老豆原來中咗胰臟癌…

LM學野

做香港人真係好慘，樓主take care

祝福樓主家人

樓主加油！你壓力應該都唔少

胰臟癌係癌王
時間未必好多
好好咁陪下佢

如果冇咩經濟負擔
辭職陪佢多啲
拍片留返個回憶
陪埋佢走呢段日子

要拎醫生信先排到期附加報告上去
公立冇咁快
負擔到嘅話
排緊公立時再係出面睇埋私家睇腫瘤科
保重呀

想知呢 其實公立醫院急症驗血係咪已經check到好多

吃掉他的胰臟。

巴打保重

以為自己好幽默？

珍惜眼前人 唔想講衰野 不過通常3~5年
過來人 同埋惡化係可以好突然 唔會比你有任何心理準備

腸癌就係

胰臟癌係基因問題行先，有果種基因比一般人中招機會高40倍

保重巴打
聽講最近有新藥醫到某隻基因突變，胰臟癌有時都係呢隻突變，可以做下test 問下醫生有冇得試

take care

我屋企人半年前都係呢個癌症 入院幾日就走左

糖尿病都會易有呢個癌

要同你老豆講病情，畢竟生命是他的。

如果快，可能三個月。見過。

其實講真癌症黎講
係真係冇一個方法係100%清到
下面我會解下

同埋癌症藥係好多時一開始好有效
但過一排甚至臨床上話係清左
都有機會復發然後抗藥性

癌症係一仲好「聰明」既病
(其實有啲似evolution )
佢因為複製率好高生得好快
所以基因變異率好高（有啲甚至特登令變異率高啲去增加生存機率）
打個簡化既比如：一個腫瘤而家有AB呢2個基因變異左去增加自己既存活率
而家啲標靶藥物通常就係打擊佢最重要/普遍既某個基因變異既存活機制
咁當我地而家呢個腫瘤用左打A基因變異果隻藥
咁腫瘤入面靠A基因變異既癌細胞就死哂
咁呢個時候你以為開始好返
甚至好似清哂（當A變異細胞佔大多數）

但呢個時候問題就黎
因為以B基因變異而存活既細胞就冇打死到
咁佢地又再發大話
咁到時生返既腫瘤用打A變異既藥就冇用
變左復發同抗藥性

但你諗下一個腫瘤係唔會得兩個變異基因
係關鍵既都可以幾十個變異甚至更多

所以用呢個方法點會有一隻藥係會完全醫到

糖分攝取係癌細胞好基本亦好關鍵既生存方法
細胞要夠能量先複製到咁多細胞發到咁大
其實個概念有啲還原基本步
上面講啲研究target specific 既藥其實去得太深入太遠，細胞代謝各樣系統好成熟，所以就算一個功能都會有唔同機制support,一個機制fail都仲可以shift 去其他去維持運作
但唯獨能量來源斷左就會難啲補救到

你講果個angiogenesis 串嘴教授我上堂都聽過
一開始的確係好大既發現
但佢諗唔到癌症咁都spin到
所以癌症係好「聰明」好versatile
不過再講angiogenesis 我又打千字交

Warburg effect 係講癌症點樣為左可以製造多啲有利複製細胞既代謝物（下圖右邊，佢地會拆lactic acid） ，而去選擇一個效益差（anaerobic glycolysis)既能量製造機制，姐係佢地寧願要用多啲糖份去整少啲能量份子(ATP)，都唔揀平時健康細胞最有效能既oxidative phosphorylation ( 用最少糖去製造最多既ATP) 。
變左佢地十分倚賴糖份去發大

*Anaerobic glycolysis 正正就係點解你做完劇烈運動肌肉酸痛既原因，就係肌肉細胞突然要大量能量，原本用有效率個機制（oxidative phosphorylation)去製造能量，但係血流供唔夠氧，咁佢地就轉做效益差（anaerobic glycolysis) 啦，變左積埋好多乳酸（lactic acid）而搞到肌肉酸痛。



其實讀生物學我都好驚訝
大學學會學到呢啲野
但冇乜人會將日常健康飲食（尤其血糖同糖既重要性）睇做重點，反而係「病我就食藥啦」
所以我地係大學去學研究大多都係去搵標靶既目標
邊個基因變異左，點樣去打佢
我諗都係因為我啱啱講既研究偏重造藥賺錢

而因為咁有少少癲覆左我一路學既專業
發覺我學到我見到既野都未必係事實全部
而我既思想都變得開放
如果見到啲同自己世界觀唔配合既野
應該要用開放態度去睇
而唔係一下子否定

我冇怪果兩個巴打
只不過我睇到固定性思維既問題

我亦都冇話我講既一定啱哂
冇第二啲方法
但我覺得還原基本步去食少啲糖份係make sense 既
已知係可以防止到好多長期病（糖尿病，脂肪肝，痴肥，心血管疾病..其實都係食太多碳水化合物/糖引起）（當然點解現代人咁依賴碳水化合物做主糧同舊食物金字塔點害人法又係可以千字文）
咁容易又健康啲又何樂而不為呢

我自己相信亦身體力行
而家係大部份日子都斷食20個鐘
同食野既時候都盡量減少碳水化合物既量
碳水化合物食完消化會拆細變做糖吸入血
所以我講糖係泛指會拆做糖既任何碳水化合物

打到有啲長
唔好意思

冇辦法 你兩老冇做好生涯規劃 要夠鐘就冇人幫到佢了 巴打都唔需要諗點幫 問下老豆後事想點搞 費事又多個火頭

樓主加油 世伯加油
記得無胃口都要食野
療程開始後更加要有均衡營養
知道黎緊一家人會有好大考驗
但精神鼓勵絕對有正面幫助
唔好放棄