[是咁的] 我喺加拿大住咗十幾年, 識到一個女仔叫Z..（2）

我要文呀

lunch之後有

咁又唔洗, 去到(2)已經神奇

結果仲未捨得錄

呢個post 係我唯一逗留既地方

有冇咁撚嚴重呀

邊個國家時間

澳洲已經tea time , 出文未

喺等待Z回覆嘅呢啲段時間入便, 我自己嘅生活都出現幾大變化.

除咗Z之外, 另外兩個一直喺我身邊、直頭同一屋簷下嘅人相繼離開.

首先, 我阿媽突然話住得悶, 要返香港. 但其實我覺得佢係見我失業, 就冇謂留係到加重我負擔, 同時又少咗Z陪佢四圍走, D唔係話冇時間陪佢, 但始終D住得遠又要返學又要兼職.

第二個, 就係前前後後加埋, 陪咗我兩年多啲嘅肥J. 有日佢話返香港玩, 叫我睇住佢隻貓粟米、同埋幫佢交一個月房租, 就上咗機. 點知條仆街一去不返....

傳聞佢係香港無聊, 走去做屋企附近間茶餐廳做兼職, 結果仲入股咗間茶餐廳做老闆, 之後識咗單親媽媽, 跟住齊齊去咗澳洲....

最後, 得返我同三隻貓過日晨.

當然, 人生就係不斷失去、同時也不斷獲取.

所以我失去三個人, 但又得到一架車.

好耐之前經wing哥介紹識, 咗個超nice嘅二世祖. 平時都有出黎一齊飲酒唱k, 叫做幾好朋友, 佢個妹當年同個意大利佬結婚要見家長嗰陣, 我都有份陪佢哋去.

嗰個陣仗大到嚇死我...

嗰次, 係我成世人第一次真係見到,著住傭人制服嘅白人囡囡, 食完飯唔係食生果, 而係各色毒品all you can eat套餐, 然後仲有主人家個酒莊釀出嚟嘅紅酒任飲唔嬲....

Anyway, 當佢知道我想買車之後, 就夾硬塞咗佢架92年civic畀我, 我想畀錢佢又唔肯收, 淨係話本身買咗部TT之後就想劏咗架civic, 而家我肯要佢直頭去還神..balbalbal....

講起佢架TT又係搞笑.

又一朝早我自己一個人同三隻貓喺屋企無撚聊聊嗰陣時, 二世祖突然打畀我：喂C！有冇嘢搞呀？食早餐囉！

我：吓？哦, 好呀.

二世祖：咁我轉頭過嚟車你啦..

當二世祖接咗我之後, 兩條友戇鳩鳩過咗新旺角食早餐, 差唔多食完嗰陣, 二世祖突然間問我：喂, 有冇興趣去睇車呀？

我：吓？哦, 好呀.

食完之後, 二世祖就車咗我周圍去.

沿住條hwy7, 由Acura到honda, toyato到Lexus, mazda再去Mercedes Benz...最後, 我哋行咗入audi.

我哋睇車嘅過程都特別順利、舒適, 因完全冇人過嚟招呼我哋兩條著住件tee、短褲加拖鞋嘅茂利.

二世祖一行入audi, 就去咗睇部TT, 我見到咁就同佢講：呢部嘢好出咗多年㗎喇喎, 咪鬼買啦..

二世祖：唔條丫, 都仲ok型仔呀...

我：唉..你話事..

然後望一望附近嗰啲sell屎, 果然同之前幾間車行一樣, 全部人都當我哋兩個透明..

我用腳踢踢踎咗喺車尾望住條死氣喉既二世祖個屎忽：喂, 冇咩特別走人啦..

二世祖：唔係喎, 我想買呢架喎..

我：吓？部野差唔多六七年喇喎, 你咪玩啦？！等多陣可能出新款呢？

二世祖：就係出咗咁多年, 而家買先安全呀..

我：到要整嗰陣舊得滯冇parts你就奶嘢...

二世祖：你信我啦...

我：err....你...話事啦...反正又唔係我啲錢..

二世祖聽見我咁講, 好似somehow 拎咗approve咁, 即刻彈過去揾sell屎話想試車.

結果個班sell屎你推我、我推你....都最後得個地中海阿叔勉為其難咁, 閪住塊面同我哋出去試車.

最後, 二世祖決定買車, 我就忍唔住同佢講：你認真㗎？我哋全程都畀人當透明人、仲好似殺撚咗佢哋全家咁, 你咁都買得落？

二世祖笑笑口冇出聲, 淨係行出車行, 喺佢架civic車尾拎咗個背囊出嚟, 之後又行返入車行, 求其捉住個女sell屎：唔該, 我想買TT, 可唔可以畀個catalog我睇下有咩option?

個女Sell屎聽見, 個樣唔好話sell、直頭好似食咗屎咁：吓？！

二世祖繼續笑笑口, 重複多次頭先佢講嘅說話, 個女Sell屎先極度唔願意咁, 帶我哋去佢間房, 然後拎咗啲catalog畀我哋睇.

當然, 佢全程個樣成隻黑鮑咁.

二世祖到最後揀好曬option, 差唔多七萬尾八萬蚊頭, 個女sell屎忍唔住：先生,你肯定？你想做幾耐分期？我哋最長都係五年,個利息都幾貴...

然後, 我終於見識到二世祖小氣同黑暗嘅一面..

二世祖：吓？邊個要同你講我要分期？我買野重來都係一炮過...
然後喺個銀包拎咗個張Amex黑卡出嚟, 正當個女sell屎兩眼發光嗰陣, 二世祖好休閒咁收返埋張黑卡, 踢一踢地下個背囊：現金.

我同女sell屎一齊望住佢個背囊外呆咗呆, 然後..

本來係出面當我哋乞兒, 神早避到老遠嗰班sell屎們, 突然走曬入嚟, 有人問我哋飲唔飲咖啡、佢而家出去買, 又有人問我哋想食邊間早餐...

到最後, 當班賤人終於數完曬現金, 烚熟狗頭咁叫二世祖簽contract嗰陣, 二世祖拎住支筆轉咗幾個圈, 突然同我講：呢間舖頭啲sell屎個個都食咗屎咁、好撚垃圾,我都係唔想呢間度買.

跟住拎返走啲現金、頭也不回咁孭起個背囊,行咗出車行...

總之..

喺我眼中, 二世祖係個好人.

喺佢強逼我接收咗佢架車之後, 雖然叫有車係手但得個G1牌, 開頭都係偷偷雞雞、日光日白揸出去練吓車, 後尾發現其實小心揸又有保險,跟本差佬wfc, 所以就變成日日揸.

不過唔知點解夜媽媽嗰陣, 成日都會有其他車閃我大燈, 到我減速讓佢過我, 佢又好似認錯人咁就揮揮手say 個sorry走咗去....

令我開始懷疑到底呢架車過去有幾多仇家, 二世祖話要去還神係咪認真...

不過既然有車, 我睇報紙搵嘅工就唔需要再喺巴士線附近, 而且時間亦可以更加彈性

失業期間, 大河汗貓經理收到風我冇做金牛苑,都打咗幾次電話問我要唔要返去, 仲話驚我唔夠錢使返part time都ok, 但我打工習慣只要辭咗職, 我就會move on, 寧願餓死都唔會食回頭草, 所以都婉拒咗佢好意.

而且經T介紹一直有做吓炒散, 唔會話坐食山崩、窮到等錢交租開飯嘅地步.

到最後左揀右揀終於睇中咗一份工, 係一間準備開張嘅自助餐, 叫genius.

而我喺呢間餐廳嘅遭遇....

簡直係刻骨銘心、血肉模糊...

所以,無謂再提.

話說喺我金牛苑失業之後, 除咗玩FF11, 仲有D介紹嘅facebook, 話好玩過我之前無聊玩過嘅MSN my space.

我亦都喺Facebook上面搵返唔少舊時paris讀書嘅朋友, 包括B. 但係好多時都係睇下大家嘅生活相同玩吓農場、水族館咁, 冇乜話好似而家咁又like又留言又追post.

日子百無聊賴咁過, 直到有一晚硬係覺得周身唔聚財, 係張床典下典下瞓唔著嗰陣, 突然收到二世祖嘅電話：喂！約咗班friend去mud master飲嘢, 你嚟唔嚟？

我：吓？哦, 好呀.
求其換件衫,就揸車過去join佢哋.

飲飲下, 突然二世祖有個朋友話斜對面酒樓嗰邊間k房Mix2轉咗手,而家個老細係佢老死, 間嘢又裝修完, 問我哋有冇興趣轉場去唱k, 順便介紹佢老死比我哋識.

聽見佢講嗰個間k 場, 我都有印象Mix2剛剛開張嗰期, 我都有同肥J、K去過嗰到篤波唱k, 但之後撞正SARS, 間野就仆到直曬.

雖然就係因為周身唔聚財先出嚟同佢哋飲酒, 但越飲越悶, 越悶越煩....見有啲細藝搞下, 我當然冇咩意見, 而且有新k場去試唱下都好丫, 唔係嚟嚟去去都係嗰三間,都有啲嫌.

坐言起行, 成班即刻埋單之後揸車過到去, 二世祖個明友叫咗k房老闆出嚟, 同大家打完招呼、鳩噏咗幾句之後, 就開咗間大房.

行去大房嗰陣順便八八卦卦嗰四圍望下, 話曬都剛剛裝修完, 個場望落都幾新淨, 雖然對比time square嗰間d房有啲窄, 不過點都比唱足咁多年都冇裝修過嘅echo好好多..

又戇鳩鳩唱到十二點, 心情都係無乜特別大變化, 都係有種翳悶嘅感覺, 所以明明房入面食得煙, 我都同幾個friend行到出門口食, 當吸下新鮮空氣.

行到出門口剛剛點著支煙, 就俾一個好耐冇出現過嘅來電顯示, 嚇到我爭啲煙都跌埋.

手震震咁拎住個電話, 望住個來電顯示, 嗰下個腦真係一片空白、個心仲有啲乸住乸住, 成個人定咗格.

嚇撚到同我一齊出嚟食煙嗰兩個friend,以為我心臟病發, 好似喊驚咁,夜媽媽係咁叫我個名同拍我手臂...

畀兩條戇鳩拍醒咗之後, 即刻深呼吸冷靜幾秒, 吸多啖煙, 再踢咗班friend兩腳、閃埋一二角之後, 先撳接聽個掣..

我用扮曬輕鬆嘅語氣講：嘩...稀客喎, 點呀你？

Z：唱k呀？
電話嗰邊除咗Z把聲之外, 背景仲有啲嘈.

我：吓？
成年冇同Z講過野, 結果佢第一句就九唔搭八, 同我講廢話相映成趣.

Z：問你係咪唱緊k呀！！！
Z見我呆呆滯滯咁,又再大大聲問多次.

我：係...係呀,你背景咁嘈,你都唱緊？

Z繼續九唔搭八：你咪理我丫, 做咩無啦啦今日唱k呀？

我：吓？我唱k又關你事！？

Z：可能關呢？

唔知點解我硬係形住Z講呢句說話嗰陣, 係陰陰嘴笑緊..我：唉...一定啦...不過講你都唔撚信..

Z：我信㗎, 你講啦！

我：唉....頭先達落床想瞓覺嗰陣, 突然有啲周身唔聚財咁, 典咗勁耐都瞓唔著, 跟住就收到電話話成班friend出嚟飲野,飲飲下又無啦啦過咗嚟唱k..

Z：嘩...阿C生你周身唔聚財, 都仲可以飲酒唱k咁開心...你唔叫我？

我：屌丫..仲好講...叫得到你先得㗎？！搵咗你成年都唔撚覆....

Z：um.......

我：..........

Z：咁...我唔覆你, 唔代表你唔可以繼續搵我㗎..

我：嘩屌丫...你條友丫...

Z：咁你有冇諗過點解今日周身唔聚財？
喺我想發爛渣之前, 已經畀Z打斷咗.

我認真諗咗陣：Um...咁又冇喎...

Z：你要唔要再諗下？

我：我諗過㗎,但真係諗唔起點解, 但總係有啲嘢咁..

Z：你試下再諗真啲..？

我：小姐你講到咁, 你好似知咁喎..

Z：我梗係知啦,係睇你知唔知咋..

我：吓！？係撚唔係呀？！

Z：你覺得呢？

我：Um...咁有冇少少提示？

Z突然變聲：小C子！

Z：108號房！
一講完個number, Z就極速收咗線.

我揸住個電話, 自言自語講咗句：吓？屌？乜撚嘢108號房？？？

之前陪我一齊出嚟食煙嗰兩個friend, 剛剛行到過嚟, 睇個勢應該係諗住嗌我返入去, 突然聽見我咁講, 就問：屌乜108號房？你叫雞呀？

我：叫你老母..頭先我個friend突然打嚟同我講10...
野都未講完, 我哋三個一齊擰轉面, 望住我哋身後面間Mix2..

我即時心諗, 屌...唔會咁撚邪啩...





雖然我同Z都唔係王子或者公主.

但至少,

我相信,

我哋的而且個係被某某選中嘅細路仔.

無論失散幾多次.

都會再次相遇.

突發性有嘢忙緊

我想邊個咪邊個囉

最近聽人講　女女想你做佢心事垃圾筒／知己唔等於情侶
又或者佢只係想同你暖昧唔係拍拖

呢家喺澳洲有無搵你兄弟肥J?