講真見到510贏到開巷真係有少少灰,唔係話510唔好,只係冇諗過票數爭咁遠
揀可愛嘅人投吧吧,鍾意努力家投泰妹,校花樣一定係影,好戲嚟講呀月喺大人棍超班啦。反而係510除咗蠢同埋Upset之外,冇乜記憶點比到我,但反而可以大幅拋離其他人。Anyway,塵埃落定了始終,希望510入到試當真之後有令人眼前一亮嘅表現
順便講下校草,石頭人屈機就梗㗎喇,皓嵐輸年紀冇計,曾生0觀眾緣,自己諗下點解啦;想特別講吓何求同牙康,何求係越嚟越差,唔知係冇自信定點,越嚟越多包袱上身,自然出嚟會尷尬;反而阿康係越做越好,同何求啱啱相反,佢不斷咁扔走自己身上嘅包袱,好自信好搏盡咁做,同全世界講我得一個目標,破釜沉舟,出嚟好真好討喜,就算贏唔到比賽都贏到觀眾緣