[是咁的] 我喺加拿大住咗十幾年, 識到一個女仔叫Z..（2）

香港passport有免簽證半年.

有故聽？

每個人心中都有一個Z, 你鍾意叫佢咩名都得

呢刻真係好葉念琛條仆街d電影情節

講起呢條仆街, 我記得有次喺太子聯合樓下撞到万刀甲, 真係撞到佢成個人向後退咗一步嗰隻

降頭C姐夫個妹係Stephy排球波友, 話stephy真人kei到仆街

有料佢有咩反應？

万刀甲？事發位置喺太子地鐵站出嚟、聯合嗰個轉角位.

我嗰陣時剛剛返到香港, 幫屋企去攞窗簾但出錯站蕩失路, 佢就同個friend一路行一路傾緊計, 係轉角位同一時間轉彎, 大家都冇睇到對方, 跟住就撞埋一齊.

可能我行得急、所以先撞得較大力, 可以撞到佢成個人退後一步.

我第一個反應係講聲唔好意思, 跟住覺得前面條友有啲眼熟,但一時間諗起佢係邊個.

万刀甲俾我撞親但都幾好禮貌, 都笑笑口講咗句唔緊要、唔好意思佢冇睇路, 但同時佢個樣完全係：叫我啦！叫我啦！問我攞簽名！嗌我個名啦！！

但我冇理佢行咗去...

btw, 我阿哥個女而家跟佢學游水

等你講完故再考慮下

即刻完咗

有請

sor9, kai
撳錯掣

姐夫個妹話佢份人戇鳩鳩、條佬講乜都信, 所以中咗万刀甲伏咁多年

咁一段真正既愛情係基於雙方既信任….咁一方講大話唔老實，並唔係對方既錯喎

冇話佢錯呀, 只不過全世界都撞到佢條仔偷食, 係佢一個人唔信咁解啫

可能唔想信啫

可能刀甲解釋 佢又信

有文未

Z收咗線之後, 我同兩個friend鳩噏多一陣, 聽佢哋講下叫雞同私鐘嘅經驗, 到食埋支煙先行返入Mix2.

跟住房門number搵到108, 先知原來我哋頭先出嚟食煙嗰陣, 已行過呢間房, 直頭係我哋嗰間k房斜對面, 中間隔唔夠2間房.

朋友F指一指間房：喂C, 係呢間喎！

我：umm...
為免自己誤會, 我決定鬼鬼鼠鼠從門口隻窗仔, 偷偷地裝入去.

呢個時候朋友G突然之間話：撳鐘掣撳鐘仔...

我嚇到即刻縮開, 擰轉面：屌你老味, 細聲啲啦八婆, 再嘈撳你lin仔呀仆街...

朋友G聽見就即刻挺胸收腹：怕你呀？我粒lin大到連打都得呀！

聽見朋友G咁講, 我同朋友F同時露出一個厭惡、作嘔嘅表情：屌你老母丫...有畫面㖭, 正仆街..

而朋友G個樣笑得好自豪咁..

講漏咗, 朋友G係一個好玩得、同時中文又九唔搭八嘅CBC囡囡.

雖然頭先畀朋友G嚇一嚇睇得唔清楚, 而且角度關係我見唔到Z, 但的確哨到幾個由BIC時代已經識得、/但從我搬走咗就冇再見過嘅朋友喺到飲緊嘢吹緊水, 仲有班人係睇唔到嘅地方we wa鬼叫唱緊歌.

睇個勢應該安全, 斷估Z唔會陰鳩我啩..

我：係呢間呀, 你哋返去先啦..

朋友F：ok呀, 咁你有咩事call我哋啦.

我：同個朋友聚下舊啫, 有咩事會發生..

朋友F：怕你老人家喺出面仇家多, 一陣畀人捉黃腳雞影裸照...

我：免費影裸照咁著數, 我實預埋你...

朋友G：唔驚啦我哋間房咁近, 牆隔有耳呀, 有咩事你鳩叫, 我哋一定聽到出嚟救你..

我同朋友F忍住笑互望咗一眼, 之後同時決定唔糾正佢.

我拍一拍朋友G個膊頭, 同佢講：難得你咁有我心, 咁我靠曬你㗎喇喎..

朋友G大大力拍返我個膊頭：得啦, 有咩事大嗌, 之後即刻喊撚住個屎忽走, 我哋吹雞過嚟兜你！

我同朋友F聽住朋友G仲好激昂嘅語調, 講咗句夾雜住一啲意義不明嘅中文, 終於忍唔住、踎喺地下爆笑..

Anyway, 笑咗一輪之後, 朋友F拉住朋友G返房,留低我一個企喺108房門外.

本來咁耐冇見Z都有啲忐忑不安, 仲諗緊點樣調整一下自己嘅心情先入去, 但朋友G條儍閪搞一搞,而家心情極度輕鬆.

雖然覺得基本上都冇人會聽得到, 但禮貌上我都係敲一敲門, 然後大大力推開道門, chok住咁行入去.

朋友A：喂大C!

朋友B：大C哥!!!

朋友?：喂！！屌！！！

Ke：喂?大C?!仆你個街！！

朋友E：嘩！撚屌！好耐冇見喇喎！！

朋友??：嘩！！！

一推門入去, 好耐冇見過嗰班friend已經喺到嘈生曬, 個個都好似撞鬼咁鳩叫, 而唔識嗰班唔知係咪飲醉酒,聽見人叫佢哋又叫埋一份..

連唱緊歌嗰個ke都一齊叫, 但條戇鳩仔又唔記得咗自己仲揸住支mic, 結果一時間嘈到拆天.

而當我想同佢地打招呼嗰陣時, 後面條走廊突然有人大叫..

朋友F：喂！！乜撚嘢事！！

朋友G：嘈乜撚嘢丫！！劈佢屎忽開多邊！

二世祖：C！使唔使幫拖!!!

朋友I：屌你老母呀！！！

朋友J：邊撚個屌！

丫屌...原來我未閂門, 108班友仔又亂鳩咁叫, 而且又叫得衰過人...驚動到我自己班friend, 嚇到佢哋即刻係間k房衝出嚟,以為我真係畀人伏有交打, 仲有幾個揸住啤酒樽..

雖然場面極度混亂, 喺兩邊人唔知頭唔知路互屌緊同紮行馬嗰陣, 中間又夾雜咗一句不明意嘅說話, 令我爭啲笑咗出嚟, 但係我都忍住咗, 正當我想解釋畀我班friend聽嘅時候..

陣突然之間, 有把毫無感情嘅聲線、大大聲係走廊到唱：Happy birthday to Z....

霎時間, 全部人靜曬, 戇鳩鳩咁望住嗰位應該係Mix2嘅女員工, 面無表情、戇鳩鳩咁捧住個蛋糕, 企係我哋成班人後面.

係呢個咁兵荒馬亂嘅情況下, 我淨係見到得一條友,好優雅咁翹住腳、坐撚咗喺108號房入便其中一張梳化到, 著住件啲色撞到嘭嘭聲嘅Tee, 好似事不關己咁, 用個好得戚嘅樣對住我陰陰嘴笑...

我夾咗喺三邊人中間勁無奈, 唯有用口形叫Z幫拖, 但條仆街只係繼續笑唔出聲, 仲做咗個唔關佢事嘅手勢.

我屌丫....唉...

既然引我中伏嗰個唔幫拖, 唯有自己黎..

我諗咗諗就決定先開路俾嗰個木口木面、機械人咁捧住個蛋糕, loop緊happy birthday嘅女員工入咗Z間k房先.

因為佢把死人聲真係好撚煩, 畀佢再咁loop落去, 我隨時忍唔住打撚柒佢..

Z班friends見到個蛋糕嚟咗, 就自然個個坐返低、唔再亂鳩咁叫、好似無事發生過咁開始搬開檯面啲嘢...

到女員工放低咗個蛋糕、好堅決咁唱曬成首生日歌之後, 就極速飄走咗.

而我就趁呢個機會,即刻將我班friend推返入房.

臨走前, 見到Z指咗指個蛋糕, 用口形同我講：等埋你返嚟先切....

到同自己班friend解釋咗件事係誤會之後, 又急急腳行返番去Z間房, 忙到呢...

循例敲兩下之後, 就推開108號房道門, 見到全部人都喺到叫Z許願吹蠟燭, 但佢只係合埋眼保持住許願咁嘅姿勢, 笑笑口唔出聲.

Ke見到我入嚟,就即刻揮手想叫我坐喺佢隔離：C, 你坐..

Z聽見我個名, 就擘大眼望一望我, 用眼神示意我坐佢對面, 即係佢面前個蛋糕嘅另一邊, 又再合埋對眼.

我見佢老人家落咗order, 就向ke做咗個安靜嘅手掣, 佢就冇再講落去, 而我就乖乖哋行去Z指定嗰個張好鬼矮、圓形嘅cushion櫈.

我剛剛坐低, 就發現自己同個蛋糕唔夠一隻手臂嘅距離, 嗰下突然心知不妙.

但都未嚟得切起身閃人, Z已經大大力吹落支蠟燭到, d煙當然全部吹撚曬落我塊面到...

仆你個街丫..呢個陷阱Z到底set咗幾耐..

Z：好嘢！切蛋糕！！
Z冇理我塊面閪曬, 直接攞起把刀就切落去.

唔知邊個突然間嗌：唔記得影相呀Z！！

Z聽見就呆一呆：吓？咁都得？？拿拿聲補影啦！
一路講一路伸隻手去攞枱面淨低嘅蠟燭, 而另一隻手好自然咁遞向我嗰邊：小C子！火機!

呢個時候有一個坐喺Z隔離再隔離、我唔識嘅男仔, 突然個遞火機出嚟：吓？我咪有囉？頭先嗰支都係我點㗎..

Z隨口應佢一句：頭先我隻小C子唔喺到丫嘛.
繼續keep住攤大隻手喺我面前.

我：丫你條友特別麻煩....
我見到嗰個男仔啤住我嘅眼神絕對唔友善, 為免尷尬, 就拿拿聲拎自己個火機出黎放係Z隻手上面.

Z望咗望個打火機, 諗咗諗就點著支蠟燭插返上個蛋糕上面, 大大聲同佢班friend話：影相呀！影相呀！

之後一堆人衝過去同Z攬頭攬頸咁影相, 但當時唔知點解, 我反而冇乜興趣過去陪佢影, 就自然做咗揸機嗰個.

所以影咗一大輪, 到最後我都冇同佢影過...