[是咁的] 我喺加拿大住咗十幾年, 識到一個女仔叫Z..（2）

係WO, 入境處可能會有D機會, 我會再搵搵(但唔會抱乜野期望)

BTW, 快D出故啦!

蝗國人正常發揮.

呢間酒店五六年前住咗一班衝上雲霄嘅學生, 佢哋啲房先叫真正恐怖

上網查下囉, 冇壞嘅, 最差都係冇都搵唔到

而家食lunch執緊, 等多半個鐘會有文

或者可以試下去 paperworld.com.au , 我search過佢哋仲有得賣嗰日嘅報紙, 但我唔敢包入面有冇你想睇嘅嘢, 因為冇得試閱

紅鼻哥好正
想攬

我打打下機嗰陣, 突然聽到隔離房電視機大大聲播緊新時代電視個晚間新聞重播, 先醒起望一望鐘, 即刻同Z講：嘩, 差唔多十二點幾囉喎, 你就嚟尾班車, 送你出去定係諗住call車？

Z懶洋洋咁答我：吓.. 咁晏㗎啦...但我而家喺你個被竇暖笠笠, 又有兩隻貓夾住好舒服,唔想喐喎...

我：哦, 咁你繼續囉.

Z：真係？

我：係呀, 反正我成日過你到瞓,今晚咪到你喺我到瞓囉.

Z：又好...咁我瞓啦.

我：吓,咁突然.

Z：係丫, 你慢慢打,早唞....Zzzzzzz....

我：eer.... 早唞..

見Z極速斷片,我唯有出去刷牙, 返嚟順手熄燈再校細聲啲個電視機, 就坐係床尾繼續打.

係咁嘅環境之下又打咗成粒鐘,打到連我自己都開始覺得眼瞓...但第二日明明返晏又唔想咁早瞓, 想再打多一陣機先, 唔係總係有種蝕撚咗嘅感覺...

唯有拎支煙出嚟食吊下命.

當我剛剛好點著咗支煙, 都仲未吸得切, 背後突
然傳黎Z把聲：喂.

我嚇到爭啲煙都跌埋：嘩屌！仆街你嚇鬼咩！

本來諗住擰轉面望一望發生咩事, 但已經feel到Z應該瞓瞓下無啦啦坐咗起身,因為佢個頭晾咗喺我右邊膊頭上面, 我擰過去嗰下近到爭啲錫到佢, 嚇到我即刻擰返去前面.

Z用把未瞓醒嘅聲答我：冇呀, 醒起未刷牙.

我：屌..呢d野你報夢同我講, 我燒畀你丫, 唔使嚇鳩我嘅...

Z：咁我繼續瞓...你轉頭燒......
講完我就feel到膊頭沉咗一沉.

為免Z真係砸住我個膊頭瞓著覺, 我即刻搖咗搖個膊頭：喂, 我有支新嘅, 食埋支煙開畀你啦.

Z：哦...

見Z冇移動嘅反應, 我唯有轉用左手拎煙, 費事啲煙燻到佢.

當我食咗差唔多三分一支煙, 本來以為又瞓著咗嘅Z突然問我：其實...食煙咩感覺架？

我：吓？

Z：食煙...咩....感覺呀~~~
講完Z就隨手拎起本來放喺佢旁邊嗰支裝過紅酒嘅空水樽, 喺到敲我大髀.

我：喂喂喂....其他人我唔知呀，我自己就覺得....係一種安心感.
我一路講一路拿拿聲搶走個空樽,費事佢敲敲吓敲撚中我碌鳩就唔係幾好...

Z：...即係點....？
唔知Z係酒醉未過, 又或者係瞓到溫溫燉燉仲未醒,佢個頭由我個膊頭到手臂再一路跣咗落去我大髀, 直接打側瞓咗喺上面.

我諗咗諗好認真咁答佢：Um...驅走孤獨嘅...安心感？
我承認個答案有啲中二病,但我又當時真係咁諗.

Z：驅走孤獨嘅….安心感？
Z微微轉身, 好似想瞓正個位咁, 用好奇的眼神望著我問：食支煙啫, 攪到咁複雜咁嘅好似？

我諗咗諗之後,嘗試解釋畀佢聽：係呀, 點講好呢....有時一個人又好, 或者同一大班人一齊嗰陣都好,總係有啲時候會覺得特別無聊, 特別孤零零, 好似突然有種怪怪哋、格格不入嘅感覺, 咁呢個時候一包5.75嘅煙, 就好似可以將我暫時抽離呢種感覺, 而且仲有25次嘅機會.

Z聽完就皺一皺眉, 笑住講：嘩, 5.75 有25次？仲平過安全套喎...

我：你隻耳聽咩㗎....可以差咁多個字...

Z：唔好理丫！起碼我中一個字.

我：丫屌...搵你買六合彩真係等仆街, 安慰獎都冇...

Z：呀.....
見佢突然間問擘大口, 好似想咬落嚟, 嚇到我即刻用隻手指篤返埋佢個口.

feel到Z好似想同我鬥力, 就拿拿聲繼續講落去：...而且重點係,你畀錢之前你已經知道呢個價錢、你會有一樣味嘅25支煙, 仲有支支都係處, 之前一定冇人食過.....到食完第時又會生cancer,定律嚟, 唔會呃鳩你.

Z：嘩...你hard sell到咁, 又講到咁神奇,我都想試吓喎..

我：丫屌, 吸煙危害健康呀..
我邊笑邊用冇拎煙嗰隻手, 輕輕掃吓Z額頭前面瞓到有d亂嘅劉海。

Z：Ummmmm.....我吸咗你d二手煙咁耐, 我d健康不嬲危危哋....是但啦...

我：丫屌...我呼出嚟嗰陣有嘗試避開過你㗎..

Z：係係.....而且.....我應該明你所講嗰種, 無啦啦嘅孤獨感覺...不過咩情況都好, 對我嚟講有你係到我就ok㗎啦....
Z講講吓,慢慢合埋對眼.

嗰一瞬間, 我有啲衝動想答Z我都係, 有你就夠...但明明自己又煙不離手, 好似冇乜說服力, 就硬生生忍住唔出聲...

Z：不過, 我都係想試吓.
隔咗陣, 當我以為Z又瞓著咗嗰陣, 佢無啦啦開口.

我：吓？點解呢請問？

Z：因為, 我想嘗試一下你嘅安心感係咩味.

我：仆街丫, 點解好地地r煙食,你都可以講到咁變態嘅....
我忍唔住笑出聲.

Z：Hmm哼哼！！！！
可能見我掛住笑唔理佢,Z忍唔住又發出佢招牌怪聲.

我：係係係...
其實佢哼之前, 我已經將拎著煙隻手, 放近Z的嘴唇邊：小心啲呀, 第一次唔好吸太大力, 慢慢地吸一細啖好啦, 唔係濁死你...

望住一絲白煙,從Z口中呼出, 慢慢向上飄...

好明顯條友大煙炮..不過是但啦, 包括我自己係香港讀F1嗰陣, 第一次食煙都係咁...

Z皺曬眉：老細, 好苦吓喎你的安心感..

我：屌, 涼茶夠苦啦,啲人咪又係飲..而且你含喺個口到梗係苦啦, 直接吸入肺吖嘛...
講完我就拎返支煙, 自己太大力吸咗啖, 再呼出去.

Z微微岳高咗個頭：畀我再試下？

我：嗱.
我用兩隻手指夾住支煙,盡可能就返佢個位：記得細細啖, 吸慢啲, 直接入個肺...

Z：Um...
Z好認真咁跟足我指示, 細細力吸咗一啖.

從佢呼出嚟d煙嘅顏色, 我就知Z成功吸咗佢人生第一口煙.

我：點？
Z吸完一啖我就攞返嚟自己食.

Z諗咗諗之後,好認真咁答我：都係有啲苦, 不過...都ok, 唔算討厭.

我：你真係想食嘅話試下食ysl或者player囉, 嗰啲冇咁苦..屌那媽係苦啲, 不過我就係鍾意佢夠苦.

（屌那媽=du maurier, 讀書嗰陣叫慣咗, 仲有玩家=player, 同埋鈍hill=dunhill...）

Z即刻扮曬嘢咁話：嘩！邊個之前仲喺度同我講吸煙危害健康..

我笑住答佢：係㗎, 不過你要丫嘛, 咪畀你囉..你條友仲咁多嘢講..

靜咗幾秒之後, Z：喂.

我：又咩呀？

Z：Hmm哼哼.

我繼續用手摸下佢個頭：係係係...

Z：仲有..

我：仲有咩呢？

Z：我支牙刷呢？

聽見佢無啦啦又講支牙刷,我就係忍唔住大大力練落佢個頭到.

Z即刻發出怪叫聲：呀！？

自從嗰晚Z上過嚟瞓之後, Z有時都會過嚟我到、睇我打機跟住過夜, 或者我過佢到睇戲、陪佢讀書嗰陣, 間唔中都會一齊食返一兩支煙.

不過Z係食佢自己買嘅薄荷煙, 而且一包煙可以食足成個月...

有次我喺佢騎樓食緊煙嗰陣, 忍唔住串柒Z：喂小姐, 你包煙咁撚樣會冇曬味㗎喎...

Z就笑笑口咁答我：咩呀..

我：你要呼吸新鮮空氣, 不如直接咬住個filter吸空氣啦？

Z細細力吸咗啖, 諗咗諗、再呼返出黎先答我：我都唔知點解, 淨係同你一齊嗰陣, 先會想食煙...

我自己都吸咗啖煙, 之後笑住講：屌..怪我囉喎...

Z：係丫！你條友教壞我囉！我有咩事實揾你負責添呀！

我：啤.....

Z：anyway..除非你24小時都喺度陪住我,如果唔係, 一包煙我真係可以食好耐...

我：丫屌..買窮你呀...

Z啤咗我一眼：唔係你負責咩？小..c..

我好無奈咁答佢：負負負...



係呀, 只要係Z想要嘅, 我都會盡可能滿足佢, 無論係好事定壞事.

三隻貓幾年前都生cancer走咗

巴打都提一我一提
我岩岩去左搵下AU library 有沒果日traffic accident news.
但要lbirary card先有得睇好似?(但要AU身份證先有得REGISTRY)
其實有沒機會有?

有沒其他住AU巴打可以幫下我搵下18年4月23-4月尾呢段時間之內既traffic accident news

https://eds.s.ebscohost.com/eds/results?vid=15&sid=644f92ab-75f5-4033-b903-0313d438a26c%40redis&bquery=car+accidents&bdata=JmNsaTA9RlQxJmNsdjA9WSZjbGkxPURUMSZjbHYxPTIwMTgwNC0yMDE4MDQmdHlwZT0wJnNlYXJjaE1vZGU9QW5kJnNpdGU9ZWRzLWxpdmU%3d

一開頭食嗰陣
本身都係fd食煙呃半枝食咁
食少少都有少少暈

第一次食曬成枝純萬
記得係朝早食完先食早餐
記得食到嘔咗
Z都幾勁

勁唔勁我唔知呀, 但開頭佢一支煙可以食好撚耐

我之前都幫你check過, National library, 佢哋啲年份好撚奇怪, 186x-18xx, 之後一跳就係1999同2000, 由2000再跳2020.

唔係成日食的話　啜兩啖都有冷靜嘅效果

後尾我有揾過話　身體適應唔到太短時間太多尼古丁　先暈同嘔

我仲記得自己第一次食煙（大煙炮）嗰陣, 係舊陣時係hkscc去打war game, 成班夜晚圍住個火爐飲啤酒吹水嗰陣, 問對面嗰條友r返嚟

嗰陣時班fd好多奇怪理論, 話支煙濕咗/潮濕先祈唔好食, 會肺積水

仲有獨頭煙、食咗死全家, 每包煙喺個底度都會印住個號碼, 由左上角開始數落嚟、就係成包煙入面最純嗰一支等等神奇嘅都市傳說

返工上Pornhub炒得！

佢唔係返工上pornhub, 佢係抗工上pornhub