「出外識朋友啱嘅!識啲大個自己嘅,多啲野學得到呀女」
「哈哈 做個朋友啫 我都唔知有冇野比到阿玲學」
「阿峰 你夾多舊雞啦」阿玲媽咪話
「我老婆煮啲雞同蟹冇得頂,出面真係食唔到!你食多啲!」
「知道Uncle!我會!」
「係呢?你屋企人多唔多煮飯架?」阿玲媽咪問
「冇呀 哈哈 兩親都過左身喇,有個女嫞煮飯我食囉」
「哦~咁你多啲上離食飯啦!」阿玲媽咪話
「哈哈哈 睇下有冇機會啦 哈哈」
「人地煮野都好好食架!」
「哦 係咩?搵次煮比Auntie食」
「哈哈 實好架!我都想跟你學點整個蟹!」
同阿玲同埋佢啲屋企人傾下計,食下飯,就咁樣我喺阿玲屋企過左個好「特別」嘅星期日晚。可能對於好多香港嘅家庭,星期日晚本應該就係咁樣。但係對我離講,依啲同屋企人簡簡單單食餐飯,我真係好多年冇試過。出左國讀書好多年,番到香港死鬼老豆都仲要走離走去,我做左幾年野,佢一退休就走左,冇幾耐阿媽都跟住走。身邊啲親戚都係「利」字行頭,好地地點會叫我去佢屋企食飯吖?即使佢地叫到,我都未必敢去。
「阿玲!你送阿峰落去啦~」
「得啦 阿媽 我會啦,你唔見我著緊襪咩?」
食完飯,阿玲陪我落去,送我上車....準備離開嘅我,剛才喺一個500幾呎嘅單位同阿玲屋企人熱鬧過後,我心裡有一份說不出嘅黯然。我同阿玲兩個喺𨋢入面都變得沉默,大家都好似有種難以解釋嘅落幕情緒。我唔肯定阿玲點解會咁,但我知道我有啲唔捨得。唔捨得唔係啱啱auntie嘅廚藝,唔捨得嘅係一家人嘅天倫之樂…
「多謝你今晚叫我離食飯」我打開話夾子
「傻啦~爸爸邀請你嘅~」
「嗯…」
一路行,我都唔知同阿玲講啲乜……但我唔捨得阿玲同佢屋企人嘅感覺有增無減…眼前就係我架車。
「好啦…你…小心揸車喇…」阿玲說
「阿玲…可…」
我張開雙臂往阿玲纖瘦嘅身軀送上懷抱,緊緊咁攬住阿玲
「多謝你呀 今晚」
「嗯…」
依一刻我希望成個世界可以停止幾秒,好讓我好好感受阿玲帶比我嘅溫暖
「你…你冇野呀嘛?」
「冇…」
「好啦,我走喇,下個星期再見啦~」
「bye bye~」
我走上我架911,帶住難離難捨嘅心情返屋企。唔知咁啱定咁橋,隨機竟然播起周杰倫首一路向北…
番到屋企,一個人坐左喺梳化,諗番一個又一個同阿玲嘅畫面,其實快樂係咪真的需要用金錢堆砌出離?其實食過幾多條女、買過幾多架車又係咪咁重要?究竟…身邊咁少親人朋友,係命中註定…抑或係我嘅問題呢?
「卡咯卡…」開鎖嘅門聲響起
阿Sue番左離,佢好內斂咁講:
「我番離啦 Sir 」
依一刻望住佢,我就覺得佢好擬眼。一個咁靚嘅單位,望住香港人都嚮往嘅馬場景,換番離唔係一個我愛嘅人,換番離只不過係一個印尼妹。一個普通中產家庭都afford到嘅印尼妹…點解番離嘅,唔係我老婆?唔係我女朋友?唔係一個我愛嘅人?唔通我真係窮得只有錢同一個印尼妹?
我返房,拉開抽櫃裡嘅cocaine,拿出銀包張一千蚊紙,卷趗張銀紙,對住一行cocaine一索!啱啱嘅所有情緒都拋諸腦後,我走到阿Sue間房前……