其實冇架 同佢經歷咗好多嘢 希望佢嘅時間花係啱嘅人身上 而我希望成為佢啱嘅人
有時有啲嘢 唔好去懷疑自己選擇 正如大家移民 去到話外國有幾好有幾好 其實唔需要去講說話畀自己知 自己就算選擇上冇咁好 但自己開心咪得囉 開心嘅咪唔洗去懷疑
又咁講 有時我唔會否定佢會離開我嘅可能 佢要離開我 我唔會做個痴線咁要佢成世係我身邊 當有一日佢覺得我唔再被需要係佢身邊 咁無謂對大家辛苦 咪搵下一位 我對愛一個人好簡單 啱嘅咪得囉 但當有個啱 你就唔希望傷害佢 都希望佢需要你
愛係雙向 不進則退 你係佢身邊嘅角色 而我呢刻係佢老公嘅角色 唔知可以行幾耐 但盡可能大家互相扶持咁去行落去 做好大家嘅角色 結婚都係一張紙 搞離婚容乜易 張紙都唔足以令佢係你身邊 咁張紙存唔存在其實只係大家想唔想搞姐
好愛佢呀 自問唔知算唔算 同佢拍咗十幾年拖先娶佢 你話算唔算 我覺得一般般 因為好似拖咗佢好耐咁
但佢做咗令我好感動嘅嘢 咁咪令我想為佢幸福去謀算囉