[廣東話/都市懸疑/本土典故]落地開眼見劍俠 (想追故請俾負評)

552 回覆
8 Like 28 Dislike
2022-09-28 12:43:28

(五十三)



新郎哥話童女要搵師傅麻煩,咁唔怪之得大師兄突然就帶走師妹,話唔埋返去救駕,理髮舖危險,但我點可以唔夠雷氣,客人都排先後次序,先惡母後莫邪,我同樣關心客人同師傅,但點睇都係師傅危急,正想拋劍幫拖,呢時細蚊仔劍俠就憑空出現我眼前,捉住我衫領,一手兩支韓國筷子夾實我手唔俾我把玻璃劍離手。

「善師兄?」我錯愕,佢從清涼山返去後換咗件PE衫,宜家白色T-Shirt灰藍色短褲踢人字拖,因為佢矮我太多,我望埋佢背脊,印住鬼咁大個Iron Man嘜頭,佢頭髮都係濕嘅,話唔定係清涼山其實凍親唔出聲,返去沖咗個熱水涼。

「你咪亂飛啊,Tina話見到你就解開你個黑心收返你個元神!玩大咗啦你,為咗報越王仇連道生和尚都唔放過。你唔洗咁擔心你師傅,觀音會文殊,有分寸,唔會兩敗俱傷啦!」

我本來想駁嘴我唔係有心害阿慧,佢又唔係新郎哥,憑咩加把口,但講來有咩用?

諗諗吓佢提我唔好返去理髮舖俾魚師見到,其實都算救我一命,於是冷靜返講句:「多謝你教條生路,善師兄!」

細蚊仔擰過頭,知我唔會亂拋劍,亦鬆埋一對筷子,再講:「你咪認屎認屁啊!生唔生路唔關我事,我宜家帶你去見越王同干將,佢地原諒你咪無事,我不知幾想你還返個元神比Mandy,Tina今次岌頭准我直接攞你命添!」

又聽到Mandy。

「你好掛住Mandy?」

「嗱嗱嗱!你咪刺激我啊!我著架喇!」細蚊仔拒絕唔答。「咁宜家去廣華,你準備好未?唔洗答我,未準備都出發啦!」

細蚊仔又真係無等我答佢,銀筷子一拋,我地就到咗醫院裡面某病房外面,我見走廊一地都係醫生病人護士工友,各式衣著都有。

不過全部無頭。

橫屍淌血,涓涓不壅,我早已不怕見到這些事物,觸目驚心就沒有,但動魄多少不免。見到病房外的一具病人手中正握實反光的物件,我集中凝視,反光物就一個彈起去我手心,原來是我淨返果把無尾飛劍玻璃片。

「你揸住雞劍當令箭,諗住遺民會幫你搞掂,結果就俾越王一劍清袋!又害到人啦你!唉!」

細蚊仔劍俠又係度嘴𡁻𡁻,我無心機鬥嘴,淨係知客人安危未揭曉,眼前病房關上了門,不過醫院間隔由牆到門上半部分都是透明玻璃,入面七八張床,只有一張床位拉實布簾間隔,一定有鬼。

「佢哋係咪係入面?」我指住病房門,問完諗返驚鬼,推開咪知!要僕我係飛龍灣我都早無命,真係多餘!

於是細蚊仔把哨牙嘴正打開串緊我係唔係都問,有無再雞啲,我就已經推開病房門,無理佢走入去。

「我拉唔到把劍!拉唔到把劍!」布簾後已傳來客人大喊,「我唔知咩叫金繼,亦唔識得解人啦!」

「點會唔知呢!你諗真啲!你係大惡魂造金繼嘅起源喎!星間人對金繼師仲敬重過我地師子蟲,斷頭你都可以燒泥黐返,就算唔熟解人,你咪生劏佢再做金繼!你怕佢痛啊?醫院大把麻醉藥喎!」新郎哥講。

「我唔識金繼!唔識金繼!我唔記得哂架!你講啲我無印象嘅嘢都唔會諗返起!」客人原地跳到膠地板都震。

這時新郎哥一下拉開布簾,冷眼與我打個照面,再繼續與身後的客人說話:「既然掹唔出把劍,問你個新朋友啦!佢插把劍入去架嘛!」

我望向新郎哥身後,是客人與躺在病床上呈昏睡狀態的後生女,佢就係莫邪?我十把劍都係身,又幾時插過佢一劍!
2022-09-28 14:36:30
眼瞓推
2022-10-03 13:42:17
2022-10-03 22:17:55
睇到你個回覆,我要痛定思痛
2022-10-03 23:42:19
諗多咗,唔代表咩。唔需要太理人。
2022-10-03 23:44:29
願意睇樓豬文字嘅就是兄弟
2022-10-04 11:42:25
2022-10-09 00:58:20
2022-10-16 18:17:21
2022-10-19 13:02:18
爛尾了?
2022-10-19 15:31:39

(五十四)



「喂,老友,唔好生安白造啵!我又點插個女仔一劍?」

新郎哥面無表情,把嘴唔笑唔嬲,慢道:「你果晚以為情敵Sally俾童女解咗,上去拜謝魚師,等埋你個脂粉客⋯⋯」

「死鏟!講嘢小心啲喎!」後腳跟入來的細蚊仔劍俠出聲抗議。

新郎哥暗罵姣婆,我從不認自己係Mandy,男人老狗忌咩俾人鬧姣,我倒好奇,客人作為我的鬼,不是按理會為我講嘢護航咩?上次佢文殊都敢頂⋯⋯

這時客人自己顧自己原地跳,新郎哥兜頭窒落細蚊仔:「你分清楚立場先啦,我幫緊你收Mandy最後一半元神啊!我話你哋係乜就係乜。」接著再講返佢句嘢,由頭講起,十分痴線:「你果晚以為情敵Sally俾童女解咗,上去拜謝魚師,等埋你個脂粉客,結果童女請你等住飲樽菊花露,魚師一早係六條香魚身體督出六盞菊花冧,等於六個元神,元神入酒又俾你連花飲埋,就一齊分咗你個殼嚟投胎。

你一直都細食,從來無肥過,其實係因為你肚入面跟住把飛劍,叫做魚腸!其中一個元神唔好彩分到你有劍嘅內臟嚟投胎,佢唔似得你係劍主身份,而且劍上面有Mandy執念,咁就由細食變厭食嚕!」

魚腸劍!魚腸劍!

係我前世回溯入面,和尚遍照覺醒時,就係用魚腸劍令李承慶嘅鬼絕食而死!

「咁佢哋分Mandy身體食到劖刺,又係Mandy錯?然後我又要同Mandy埋單?」

「你同我講做乜啫,同佢哋講吖嘛,廢柴。」新郎哥讓開身子。

但我見到原地跳緊嘅客人同個昏迷女仔又心軟:「我點補救件事?係咪我掹返把劍出嚟就得?」

「唔好拉把劍出嚟啦!唔好拉把劍出嚟啦!」客人大叫:「拉把劍出嚟個頭就會甩出嚟吊住條腸!我點補救件事?補救唔到!補救唔到架!」

客人的大反應聽到我精神緊張,劍俠的風浪我實在未見過亦經不住,客人的心事一件比一件棘手,剃度伯母也是靠不知從哪裡大駕光臨的神佛上身才搞得掂,現今說客人女朋友肚入面有把唔掹得嘅劍,唔掹就會成世厭食症,如果好似李承慶嘅鬼咁,可能都唔會長命,但掹咗劍又會甩個頭出嚟,咁我可以點?

新郎哥一手臂用力搭住客人膊頭,將客人的身體夾硬㩒實在地面:「係囉,補救唔到,咪報仇囉!」

「我地係益友嚟!我對你好,你對我好!」客人垂頭喪氣。

「咩益友唔益友!你已經唔係佢隻鬼啦!你唔記得嗱?」新郎哥向擱在客人肩膀上的手心吹口氣,突然手中就握住一把白膠柄圓頭牛油刀,刀身燒紅冒住熱氣,這還未算重點,他的手指隙間竟纏住客人的頭髮,懸吊住客人的頭!

我臉上發涼,不知自己看起來是否面青青,新郎哥望住我良久,才緩緩說:「我走斬你隻鬼,好出奇?」

看來他已斬了客人的頭,將他搶了做自己的鬼,就如客人借劍斬伯母鬼,令伯母鬼受他指揮一樣。鬥劍搶鬼,對見過自己前世的我不覺出奇,我是心驚著緊於客人的元神,大概就在斷頭裡邊吧?

客人眼尾望望牛油刀,說道:「無嚕!斬裂劍又出鞘,頭先斬我,今次斬邊個?唔見血唔收手啦!」

「係咁㗎!捉住先!」新郎哥用另一隻手扶住客人的手,指引他捉住牛油刀膠柄,再用哄小朋友的語氣說:「俾你殺吳王㗎!我唔指揮你,想放劍就放啦!」

「我地係益友嚟!」客人搖頭,又用吐氣聲音重覆了這句:「我地係益友嚟!」

客人身體已唔係我隻鬼,卻依然認我係益友,我又對佢做過咩有益嘅事?

「其實辦法都唔係無嘅。」這時細蚊仔劍俠陰聲插口,見佢撓手又側身,想講又唔想講咁。

「嘿!」新郎哥冷笑:「你幫邊邊?插手解圍,唔想見返Mandy啦?」

「你理得我咁多!」細蚊仔駁句嘴,不知是否被新郎哥刺激一下,終於開始講佢的辦法:「你地唐人咪有分六道劍!幫把地獄劍悟道,煉成阿修羅劍咪可以將佢唔傷害人咁拎返出嚟!」

幫劍悟道?點幫?
2022-10-19 15:33:11
絕不爛尾 濕鳩樓豬爆濕疹 食敏感藥好眼瞓
2022-10-25 23:49:07
2022-10-26 21:10:07
2022-10-31 12:45:59

(五十五)



「Raydon講過,心師煉劍,相輔相成,導人度劍,道劍渡人!」細蚊仔食字,導度道渡,我倒是聽不出所以來,這時他捉住我手,念了一句半詩:「身無綵鳳雙飛翼,心有靈犀!」

諗埋半句,我本能伸出手指一根,這時那位莫邪轉世的昏睡女孩一個開眼,望住我,也坐起身伸出她自己的一根手指點在我指尖。

突然一陣暈眩襲來,好似有千萬條絲線在我的頭顱骨裡纏動,我視覺開始喪失,而耳邊就聽到細蚊仔講:「嗱,你兩件契弟咪郁手啊!總之我借你女朋友腸入面把劍嘅執念嚟織Mandy元神,唔會損傷佢,亦無勞煩到你老婆果份元神!我理得你哋邊個擸劍借刀,我閘住反彈無回頭,信唔信我一個隨緣缽送你入中子星睇激光show!」

痴線,咪以為佢記得前世今生就係有個大人靈魂係身體入面,唔止外表細蚊仔,心智都真係成個細蚊仔咁。

喪失視覺後,我漸漸又喪失了聽覺,在一片黑暗中我再失去了外在觸感、冷暖、平衡,然後連頭骨中絲線翻滾的感知也沒有了。

我意識清醒,但不知自己在絕對的黑暗與寧靜中存在了多久,這時一把女人聲開口問。

「細蚊仔!你記唔記得你琴晚講過咩嘢?」

因為看不見,我也不知自己身處於甚麼時空。

「吓?我淨係知自己飲到劏,我仲講過咩嘢?」一把男人聲答。

「細蚊仔又學人飲!咁你下次唔好扮大人啦!哎!」女人句尾失望輕嘆。

真是莫名其妙。

這是我有意識的最後一個念頭,不知不覺我已墮入了重重泡影短夢的連鎖中,一夢醒來接連一夢,直到魚腸劍悟道,才算是真正醒來,事後回想思索,今夜恩怨奇情竟能有個了斷,實在不易,自覺僥倖不已。

我減走細節,算是理順了一個方便各位看倌理解的夢境時序。

墓主入魔、虎丘堆屍、越王失魚、和尚落水、盲母拜佛、直至痴偶求魚師、六魚食Mandy、然後一場車禍,六死一傷,全都扣在個「執」字上面,人人不得超脫。

佛若夢裡拈花,醒轉一盞不念,只可惜你我都不是佛,至於凡夫俗子,對花念念不忘也是常事,至於花在夢裡怎樣鮮艷滴血,現在我朵朵講過你知,等你聽完答我「身無綵鳳雙飛翼,心有靈犀」下半句是甚麼!

在某刻,也在星間的某處,有對已結伴學佛無量劫的劍俠雙修,因為入定至深,夜遭賊人闖門洗劫,並割下了頭顱,棄之田野,直到無人打理的谷桿從頭骨孔竅長出,並穀籽纍纍的時候,兩位劍俠才因為回神過來而處於生死不分之間。

在逆觀因緣流轉後,竟發現在無量劫以前,兩人原為皈依錠光佛門下的一對比丘尼姊妹,因為上課時幼稚嬉鬧,打翻了燈油一滴,將檯面上肉眼看不出的一隻聽經木蟲給淹熟了,木蟲痛失學佛機緣,懷恨了無量劫,今世轉生為賊,便割下了雙修的頭。

佛常言因果道理,如今好人一對屍骨寒,竟因為億世以前殺一蟲!有種不解的固執恨意,從木蟲的殺行傳承而來,並灌注了兩僧尼的心靈,下世若與木蟲相見,定必相殺填憤吧!

兩僧尼恆古以來就是佛弟子,在最初時修習劍術,也是為了留點執著,好讓自己投胎過後仍保住前世記憶,不用在求學方面走回頭,佛學說之中的十二因緣法,自然早已融會貫通。

佛在解說世間因緣法時,曾教過順逆兩種觀察方法,在逆觀的修行中,修行者由果到因,了解到人生苦難的因果連綿無始,至於順觀修行,可不是單純把逆觀相反過來,去幻想因果循環在虛妄的未來永無止境,佛家積極順觀因緣,叫做「還滅解脫」,修行者專注思考如何從當下就了斷苦的因,繼而破除未來一切苦果,一點也不離地。

於是兩人的骷髏就跳起了斷滅之舞,其一幻化成魔,在星間生生世世,無論有心無心,最終都會追害木蟲,而仇恨有一往一返的特性,木蟲對魔也懷恨在心,所以有時是木蟲殺魔,有時是魔殺木蟲,如此又互相報了千世萬代的仇,期間魔與木蟲身邊的人物難免又被波及牽連,於是也加入了恩怨殺戳之中,過了沒幾世的爭鬥,兩方都形成了一股勢力。

注意一下時序的話,這時星間裡的地球還未開始有人存在呢!所以一來地上未有所謂吳國,二來虎丘未有道生點頑石,所以兩派各自在星間名號繁多,卻未有遺民與獅子蟲的稱呼。

遺民在星間的宗教或門派名有如天晶魔道、睚眥劍宗、琉璃十國、寒林弟子、講到世俗化的,各類產業體系亦已深植星間各處,有時某某貿易星鏈、稀缺元素礦業、星艦或星間炮產業,歸根究底之後,很多時都會追索到這個劍俠集團的某人物上。

而獅子蟲一派,除了報仇時候會以各種方式滲透文明世界,其餘時候都會選擇在遠離星間文明體系的星域中以蟲的形體封閉發展,所以他們在星間的稱號以神秘色彩的惡名居多,如蛀星芽蟲、空洞蟻巢、蠕蟲艦隊等等。

此時天馬行空,又講到了星間上面去,僅是為了日後在其他故事中講到我在星間經歷時鋪定條好路,為保故事氣氛,現在仍要著墨古色古香,下回就講虎丘堆屍和越王失魚,其實就是早前或多或少提過的千人石典故與巨闕劍從越王脫手一去無蹤的事件,但事關雙修骷髏跳起了「還滅解脫」的觀照之舞,一為魔一為佛,而在佛舞中幻化的現實版本,卻是故事主角放下執念得以了斷煩惱的可能世界,Mandy的怨寄宿在魚腸劍之中,但魚腸劍最終也在這連鎖的佛夢之中成功悟道。

懸疑故事竟先揭曉結果?那是因為懸在情節,身無綵鳳雙飛翼,心有靈犀⋯⋯且看幾回以後分解!
2022-10-31 13:36:13
人生經歷緊巨變,但堅持絕不棄坑
2022-10-31 22:45:49
2022-11-01 07:38:19
早餐好飽推
2022-11-01 12:11:42
中午唔食飯推
2022-11-01 18:51:02
2022-11-07 12:51:25
2022-11-12 17:41:09
心急即刻推
2022-11-12 18:42:03
坐車搵野食推
2022-11-12 18:44:02
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞