[廣東話/都市懸疑/本土典故]落地開眼見劍俠 (想追故請俾負評)

552 回覆
8 Like 28 Dislike
2022-05-10 15:49:39
唔亂 係啲語氣好好笑
2022-05-10 17:54:54
收工推
2022-05-10 21:38:50
2022-05-10 23:05:41
終於有文就黎耐到唔記得追緊
2022-05-18 18:38:13

(四十五)



「我同呀媽住係飛龍灣一座__樓H室!」客人答道。

原來客人是住私人樓的,以前我由土瓜灣坐船去北角時有留意過所以一聽認得,說起上來這屋苑就建在土瓜灣煤氣鼓旁邊,話唔定他會留心以前廣東道油鼓起火伯公顯靈這麼偏的知識就是由此啟發的。

我繫好啷啷,拿出手機準備用App Call的士,就當是我為客人出錢了,唔知我鈴鈴鈴鈴咁帶住個空氣人上車會不會嚇死司機。

啊,等陣!

我突然想到一個懸而未決的恐怖問題:生人行路,死人埋牆,我一如師傅所講貼牆睇野,從來都看不出理髮店是甚麼巷仔半間舖,我理應都是死咗?

但我又可以親眼見生人,雖然今晚出入我都沒見過街上人,但師傅也沒有叫我笠膠袋,而且我又見過生前的阿慧,也沒有變返做一條唔識郁的死屍,咁我算係乜狀態?

「師傅,我始終唔知自己係生定死。」

「你問得咁跳掣嘅?你去補習揸攤嚟咩?算數啦,你去埋呢程就豬都明架啦!」師傅見我呆呆滯滯,彈一吓我腰間鐺鐺,「行啦你!」

我諗唔明我的生死狀態同頭先在清涼山補習一事有咩關係,腦仔不停轉,所以就反應遲鈍:「我⋯⋯未call的士。」

「吹脹到啤一聲啊!你唔係曉放飛劍啦咩!」師傅又拎出支霉煙仔,搭住我膊頭邊行邊推我同客人出舖頭外,他又慣例將煙仔在客人肩上抰抰,細蚊仔劍俠講過劍俠識運火,說不定是就借了客人的火,不料這次煙仔沒有點著,師傅反而笑了出來,改為在我膊頭抰煙,煙一下就著了。這時師傅對客人說道:「咦,你又真係無靜雞雞煉劍啵!」

「唔煉啦!今世講過要做好人。童女話我已經令佢失望過一次,今次最後機會啦!雖然我都唔知自己幾時令佢失望過第一次!」

「學下啲濕鳩天仙吖嘛,四圍游吓吽吓,你自己都知天大地大架啦,煉劍唔一定衰人嘅,唔同人過唔去咪得囉!」

「你講咁易咩!文殊師傅!我一煉劍,師子蟲就會開始殺人架啦!」客人的頭在膠袋裡猛擰,搖到個袋發發聲。

兩人講啲境界野,入門等級嘅我簡直聽到一頭霧水。

「唉,我唔指手劃腳啦,嗱!你咪臨門一腳!呢世人好來就要好去!」

客人細細聲覆述師傅說話,以為膠袋入面罩得住聲:「嗱!咪臨門一腳啊!要好來好去架啦!」

師傅對我點點頭,我意會是時候出發,我取出其中一把玻璃劍,心諗要帶客人找媽媽,講句講寶貝轉身。

眨眼之間,我來到了客人屋企樓下,身劍合一時也沒有聽到吳王講野,但我在劍裡看到了一雙比吳王更年代久遠空洞骷髏眼眶,眼眶裡面是靜定的黑暗,存在而不動,而將黑暗圈養住的每邊眶壁七骨卻呈現出純粹的潔白,永存而安然。

曾經有一個人,或者可能是其他有意識的存在,入定深沉之際被敵人斬頭,就算身首異處依然沒有醒來,經驗過肉身腐敗的騷動淫穢,最終靜定陳現,淨白如霜,得以身意合一,是為不死不生,其元神遊歷在外,有所執迷招引業力,投胎輪迴如同眾生,是為不生不死。

客人心急,落地就呼喚我行,我從思緒抽離,由客人指引我領路的方向。我們從地面舖邊的暗門入,客人說有直達鉝。

我對神怪體驗遲鈍兼疑惑,但也自問不是完全無腦,所謂入定深沉可以身外化身,在我聽的第一個劍俠故裡就有描述過,阿含薩入定期間飛劍在外為人剃頭,而血僧文殊更能化身入劍,元神以飛劍形相大威德明王示現。至於我所看到的骷髏眼,以及其對應的背景,又近乎可以對應我所認知的屍陀林主故事。

我現在唔知自己是生是死,說不定我的命運又與那入定骷髏有關。

這時一個生人保安哥哥擋在牆邊,雖然理所當然,但也嚇我一跳,我心虛,還在思考要用甚麼理由才能夠潛入別人屋苑。

保安哥哥對我眼笑笑,向我遞來一塊玻璃片⋯⋯那正是我飛出的兩把玻璃劍之一。

他向鉝口方向做個請動作,原來鉝門都開定了,我唔知講乜好,都唔知對方又是哪位神仙佛爺,以免得罪,柒柒下講聲唔該,對佢笑返,他仲客氣,兩隻手指在額頭一點,像在敬禮一般。

我準備㩒鉝,兩眼來回一掃想找客人住的樓層,發現唯獨呢層的數字早已著燈,似乎保安哥哥幫我㩒埋。

鉝門關上,客人就開口,自動變成百科全書:「保安叔叔係遺民嘅鬼嚟,我哋呢度一早俾遺民同鬼包圍咗啦,我無煉劍,師子蟲反而唔知我係度,無嚟阻止佢地啦,好彩果時有童女睇住我哋,宜家菩薩剃過我眉頭眼額,佢地都飛劍斬唔到我啦!真係好好笑啊!」

客人講的處境恐怖至極,我老實不明白好笑係邊:「咁你都唔煉劍保障自己嘅!點解咁傻!」

「我呢世要做好人啦!」

客人成日咁講,講得簡單,我之前也沒料到原來他做了咁大的堅持。
2022-05-18 18:40:11
進入結局篇,boss 已就位,希望大家會enjoy
2022-05-18 21:32:04
食飽推
2022-05-19 02:55:04
搖滾準備
2022-05-19 07:59:40
2022-05-19 11:09:49
今日返下晝推
2022-05-19 13:18:02
開工推
2022-05-19 18:32:17
晚飯時間推 斷食減肥,嗚呀
2022-05-19 18:37:42
收工推
2022-05-20 12:28:18
再推
2022-05-27 00:05:17
2022-06-01 21:58:09

(四十六)



鉝門打開,我與客人前後腳踏出鉝門,打個照面,一個清潔姐姐正在地面清潔血跡,我看到地面一條血路,一直伸延至右邊的走道轉角,看得B級片多,自然覺得有人在地面拖過屍。

清潔姐姐停手,向我點頭打招呼。

我聞不到血味,只聞到日常生活中令人舒壓的消毒藥水味,清潔姐姐一把地拖,在雲石地板捽啊捽,我見血沒有吸得幾多,反而越撩越大撻,我見她開始倒消毒藥水,又見到她旁邊已有幾個藥水空樽,我估她是想掩蓋氣味多於清潔。

拖地的大概是遺民,血跡我見到,客人見不到,我是吳王,客人是師子蟲干將,那麼遺民倒消毒藥水的用意,不需推理就知道是用來蒙騙客人沒有血味了。

我在清涼山補習見識過遺民師子蟲生生世世鬥劍慘烈,兩邊都不是心軟的人,報起仇上來也不講同情憐憫的,我是吳王再世,自身安危不會擔心,但我想客人好好上路,可不想他遭遇不測。

明明是呀仔見呀媽,點解偏偏要好事多磨呢?

「唔好停步啦!我哋就快到屋企啦!叔叔你幫我叫佢唔好傷心,咁我哋就完成任務㗎啦!」我成碌木咁企住,啷啷唔響唔盛,客人就心急催促。

拖地姐姐停下手腳聽我點答,我唔想亂挑人機,講到明地上有血,但又要令客人識得顧忌危險,唯有係佢耳邊咁講:「不如我地換個安全地方,我再約你媽媽出嚟見啦。」

「哎吔,咪話咗佢地飛劍斬唔到我個頭囉!」

我再細聲,決心要在客人耳邊講得具體:「咁有鬼㗎嘛!我見啲鬼,害人都唔洗用劍嘅!打開張畫紙就可以吸人入去,你都知架啦!」

「我宜家都係鬼,真係唔知邊個吸邊個!同埋你會保護我㗎嘛!我地係益友嚟!我對你好,你對我好!」

「唉!」我講唔過客人固執,唯有改變思路說服遺民與鬼不要出手,吳王轉世身份的牙力實係十足,但我虧在信心不足,不過這情況下也不能淆底,就主動對清潔姐姐講:「朋友,我唔係專登做架梁,但可唔可以唔好對𡃁仔同佢媽媽郁手。」

清潔姐姐聽完沒有出聲,低頭拎住拖把向後退開,消失於血路所指的走道轉角,十足清宮劇臣子面聖過後退下般卑微,收尾又聽到電子鎖按密碼聲音,她明顯按錯,咇咇咇咇了兩輪才有扭門柄及關門聲音,我知她慌張,吳王闔閭算是鬥劍之中遺民一派的領袖角色,而且部分遺民另外又對闔閭有種迷信崇拜,這裡的脈絡因由一時三刻都是說不清,以免故事失焦,我還是先行略過。

客人帶我去到H單位門前,行近就聽到播佛經聲,為免解開密碼入屋嚇人娘親,我禮貌先㩒門鐘,叮噹叮噹,佛經聲停止,伯母就來應門。

我聽客人講過,伯母因為醫生話生唔到小朋友,上五臺山求文殊,聽落仲以為她有翻咁上下年紀,在門外聽到佛經,我心中的預料形象就更具體了,結果原來她看起來才四十不過尾的樣子,除了黑眼圈特別嚇人,也算是保養得宜了。

「係咪文殊菩薩啊?」伯母開口,把心中準備好自我介紹稿的我問個措手不及。
2022-06-02 00:18:59
訓前想推
2022-06-02 08:35:11
返工推
2022-06-02 22:38:05
2022-06-03 04:50:22
冇乜心情 好耐冇入黎
紅日追返
2022-06-03 21:08:13
再推
2022-06-03 21:09:22
呢刻有你睇到呢度已經好開心
2022-06-03 21:09:50
歡迎你
2022-06-03 21:11:30
樓豬手速慢過烏龜,多謝你
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞