老豆原來中咗胰臟癌…

倍力康 + 加力康/ 速癒素咁樣keep住？

嗰款粥可以補充蛋白質？

有睇到蛋有甲硫氨酸 係癌細胞需要嘅，但魚同大豆話都有，呢啲都要盡量少食？

分享一下 我爸爸個陣都係睇聯合
睇左聯合腫瘤科第一次之後 攞到私家醫生轉介信去QE 但QE話已經係聯合睇緊 唔肯比我地轉去QE (即使聯合無電療做都唔比直接轉去QE)

個陣問過QE既職員 佢話只可係一間公院開file睇專科(腫瘤科) 除非係公院再轉介 AED就唔太清楚
所以如果你想帶爸爸去QE 盡快去睇啦
聯合真係等好耐 我爸爸個陣第三期都等左一個月有多先有得睇
雖然經濟上未必負擔到去私家醫院治療 但都建議都可以去出面私家seek 2nd opinion 唔好聽死一個醫生既意思

如果要買營養奶個d 加力康效果都唔錯
我經協會買可以平少少 如果有需要 我可以幫你買
知道你一定好難受 加油 加油

巴打 點都好，搵間私家搞住先，等公家等到頸都長先有第一次見醫生嘅機會。

小弟都係公屋仔，上年三月娘親因為一啲婦科問題去睇公家醫生，因此發現埋有姨臟癌第四期，但公家要排隊排到七月先見腫瘤科醫生，以一個四期嘅病人情一定係好無助，因為咩都做唔到。幸好有屋企人係做醫院，佢介紹咗睇一個私家醫生，私家醫生安排照正電子掃描加CT果啲，好快就安排咗做電療加化療。到七月果陣已經完成咗大半嘅電療療程，到八月中就開始緊化療。但因為醫療嘅金額真係好大（要成百幾粒），我地都係無保險，所以到十二月左右就開始按排轉返公家，但到一月尾先安排到化療嘅日子。

所以巴打，如果可以嘅話點都睇住私家搞住先，等病人有返啲希望先

係呀
比較平既做法係私家駁公立
唔駛浪費頭一兩個月等公立

巴打 介唔介意tg傾幾句

珍惜眼前人

巴打 你都要加油

我老豆勁硬頸 雖然我仲讀緊書 但係佢仲當我係細路 唔會聽我講 我係屋企都無say

之前諗住叫老母勸下佢去qe 連老母都話唔去 更何況私家 佢地好似接受咗咁 仲話電療化療都唔想做

我哋又冇咩親戚朋友可以勸下 而家好似得我一個心急 做無謂嘅掙扎咁

巴打 共勉之

唔是，去出名啲嘅醫生，拎個建議，再拎返去公立醫院跟返都可以。
識個同事爸爸都係咁，不過佢好彩啲，退休水務處公務員，去公院打貴針都免費嘅。

真無錢，都可以試搵醫療社工，睇下有冇資助幫到手，祝福你及家人。

宜家去聯合排咗期等期?

細個老豆鼻咽癌死，好難想像人大左先面對親人離世會幾傷心

有大病私院真係好好多

如果以單純一個細胞既機能黎講，其實癌細胞先係生物學上理想既細胞，甚至應該稱呼係細胞本來真面目

所謂正常細胞既分裂同機能係嚴重限制左，舉例人斷左隻手生唔返出黎。

正常細胞既端粒越分裂就越短，呢個係衰老既原因。

癌細胞識自己填充失去左既端粒，即係佢永遠保持人體細胞最年輕時候既狀態，但佢就係唔會聽你講。

而家有d 大學研究延遲衰老既藥，都係研究癌細胞機能先

所以保險係有佢既價值

但係中 omicron 私家就踢你走了

試吓contact吓”病不孤單”啲義工，佢哋好多嘢都教到你點做，包括申請藥物資助

其實定期身體檢查好似都好難查到呢個病，因為位置太隱蔽，其實仲有咩方法喺未到末期就check到呢個病?

陪多d 你老豆

都無計，因為保險多數都唔包傳染病

巴打頂住呀
陪多啲屋企人,陪佢散下步運動下,買多啲佢鐘意食既野俾佢食

加油巴打 希望你爸爸身體健康

我爸胰臟癌都係半年都冇就走左 惡化得真係好快