[廣東話/都市懸疑/本土典故]落地開眼見劍俠 （想追故請俾負評）

因乜解究呀？

推

（二十八）

從我的方向望去只見到另一個我的側面，我見他一臉迷惘，搖搖頭，突然他眼尾望到我，面仔青青，眼仔突突。

「唉！屎忽鬼！咁我今次咪點答都錯。」他說。另一個自己對住我竟開口就是屎忽鬼，但語氣似氣餒多過想鬧我。

師傅講過劍俠剃頭，原地留低斷頭屍體，一個替代死者嘅鬼就會唔知邊度走出嚟，我見到一地都係同我一樣衣著嘅無頭屍體，然後另一個自己又對我講屎忽鬼，我不敢，但始終不禁聯想自己係咪俾人剃過頭來。

唔通我係鬼？佢又係鬼？而我已經俾人剃咗七八次頭？無記憶喎大佬！同埋另一個我都無俾人斬，宜家我已經出咗嚟啦，可以咁時空重疊架咩？

咁我同另一個我身體入面有無元神呢？我又係咪我呢？

我戇撚鳩鳩，又同另一個我揮手。至於地下啲無頭屍，我都唔知驚唔驚好，我自己由飛玻璃劍想帶細蚊仔上山到宜家呢刻，個腦諗野都無停過，究竟幾時我變成一個屎忽鬼！

「馬死落地行啦！就當錯誤示範！」另一個我抖足一啖大氣，對住紅色怪物講：「你俾我睇果個前世，唔出家都在家學佛啦！其實人出家做和尚，都係想幫手宏揚佛法啫！做義工咁囉！」

「講埋啲自殺答案！實錯啊！唔洗閻摩降答你啦！」細蚊仔插嘴，「咁宜家科技咁發達，唔洗出家做和尚啦！在家修行，開個Youtube，Facebook，再唔係開台講經，上網寫故仔介紹吓佛教咪得囉！」

「咁錯誤示範吖嘛，我淨係諗到咁遠咋！」另一個我大聲講，又對我打哂眼色，然後他問細蚊仔，「痛唔痛架！」

「答咗你八次囉咪，等我錄埋音先！下次播返你聽！」細蚊仔拎出手機，眼望另一個我同時口對手機收音位講：「唔痛啊，낫놓고기역자도모른다，比刀斬完都唔知刀字點寫！華人劍俠咪話落地開眼見劍俠囉！」

同大家講返正確知識先，果陣我唔識韓文，相信另一個我都唔會聽得明，細蚊仔話咩就咩，後來我學成劍後，有次路過南韓同隻比人推落樓跌死嘅窮窮鬼飛髮，遇著一位南韓劍巫。我同佢講返件事，佢聽完中譯英文都唔知有句咁嘅韓文，雞同鴨講咗一陣，原來「낫놓고기역자도모른다」字面係放低鐮刀都唔知個「ㄱ」字，而「ㄱ」字筆劃成把鐮刀咁，係好簡單嘅字，原意用嚟笑人傻佬唔識字，亦係南北韓劍俠版本嘅「落地開眼見劍俠」。

「又唔係你剃頭，梗係輕鬆架！」另一個我對細蚊仔說，然後他又同紅色怪物講：「大師兄，咁我係咪答唔啱啊！」

怪物全身赤紅，身高七尺，同時長住幾張臉孔同幾十條手臂，我認出佢就係收音機講嘅血僧大惡相，另一個我叫得佢大師兄，細蚊仔又提到閻摩降，話唔定怪物就係剃刀閻摩降嘅化身。數真啲，大師兄有九塊面，九塊都擰擰頭，睇來另一個我答錯咗人點解要做和尚。

「大師兄，大師兄！唔係唔信你，但要爽手淨腳啊！」另一個我轉身背向大師兄，望住一雪地的斷頭自己，突然笑了一聲，「哈，有啲Get到啦，下次實答中！」

細蚊仔學另一個我笑的聲音，大潑冷水：「哈！你次次都咁講！」

「請寶貝轉身！」另一個我呼叫一聲，大師兄其中一隻持劍手臂手起刀落，將另一個我人頭斬甩，人頭碌碌吓來到我面前打開眼，都咪話唔恐怖。

這時前八個身體的記憶承繼進我腦袋，我就明白點解呢一刻我同細蚊仔要係度同大師兄玩佛學問答遊戲。口乾，下集再講！

份工無乜意思，但又未搵到工

做小說家。
以前定以後有咩想寫就寫晒出黎，唔再有遺憾。

新年推

（二十九）

原來我第一次用玻璃劍將自己同細蚊仔送上山果時，就遇到閻摩降大師兄攔路。大師兄問我人點解要做和尚，答中就還返筷子比細蚊仔，答錯我就要剃自己頭。

閻摩降並非尋常飛劍，如果剃人頭時無諗住幫人做和尚，舊身體斷咗個頭，元神就會轉移去新身體入面，視覺效果勁恐怖勁痴線，但實際效果等於無剃過，減減加加，換個身體咁解。

我問大師兄點解答錯要剃頭，大師兄話每次會俾我睇一次吳王闔閭同千魚某次轉世嘅仇怨，答錯一次我剃一次頭，就當我死一次幫千魚之一解怨，對我日後煉劍有益。

講得輕鬆，我斬自己頭落嚟我點會唔驚！

我問可唔可以唔拎筷子，我淆底想返上海街。

呢時又聽到頭頂一聲獅子吼，原來獅子獅兄正以鉸剪形態係我同細蚊仔頭頂盤旋，相信我地一想用玻璃劍遁走，獅子又會現身將我地咬返落山。

師傅叫我上清涼山補習啫，點知唔做完課堂練習係無得落堂嘅！

第九個我人頭落地，元神同完整記憶通通歸宜家第十嘅我，我行上前，再同細蚊仔與兩位師兄打招呼。

「嘩！攝青鬼啊！你又失驚無神彈出嚟！」細蚊仔見我出現當堂嚇一跳，但我明明一直係度，幾次經驗推測得知，上一個我未剃頭嗰時，就得上一個我見到下一個我，其他人都唔會察覺到下一個我存在，但到上一個我剃甩個頭之後，下一個我就會突然係人前現身。

所以上一個我見到我先會灰心鬧我屎忽鬼，未被剃頭就先見到自己嘅鬼，命定論咁，唔太老利，咪好似未交卷就知自己會唔合格咁？

都市傳說夠話齋，係街見到另一個自己係好邪嘅事，因為代表自己好快就死，都唔知係咪劍俠界流傳出嚟嘅！

「你劍俠嚟架喎，呢啲濕碎見慣見熟啦吓話！」我沒忍住潤細蚊仔幾句。

「我比你個衰樣嚇親咋！」細蚊仔又爆牙又口硬，死唔認低威。

我走到大師兄前，頂禮膜拜，吳王多世都做過劍僧，我係呢度回顧過九世的記憶片段，多少記得返啲世俗佛教知識，大師兄嘅形態係大威德明王，係藏傳密宗入面屬於文殊菩薩嘅忿怒相，我唔知你地有無留意過明王唐卡雕像果啲，傳統大威德明王九面三十四臂十六足，隻隻手都都有法寶，大師兄三十四隻手臂齊整，不過只有三隻手有拎住野，其中一樣係劍，另外兩樣係一個裝血的人骨碗，叫做「嘎巴拉」，同埋一個金水壺，叫做「本巴」，其實好合理，又唔係曬冷，平時唔洗拎哂架生出嚟嘅！

講開講，有時明王嘅形象會抱住一個凶惡相嘅女性伴侶，而且維持交合姿態，我眼前大師兄就無抱住明妃，都好彩無，如果唔係我呢啲傻佬都唔知點正眼望大師兄了。

其實劍俠菩薩嘅明妃唔同世俗宗教嘅明妃，我問過師傅密宗明妃係點解，點解做愛都算修行，佢都唔同我講多，反問一句：「你信？」我都唔知算唔算答咗我，而劍俠文殊菩薩嘅明妃，一啲都唔偉大神聖，亦都唔淫賤污穢，每一代文殊都救唔到佢果代嘅明妃，所以文殊可以係深遠嘅孤寂之中合一完整，但關於我同明妃嘅事都係我以後遇到嘅故事了，如果你地鍾意聽我嘅故事，我以後慢慢講過你知。

此時我伏在大師兄面前，抬頭就望到人骨碗底有花紋，我望得入神，大師兄將人骨碗遞向我，於是花紋就係我眼中漸近放大。

大師兄將水壺的水灑在我的頭頂，然後用其中一隻手打開我的下頜，將人骨碗入面的血倒給我飲。

我的胃部因為接觸到血液而作嘔吐反射，但我一點都不痛苦，因為我的意識已經不在身體之內了，我想起人骨碗底的花紋，而花紋則引領我走進某段前世的記憶中。

又係講劍俠故嘅時候了。

話時話，（二十八）提到窮窮鬼，唔係樓豬呢啲窮鬼，需係韓國嘅咚咚（콩콩）鬼，會倒吊咁追殺人，其實콩콩似廣東話口音「窮窮」先啱，男主角日後做劍俠果陣學師傅鍾意同鬼改鳩名

推

有幾多位朋友睇到二十九，揮個手好嗎

我問大師兄點解答錯要剃頭，大師兄話每次會俾我睇一次吳王闔閭同千鬼某次轉世嘅仇怨，答錯一次我剃一次頭，就當我死一次幫千鬼之一解怨，對我日後煉劍有益。


樓豬又老花錯字，明明post文前覆睇幾次

手

唔夠勁做小說家

返工寫住文推

推

推

香港無事，繼續支持

樓豬終於返黎
G持！

推

（三十）

飛劍出處，奇妙無窮，常見兩類，少見三類，還有一些不可分類的怪劍。華人劍俠一派用六道輪迴字眼命名之，以天劍，餓鬼劍最為常見，而人劍、阿修羅劍、地獄劍則較為少有，這些類比命名亦僅是方便用途，也與宗教概念的六道無關，故此也從沒出過甚麼畜牲劍來湊數六類。

劍本來用之殺戮，若屢屢殺人，握劍人固然積累殺業，而劍的本身卻是清白的，劍見盡了生死無常，突然悟道，自此劍本身不再任人擺佈殺生，斬人不殺人，是為阿修羅劍，文殊菩薩兩口飛劍，閻摩降斬人如換肉體，青獅只願斬吳王，斬一般人毫髮不傷，便是此類。

天劍與阿修羅劍出處類近，但又有根本差異，同樣因為屢屢殺人，劍悲天憫人，突然立心發願，從此斬人不痛，斬一人，現一鬼，一滅一生，而且因為鬼會聽從斬人者指揮，干戈便就此休止，發願劍便是所謂天劍。雖然天劍慈悲，但殺人始終是殺人，吳王用天劍斬人，殺業深重，日後與千鬼相恨相殺，永無清淨。

至於餓鬼劍，出處最為離奇，每當有劍俠斬劍俠，修為不敵方就人頭落地，這時聽候斬人者號令的劍俠鬼就會現身，而原地則留下劍俠的本來屍身。

劍俠劍俠，可要記得被斬劍俠通常身上都有至少一口飛劍，如此飛劍留在原來無頭死屍身邊，新生的劍俠鬼手裡又會有一口新生劍，由一生二，這新劍便是餓鬼劍了。

因為有餓鬼劍，是故有劍俠喜愛遊走星河探劍冢獵伴屍劍，又常有劍俠覬覦其他劍俠的飛劍而放劍斬人，得逞後伴屍一把劍，俠劍鬼又甘願奉上一把劍，殺一得二，有時所謂子母、鴛鴦、雌雄劍，就是指原來的劍與生出來的餓鬼劍。

當年道生對點頭石千鬼講道，雖然只度化一鬼，不過千鬼同時都聽過佛理，所以千鬼之中，不少轉世為僧，甚至有學成劍術的，成為了兇惡劍僧，聯成一派，專尋吳國君臣轉世的仇，當年佛祖釋迦牟尼與吳王在時間點上接近同一時期，在僧團當中的劍俠弟子口中得知吳王濫殺傳聞之後，他就特別告誡過劍僧阿難陀與文殊師利提防惡劍僧的出現，說「未來之時有諸破戒比丘。」，破戒比丘但爲活命不爲修道，其中就包括「爲他咒彼死屍令起。」以及「遣殺怨家以自活命。」的兇僧。

佛祖又以獅子為比喻，當威嚴的獅子死去，萬物百獸都不敢食其屍體，唯獨獅子體內滋生的蛆蟲猶如毒刺，敢食獅子肉，獅子就是佛法的意思，而那些未來的惡劍僧，便是所謂師子蟲了。

其中有一個師子蟲，以前是吳國人，叫做干將，因為其妻莫邪之父歐治子亦是劍俠，所以繼承了劍術，岳婿兩人前後向闔閭共獻過飛劍三千。

那時未有傳來佛教，故飛劍不以六道為分類，但三千劍中多為現世所謂的天劍與餓鬼劍。

但闔閭不心足，想要一把殺人不變鬼，而且會令被斬之人又悔又痛的飛劍，那他就可以用來斬殺越王允常，於是便問干將求劍，干將想起歐治子講過用劍俠血練劍的見聞，當劍俠心中怨恨深切，取利器割於手心，血凝於利器上便會煉化成害人飛劍，就將煉劍方法告訴了吳王。

闔閭聽罷，暗地立即用天劍斬首其妻子莫邪，再指揮莫邪的替身鬼捧住原來的人頭等干將回家，干將發覺自己已痛失愛妻，發誓報仇，便將妻子原來屍首投入鑄劍爐火，作投爐神，引導鐵汁，鑄成利劍一把，念妻子之名，叫做莫邪，干將再用莫邪劍割於手心，用血煉成了害人劍，想用來斬殺闔閭。

闔閭與干將鬥劍於海湧山，最終用天劍將干將斬殺於一大石上，日後海湧山換名作虎丘，此大石就是那塊千人石了，而害人劍莫邪生出了鴛鴦鬼劍一把，叫做干將，同樣屬於害人劍。

兩劍外觀一致，除了劍主本人，其他人是無從辨別的，不過鑄莫邪的時候投過爐神，而爐神是不會由一生二的，所以莫邪劍可以吐火球取代刀刃，而干將劍則不能。

這類害人劍，他日冠以佛教六道之名，叫做地獄劍，因為一旦被斬，就會痛苦得如墮地獄。

後來干將劍悟道，又成為了一把品性古怪非常的阿修羅劍，此劍除了不會傷害人，還一廂情願地想填補干將莫邪無法相守到老的遺憾。

如果干將斬中一個對前世姻緣藕斷絲連的有情人，這被斬人就會分裂出一個前世化身來，化身會甘心聽任斬人劍俠指揮，直至干將斬中另一位有情人，再生出一個化身來，兩個化身拜堂終成眷熟，並雙雙得到自由身，自此像活人一樣有元神，死後還可以如常投胎。

劍俠干將死在千人石上，成為了千鬼之一，聽過生公說佛法，下個轉世就成為了師子蟲，至於這師子蟲怎麼向吳王報仇，就是下一回講到的劍俠故事了。

講典故怕大家難消化，分兩回講，唔明要講比樓豬知

心急想推

瞓前推

live 左
太好睇，幫樓主一推