[廣東話/都市懸疑/本土典故]落地開眼見劍俠 （想追故請俾負評）

收工推

收工推

Ching都呢個鐘數收工

7點
不過啱先先有得唞

忙碌一天坐得低都十點幾，辛苦晒
平時夠唔夠瞓

個人攰 多數12點瞓
反而比以前做廢青瞓多咗
係私人時間真係變0

同感！攰住醒，攰住瞓，啲時間無哂啦

講起
早兩日由頭睇返個故
啲對話真係有啲上世紀做大劇feel

你又咁遲收工 仲有時間寫故

嘻嘻，配搭返講典故嘅氣氛
好多謝你賞面願意重睇一次添，你地真係好重要架，見到自己唔洗單機，會有好多動力

宜家新工唔洗OT，已經好感恩

推

再推

推

幫推

收工推

推 返完夜返早

推

推

（五十）

客人能夠一手把飛劍拍回我手，我讚嘆但也不意外，干將劍術高明，師子蟲知遺民都知，我都知吳王劍術亦是數一數二，但自己又不覺繼承過甚麼吳王真傳，故飛劍會被客人降住也就正常不過了。

既然伯母是鬼，而且講嘢唔好聽，咁此地都不值久留，我收返起玻璃劍，同客人立即動身，這時關上的木門傳來解鎖密碼聲音，門外人解鎖好似一時㩒錯，咇了兩轉才成功解鎖。

我們剛好來到門前，門就自己打開了，我以為門後面又有另一位遺民想幫我投胎，咪話我生人唔生膽，腳仔都有少少震，點知門打盡時後面乜人都無。

客人可能感覺到我拉住佢的手一陣僵硬，又安慰我：「唔洗驚啦，佢係斬你果個女人變成嘅鬼啦！天使叔叔幫Nefesh斬人，變出嚟嘅鬼就係Ruach，佢哋存在係另一個維度入面，唔容易見到啦！佢聽天使叔叔指示幫我手，遺民性情陰毒，雖然唔算我嘅鬼，一定會出蠱惑，但有我睇住唔洗驚架啦！」

客人又講起天使與魔鬼，維度都講埋，客人用嚟斬人嘅方法其實叫做秘教劍術，猶太秘教嘅飛劍觀念，我亦係以後先了解更多，不過如果我樣樣都話以後再講，都唔知以後即係幾時，簡單講，由人用飛劍斬出的鬼就叫做Nefesh，Nefesh用唔到劍術，但可以做祈禱舉動感召天使借劍，斬出來的鬼便是Ruach，Ruach力量大過Nefesh，亦會聽從天使指示守護住Nefesh。

客人話唔洗驚透明鬼，我萬個放心，呢時伯母鬼對住空氣不斷點頭，應該是在和透明鬼說話，然後突然就打開本來關上的主人房門，焚香氣味撲鼻，我多事留步，只見房裡有張雙人床，床邊發水窗台上面還有一個矮佛壇櫃在中央，我有心八卦，那就行近去房門外探頭。

佛壇上左右各供奉住一尊白瓷菩薩像，右邊是頭頂現佛的觀世音菩薩，左邊是頂戴寶瓶的大勢至菩薩，兩尊菩薩中間前方有個半截涼茶鋁罐香爐，上面插住三支香，左邊兩支香未燒幾多，右邊一支已燒到一半，我知道燒香燒成點係民間習俗有一番解讀，但我唔識睇也唔知真唔真，床邊點香，伯母睇嚟都唔驚火燭。

而在佛壇後面的玻璃窗上，伯母用黏貼膠鈎掛上一幅阿彌陀佛畫像，佛像左右邊都打直用藍筆寫了字，字跡醜怪，右邊是「南無阿彌陀佛」，左邊是「光明遍照十方」，我估是伯母將筆印在玻璃窗上手震震咁寫的。

這時伯母鬼回頭望住我講：「菩薩，請你送佛啦。」

伯母鬼神神化化，唔知透明鬼同佢講過咩，我又唔知咩叫送佛，唔知客人會唔會主動解釋，點知佢真係開口：「叔叔你去收咗窗台捲阿彌陀佛啦！遺民斬咗我媽媽，天使叔叔幫我斬遺民，咁遺民嘅鬼就可以控制我媽媽嘅鬼啦！天使叔叔一定係有野想幫先間接提示你接佛。」

我聞言點頭行動，保持禮貌，還是除鞋跪床來到窗台佛壇前，我伸手取佛畫，捲在臂腰之間，左邊窗口吹來一陣涼風，只見我面前三支香的最左一支在流通空氣中加快燃燒，直至與最右那支香齊頭剩半才開始減慢燃燒速度。

「催命轉成大天真，南無阿彌陀佛！」伯母鬼唔知講咩，我收畫落床，係佢身邊走過，只見她雙手捧住一部黑色佛經機，也跟在我後面。

我都唔知拎住幅佛畫有咩用，亦唔知伯母鬼拎住佛經機有咩用，客人口中嘅天使叔叔究竟係點，話時話，我係清涼山斬過自己，無理解錯自己都係自己隻鬼，我祈禱係咪都可以同uncle Angel傾計？

我邊諗邊行，一二三，計埋透明鬼，四隻鬼就走出𨋢口大堂，再跟住一地血路黎到另一邊的單位。

我同客人唔知密碼，透明鬼幫手又開始㩒密碼，呢次透明鬼無㩒錯，只㩒了一轉密碼就開到門。

「哈！真係傻人發現案啊！」在透明鬼順手開門的一剎，客人失驚無神咁講。

到門口打開，入目的室內景象竟是一地白鹽與無頭鹽人，驟眼數數，至少都有七八個人變成鹽柱！

客人再笑道：「哈！㩒錯密碼就係叫遺民唔好出手啦！㩒啱密碼就係放劍殺人啦！明明將暗號倒轉先方便！白痴人成日做白痴行為！⋯⋯不過無用啦，我叫天使叔叔將呢個屋苑嘅遺民全部殺哂啦！全部殺哂架啦！」

嘩！鬥劍鬥到要互相捉路暗算，真係鬆懈一下都會死！我無報名搶住做吳王轉世架，不如遺民師子蟲兩邊打交都唔好預我，我企埋一邊跟師傅學吓剪頭髮啦！

推寫寫刪刪，都用了好多天

酒樓食飯推
事頭婆屋企人講家庭是非，樓豬完全不在狀態

推

訓醒推

返工推