老豆原來中咗胰臟癌…

人始終一死，CHING 自己保重

點先避免到

Take care

我都有親戚胰臟癌走咗。
非常明白你宜家個種感受！

所以你要珍惜可以陪老豆嘅時間！
係佢仲食到嘢嘅時候，佢想食乜都比佢食（如果醫生唔反對）
盡力爭取恩恤探訪！
有咩想同佢講嘅一定要講出嚟，
唔好收埋係心裡面。
加油！

醫生有無話點醫同肝酵素幾高？

我屋企人都係半年前無意之中發現左有，可能因為好早期發現，所以做到胰十二指腸切除術，依家已經唔洗介口食嘢。

睇字都見到痛苦

我嫲都係胰臟癌走左
由發現到離開真係好短時間
見佢最後嗰段時間好痛苦
巴打保重
有啲咩想同老豆做就快啲去做

經歷過類似情況，家庭需要你撐住，你都需要其他人幫助同鼓勵。加油bro！

見到呢d故事真係好心痛

巴打振作

巴打加油！

我老豆兩個月前都發現左末期cancer
個時知道真係好難受
但一定要珍惜最後既時光
開開心心咁過
佢想做咩食咩就由得佢做

要加油 我上年經歷過同樣既野 陪多啲爸爸 知唔知

樓主
呢排你老豆想去邊就帶佢去
想食咩就比佢食
比佢了左個心願
因為好現實咁講句
你呢個時勢入醫院 好大機會係佢走既時候先見到佢
除非你住私家
而加個19疫情探唔到病
逼死左好多人

咁醫生有冇話可以做舒緩治療？例如免疫治療 咁就可以延長生命時間🥲😢 比多d時間陪下世伯啦

我爸爸係20年都發現有前列腺癌擴散到骨
佢都話人總有一死 想舒舒服服 已經放棄食標巴藥
上年入埋icu醫生話比定心理準時添 不過過左之後 佢保持心境開朗 而家行得走得幾正常
有時比起食藥 心態仲重要

神蹟再現

巴打take care

Take cardd巴打

我識個auntie係食素，作息定時，生活好有規律
知道佢中咗都好驚訝

auntie佢真係好堅強，一開始背痛到瞓唔到，做咗個切斷神經之後就feel唔到背痛，起碼可以正常瞓到覺
之後做埋化療，雖然未完全好返，但都已經好咗好多

巴打要加油，一定要多啲陪你爸爸，支持同鼓勵佢，意志力對個病係好重要

take care

化療都唔使就可以切？

舒緩治療係比佢舒服d行埋落去 都係打大劑量嗎啡
基本上舒緩得既都係末期 化療 電療呢d都無用既時候

世伯
陪佢多啲，影多啲相留念