casino嗰邊？

我：new casino? 哦哦哦, fallsview..得,我即刻嚟, 等我.
雖然我唔知發生咩事, 但我嘗試用成世人最堅定、最chok嘅聲音答Z, 希望佢可以安心少少.

Z：小C子.....

雖然呢三隻字我聽得多, 但第一次係咁徬徨無助嘅語調..我個心即刻好似俾野“銀”住痛咁：係係係？

Z：我...部電話好似就冇電.....

我：得得得...um....如果你身處嘅地方係安全嘅話..你直接喺嗰到等我, 唔好四圍走, 我一定搵到你.

雖然我完全唔知點樣係一個咁撚大嘅地方、搵一個連佢自己都唔敢肯定自己係邊嘅Z出嚟, 但嗰刻,我諗唔到用啲咩說話答佢.

Z沉默咗一陣之後答我：..咁..我..等...
但未講完電話就斷咗線.

聽住嗰啲收線嘅do do聲, 我繼續戇鳩鳩企咗喺到, 唔識反應, hang撚咗機.

T：喂柒頭？冇事呀你？隻手谷到紅曬,個電話就嚟畀你揸爆啦..
T可能覺得唔對路,拿拿聲送完兩碗粉就衝返嚟睇下我發生咩事, 一路講一路拍一拍我.

畀佢拍一拍, 我即刻醒返, 答佢：冇事.
諗咗唔夠一秒, 我就衝出去吧檯喺Jimmy哥面前除低件圍裙, 同佢講：丫Jimmy哥, 唔好意思,我有事要早走...

係吧沖緊嘢飲嘅Jimmy哥聽見我咁講, 就呆撚咗望住我, 靜咗兩秒先話：個場亂到咁你想早走？你傻撚咗？

我：係丫, 你當我傻撚咗劈炮, 或者你抄鳩我都得.
一路講一路將除底咗嘅制服放咗喺佢前面, 之後九衝去locker攞衫.

Jimmy哥：喂！C！？

Jimmy哥當住成個場班客面前大大聲叫我, 但我冇理佢,一著完褸攞埋袋, 就直接行出門口拎個電話出嚟打畀阿wing, 但wing哥個電話一直打唔通, 唔係講緊電話、而係熄咗機.

出到門口天寒地凍, 感覺應該跌到落負廿幾度, 我一路爆粗一路心諗wing哥我幫襯咗你咁多年, 你唔係呢個時候先嚟玩鳩我呀...

一路撳電話一路攞支煙出嚟想冷淨下個人, 但可能大風嘅關係, 拍來拍去都點唔著, 終於火撚到喺個停車場到鳩叫：我屌！

T：喂C！咩事呀! 屌乜鳩呀又？
T可能見到我突然屌柒Jimmy哥劈炮唔撈, 就即刻追出嚟, 剛剛好聽到我鳩叫.

係死唔信邪、亦都冇選擇嘅情況下, 我只能夠瘋狂redial wing哥個號碼, 但每次結果都係一樣, wing哥個電話熄咗機.

T：喂！Ty(我FF11 account個名), 你火車頭拉怪呀！

我：屌！急事呀, 我要即刻趕過去Niagara fall嗰邊呀, wing哥條撚樣又熄撚咗個電話...

T聽見我咁答佢, 就行過黎搖我膊頭：有冇咁撚大鑊呀, 急到要辭職？捱多兩個鐘收工喇屌.....你咁搞法我好難做㗎大佬呀..

我：屌, 捱你老母呀！
我一手撥開佢搖我膊頭隻手.

T無理我爆粗, 又放返隻手落我膊頭到繼續搖：冷靜啲先啦老細, 你咁樣走咗去, 份工點算呀？

我：屌！理撚得佢呀！Z緊要過我條命呀！
唔知係咪畀T搖撚到我火黎, 識佢咁耐我第一次咁無意識咁大聲喝佢,仲一手扯撚住佢衫領.

無啦啦畀我屌咗2嘢、仲扯撚住個衫領嘅T, 都忍唔住爆炸：丫..屌你丫！..邊撚個Z呀！？關我撚事呀！！！我淨係知你而家行咗出門口, 我份工就奶撚硬嘢！

我：你份工我撚事呀！？

T：屌你噏乜撚野呀！？

係我同T互啤咗輪之後, 望住脾氣一向勁好, 但呢刻畀我激到塊面眼紅曬嘅T...我終於醒起, 因為金牛苑呢份工係T介紹, 而家咁搞法佢之後真係100%奶撚硬嘢, 所以在公在私佢擔心都係正常.

而且呢段時間差T唔多日日都要管接管送, 期間一句怨言都冇, 但我仲要大大聲屌柒佢, 完全係一個恩將仇報嘅仆街仔...

諗到呢度我即刻放手, 仲幫佢拉返好個衫領, 之後死狗：Err....Sorry 呀..T哥.. 我有個...um..有個對我嚟講好緊要嘅人...喺嗰Niagara fall邊出咗事, 我真係要即刻趕過去....Jimmy哥嗰邊我返嚟會同佢解釋...你有咩都賴落我到得㗎喇 ...

可能T見到我突然失控, 都覺得唔對路, 到而家好似正常返, 就嘆咗口氣同我講：屌...你打爆阿wing個電話都冇撚用㗎, 佢返撚咗香港度假呀,你自己同我講㗎, 唔撚記得咗啦咩..

聽見T提起, 我先記得返wing哥一早同我講過返香港, Z一個電話就搞到我亂撚曬：唉.....

T：好緊要㗎？

我開始諗緊如果call唔到車就要坐的士..., 聽見T問我嘢, 就求其應佢：吓？

T：你個friend？...Z？..呀...

我諗都唔諗就答佢：係呀！

T：屌..緊要過你條女D？

我：如果我答你係, 你會唔會爆響口？

T ：丫屌....D係我條女介紹你識㗎仆街..
講完就擰曬頭, 行返入去金牛苑.

我見T走咗, 就擰轉面望向hwy7, 終於成功點著支煙吸咗兩大啖, 嘗試冷靜落嚟, 開始計緊呢個時候call的士入去Niagara fall, 會燒我幾多錢嗰陣...

T突然喺我後面大叫：喂！仆街！接住呀！

我下意識擰轉頭一望, 就見到有道銀色閃光、劃破漫天飄雪, 拋物線咁飛緊過黎, 即刻伸手接住咗.

我接住之後, 第一個反應係, 嘩屌, “銀”手嘅...T掉啲乜撚嘢畀我...

之後攤開手掌一睇, 係T架Mazda3條車匙.

正當我想開口, T仲先過我講：你學過幾堂, 識揸㗎喇？開gsp行收費嗰條407快好多㗎..條數返黎慢慢同你計,實有多冇少...
講完就擰轉身, 舉起中指, 向住金牛苑個方向行返過去：仲有呀, 我架車禁煙㗎！而且咪撚撞花我架車添呀仆街！未撚供完架屌你！

係T轉身嗰一瞬間, 我好似見到佢頭頂有個光環.

斷估應該唔係T甩得頭髮甩得太勁, 終於甩咗一個圈出嚟, 咁啱反光啩？




咩叫兩脅插刀嘅朋友？係呀, 咪就係只要一句說話, 就算未供完架車隨時畀一個無牌仔撞爛曬, 什至連份工都冇埋, 都係屌幾聲就算.

仲想吹你出MK文
利申非gay

進擊的MK仔

借埋車俾你真係好好

T都真係夠朋友 咁放心比你新手係雪地揸

https://youtu.be/GptKsBT28WY

諗起頭D

我都係會用STAR
不過真係唔記得左仲有go beyond certain goal 呢樣野
諗左陣好在有個例子可以包裝下都可以用
想問下仲有啲咩問題鐘意問嫁

我以前做開果笵唔多用到…

咁危險不如搭的士啦！

當時我真係有咁諗, 但佢老人家借咗架車俾我.....

btw, 我諗的士來回, 夠幫佢供幾個月車

我in黎in去都係啲垃圾工, 留名學嘢

你而家都好似係第二把膠椅嚟嫁喎

肥J嗰條車隊入面, 有個人（我同佢唔熟）世家畀錢請咗佢去日本做頭d測試員

緊係, 做cheque都只係同HKICL打交道
CHING快D上網溫書, 搵下swift code 係乜意思同入乜資料
e.g.: MT101, MT103.....

呢D做PAYMENT好常用, 係香港interview都會問下
利申:我沒做過payment野, 只係之前係銀行做project果時接觸過

我淨係知202 係bank to bank

有D仆街問得刁鑽D會問MT 202同MT202COV FORMAT有乜唔同
祈求你in果時唔好問埋太technical野

咁我見in嗰啲同你要去in嗰啲, 唔同範疇

我咁多年都係偏向hospitality工種

T同D都係好人..

可惜一個未老先衰, 甩頭髮甩咗個天使環出嚟

另一個平胸但大長腿搭救

文呢