買電視機 / 換電視機 集中討論區 (99)

全對

qd oled 紅色好出

冇錯，飽和度提高咗，綠色都好咗，不過好得冇紅色咁多所以冇咁明顯

HD

HD

窗簾真係得？

好似要暗室 燈都唔可以開 先有無限對比

上面已經講過，佢依然係無限對比，呢點唔會因爲佢喺光或暗嘅環境改變，其他顏色本質係冇變，對比度自然都零影響，同LCD因爲整體都係灰而有對比度影響完全唔同

你見到嘅只係量子點層本來嘅顏色，只係多咗呢一隻顏色，對比度係完全冇影響，最簡單直接嘅counter example就係喺光嘅環境下睇全彩色嘅畫面

如果光綫反射嚟講太陽光強過室內燈好多，所以冇咗太陽光，深灰色已經變得好唔明顯，當然要完全見唔到深灰色就熄燈最好

再攞LCD嘅對比度嚟做類比就係完全唔啱，因爲無論熄曬燈都好，都唔會令背光層同液晶層消失，佢哋嘅對比度問題嚟自光源，根本與外在因素無關

希望今次可以清到concept，唔明歡迎繼續問

我覺得肉眼睇唔係純黑 就即係有影響
只係其他色冇影響
對比度係黑白對比

一定要熄燈先有真黑色

深灰色並唔係發光系統製造出嚟，唔可以計落對比度嘅運算入面，所以佢以發光嚟計一定係有真黑色

正如WOLED電視如果見到自己嘅倒影，其實肉眼睇隻色已經受到自己倒影嘅顏色影響而唔啱，咁樣都冇得可以計落對比度，如果你要計先對QDOLED公平少少

另外，佢只要發深灰色嘅光就已經見唔到本身量子點嘅深灰色，即使佢發隻光畀原來深灰色再深色，所以只係得唔發光嘅狀態先會見到呢隻色

對比度唔止係計黑白色，而係計曬所有發光嘅顏色

點解ips 1000:1
都可以做到色準好 色域廣？

不服來電

因爲呢樣已經係額外研發嘅技術同運算，佢哋已經計算咗佢本身表層顏色影同背光層影響而再調節色光，換言之佢發出嘅顏色係經過計算嘅顏色，正如塊面黃要搽紫色粉底液、塊面紅要搽綠色粉底液一樣，不過只係黑色佢受背光層影響而已經冇得再調整，正如你天生係黑人都唔會因爲搽紫色粉底液或者綠色粉底液而達到預期嘅效果，IPS唔係第一日就已經受光源所限都做到色準好同色域廣

上面嘅最後一句唔係話QDOLED仲有好多進步空間，而係量子點層嘅顏色係本身材料嘅顏色所以應該係解決唔到，因爲你冇得發出黑色嘅光，如果發得出黑色嘅光，IPS/VA都已經夠用。所以點解AMQLED今年一推出討論度咁高，亦都係因爲大家要搵最完美嘅面板

QDOLED係有佢嘅缺點，不過唔代表佢喺光嘅環境就會冇咗對比度無限，佢對比度依然係無限，只係會喺純黑嘅地方睇到另一隻顏色

學到野

多謝，我都以爲自己讀緊啲嘢應該用唔到喺日常生活，係你畀機會我證明全部嘢都會有用得着嘅一日

真正電視面板專家

我只係傳達stepmic巴打想傳達嘅訊息

唔係啦，唔係讀本科既係唔會識

我只是類似Sales, 你就是技術人員

LG B1更新係咪用返內置就可以？

對，正常開自動更新就可以

Step巴，唔好意思又係我。我想問下一個 Sony 65X95J配一個淘寶冇牌子百零蚊掛牆架，會唔會有啲危險？定係喺香港買NB搵師傅裝最穩陣呢？

香港買NB搵師傅裝
推薦搵 盛..澤 上門安裝NB架

唔洗唔好意思, 因為我已經唔記得邊個打邊個