《住Hall嘅瘋狂故事》

等你

會等你的

呢件喺我同Renee拍緊拖嘅時候發生嘅事，一件令男班長改變嘅事。

某一個晚上，男班長一臉頹喪咁坐喺我間房同陳浩然訴苦。

Year one嘅男班長對服務他人有條癮，所以無幾耐之前就參加咗hall莊嘅試莊活動。試莊活動由現莊同一班freshmen一齊搞活動，從而睇下自己適唔適合上莊。搞過秋季旅行（去海灘BBQ）。呢個係一個比較簡單嘅活動，試莊成員只要準備啲玩樂嘅物資、遊戲同埋食物就可以。

搞活動嘅時候男班長都好滿意，問題係出之活動之後。

一板一眼嘅男班長有樣嘢好睇唔過眼，佢發現現莊會做啲明顯違反會章嘅事。

活動之後會舉行檢討會議同埋由試莊成員撰寫工作報告同財政報告。

「支出方面，如果有嘢唔見咗收據嘅話就寫入應急資金或者其他開支到，再由我哋自己寫啲手寫單出嚟就可以。」會議上，現莊嘅財務秘書指導試莊成員寫財政報告。

「吾反對。先唔不談自己開手寫單嘅道德問題，會章列明唔不接受手寫單為支出之收據，怎能明顯地違章？」身為新人嘅男班長喺現莊前提出質疑，氣氛立馬變得緊張。

Hall莊入面有明顯嘅上下位關係，上莊會食住下莊，即使已經落咗莊，上莊對下莊嘅一舉一動都有好多程度嘅話語權。呢樣又關乎到hall莊嘅結構，hall莊有兩個部分做組成，一個就係搞活動嘅幹事會，另一個就係監察hall莊嘅監察委員會。監察委員會每個月都會舉行一次或多次例會去就hall莊過去一個月嘅表工作提出諮詢。每一個宿生都可以參加監察委員會嘅會議，但會去嘅基本上就只有上過hall莊嘅老鬼。雖然叫做諮詢，但實際上就係老鬼怒屌現莊嘅處刑場。即使現莊做得再好，老鬼都會以「唔可以畀現莊自負」為理由屌到佢哋無地自容。質疑上莊只會令自己畀人針對，為求自保，所有新人都會盡量唔好得罪上莊或者現莊。另外，監察委員會可以否決hall莊嘅每月財政報告，從而令現莊拎唔返錢。Hall莊每次搞活動都要先由莊員畀私己錢，喺監察委員會通過財政報告後先可以收返條數。所以，如果現莊唔乖乖地坐係哋畀人屌，佢哋畀出去嘅錢就好大機會拎唔返，因為老鬼一定會出盡力否決現莊嘅財政報告。

上下莊關係如此惡劣，更何況係未上莊嘅準下莊呢。所以無人會去得罪老鬼。

但係總有例外。

試莊成員流到一臉冷汗，心諗男班長搞乜撚，畀今鋪畀佢累撚死。財務秘書都就邊點頭邊發出「嗯」、「原來係咁」嘅自言自語。

「唔到你反對。呢個係現實嘅做法，唔咁做嘅話你哋就要自己畀錢出嚟，用私己錢上莊㗎啦。」聲線雖然溫柔，卻有不容質疑嘅壓迫感，咪咪眼嘅財務秘書答。

「現實唔一定會跟從會章，如果每一樣嘢都跟足會章，我哋嘅工作效率就會好低。無呢一點彈性嘅話，我哋就好多嘢都做唔成。」現莊主席道。

「會章就係法律，不跟從則有違程序公義，會章則會形同虛設。」男班長試圖反駁。

男班長環顧四周，每個同佢對上眼嘅試莊成員都用眼神叫佢收聲，唔好再惹麻煩。

「無嘢嘅！監委會唔會理㗎，用手寫單已經喺約定俗成嘅事，所以無問題！Safe！」內務副主席幫手打圓場，解決現場嘅緊張。

「係囉，唔好再講呢樣啦！」

「Move on啦！」

「會章係做重要，但做人都要有彈性㗎嘛！」

試莊成員七嘴八舌咁講。

雖然心有不忿，但試莊成員嘅態度、佢哋唔重視章則嘅態度令男班長有心死。呢班可能喺將來成為同伴嘅人原來都唔識尊重章則，hall嘅法律。

「嗯。」知道自己無同伴嘅男班長只能默默忍受。

之後男班長又繼續試莊，喺萬聖節搞過鬼屋，但係男班長遇到嘅只有更多嘅違章行為。

例如book房明明寫咗要係一個星期前做，但係現莊透過關係喺三日前先book、會章寫明活動要畀所有宿生參加，但係現莊睇唔順眼嘅freshmen要玩鬼屋嘅話就要畀錢，或者直接被禁止進入。

男班長無法忍落去，於是佢又喺另一個檢討會指出問題所在。

「咁又點？」現莊主席決斷而兇惡地道。

「此舉對會章、會員及宿生並不尊重。」男班長並無退縮，直白地講出自己嘅諗法。

「如果你唔同意嘅話可以離開。」現莊主席直接使出大絕。

「即使我離去，問題依舊存在。」

「喺我哋眼中，你上莊先係問題所在。」

氣氛再度跌入冰點。

「男班長，你跟我出嚟講兩句好冇？」比較友善嘅內務副主席道。

二人出到會議室外，內務副主席關好門就道：「不如你都係放棄上莊，呢到唔適合你。」

「為何？只因我循規蹈矩、尊重規則？」男班長嘅話語上套住道德價值，本應令人難以反駁。

「係。我哋上莊要有好多彈性，有時即使唔啱規距，大家都會隻眼開隻眼閉，因為我哋係用自己嘅時間為呢個hall付出。」內務副主席坦白出現實。

男班長一面混亂，唔能夠接受內務副主席嘅話。

內務副主席見狀就拍拍男班長膊頭，再道：「沒錯，我哋應該要跟會章工作，但係咁樣只會綁手綁腳，拉低我哋效率。所以你講嘅都係正確，但係⋯⋯」

內務副主席未講完就就畀男班長打斷：「明知錯誤，為何仍要堅持？」

「現實就係咁。對自己有利嘅時候我哋先會講章則。對於接受唔到呢個現實嘅你，我再次請你離開。」內務副主席伸出手指向𨋢口，示意要男班長離開。

「錯的非我。」

「你沒錯，只係世界唔係咁運作。不過就算你唔係執著會章嘅人，我哋都打算會係in-con趕走你。有冇人同佢講過，你懶喺文雅咁樣講嘢好做作，同人好有距離感，又或者直接啲講，唔似一個正常人，係一個想令人避之則吉嘅cam友。無人會想咁嘅人成宿生代表。」

畀人講到出口叫佢走，連自己嘅個性都畀人批評埋，男班長都無謂拗爛塊臉死撐留係試莊活動，死死地氣咁返房。

男班長以前盡量用文言嘅語句同人溝通，係因為佢覺得咁樣講嘢比較靚，同埋更有文字嘅美感。但係世界就係接受唔到異類。

男班長曾經相信，規矩設落嚟就係畀人去遵守，而每個人都遵守章則嘅情況下社會先有信任。

不過，現實唔係咁。

大部分嘅人都唔太理會章則、唔信奉程序公義，對於住hall只係玩樂嘅大學生嚟講，公唔公義、合唔合章係比唔上佢哋係活動到玩得開唔開心重要。

約定俗成比起白紙黑字嘅章則重要。

原來世界不似我預期。

原來世畀唔係咁正義。

咁我到底應該點做？

陳浩然打斷男班長嘅回憶。

「咁你咪去參選，去撼佢老母莊。」陳浩然理所當然地道，反之男班長即一臉驚訝。

「怎能⋯⋯」

「怎你老母。我想講好耐㗎啦，你望住我！」陳浩然雙手捉緊男班長膊頭，再講：「真心為你好嘅，唔好再用文言文溝通。個內務副主席講得啱，你咁講嘢其他人就只會當你係白卡佬。」

「嗯⋯⋯」男班長猶豫。

「無乜好諗啦。我認真嘅，下一秒開始就改口。你做到嘅，DSE說話卷你都過講白話㗎啦。嚟，試。」

「說⋯⋯講咩好？」男班長問。

「得啦屌！就係咁。Keep住！」

「哦。咁講返正題，怎⋯⋯唔係，點樣去選？只憑我一個。」原來男班長講到白話，我有啲感動同驚訝。

「屌你老母閪啦。佢哋擺撚明恰鳩你，踩到上心口都唔反擊你傻撚咗咩？我陪你，兄弟有事，我一定會幫！」陳浩然拍晒心口咁講。

「你冷靜啲先。」我插嘴阻止陳浩然怒屌陳浩然，再講：「首先，男班長唔繼續試莊仲可以上莊咩？第二，無試過莊嘅陳浩然又可以選咩？」

「根據會章，試莊唔係上莊嘅必要條件。只係約定俗成下唔會畀無試莊嘅人上莊。」男班長道。

「雖然我係第一年住hall，但係我上年已經聽過唔少關於hall嘅嘢。現莊唔會畀無試莊、或者試莊期間離開嘅人參選。」我將我year one聽過嘅嘢講出嚟。

「但係理論上係可以，唔一定要試莊，每個宿生都有資格參選。」

「你要知道，世界好多嘢都係約定俗成，不成文嘅約束。現莊可以喺諮詢大會到屌到你哋無地自容、杯葛或者其他手法去逼你退選。你唔會夠佢哋鬥。hall莊喺hall好大勢力，佢現莊同上莊都可以揀咩人可以下年return返嚟再住，無人會為咗『正義』而同hall莊作對，每個人都想喺hall玩多一年。幫咗hall莊就可以更大機會return，有呢個想法嘅人唔會係少數，你真係要格硬對抗嘅話，你哋好大可能會畀人欺凌。」我理性分析。

就等我簡單講下我對上莊嘅見解。

大學每支莊上莊之前都有一個試莊活動，畀人感受下莊務。而現莊就會係試莊成員入面挑選啲佢哋覺得適合嘅人去選下莊，唔啱嘅人就屌走佢哋。現莊砌好咗準下莊之後就會推佢哋出去選，畀會員投信任票。正常嚟講，永遠都只會得一支莊去選，唔想人搞活動畀自己玩嘅大學港豬會員八成都會投信任票，然後下莊就會選利當選。

不過有一個問題，好明顯嘅問題係到。

下莊其實係由現莊篩選過。

每個學會嘅會章都講明，莊員嘅產生係要經由投票產生。同時，任何會員搵到最低組莊人數都可以參選。但係，大部分時間都唔會有人撼莊，通常都只係得一支莊。因為現莊往往都想搵啲會聽驚自己、會聽自己話嘅人做下莊，咁樣嘅話就算佢哋落咗莊都可以影響到下莊嘅決定。最少可以係ocamp揀自己同鐘意嘅異性part組。同埋現莊話某一支莊唔得嘅話，個soc嘅會員都好大機會唔會投畀佢哋，所以其實現莊係有絕對嘅能力掌握選舉結果。

同埋，一般嘅會員對現莊會篩選準下莊呢件事當咗係理所當然，因為年年都係咁做、因為支支莊都咁做，所以無問題。就算有篩選，會員都可以投不信任票，所以個選舉係好公平。

唔止hall莊，支支莊都咁做，所以我一直唔明大學啲莊選嚟做乜，直接點名揀人做咪得，洗乜做場大龍鳳出嚟？

我聽過嘅一個答案係因為好好醜醜都要做個樣，畀外人睇到大學學生會係有民主，所有莊都係由民選產生，因此呢啲莊係有民意授權，對外講嘢嘅時候會大聲啲。

當然，就算你唔係被欽點嘅人，你都可以自己組莊去同被選中嘅下莊鬥過，但係又有幾多人選到？搞大選嘅係現莊，要留難你嘅手段可以話係大把，單係行政手段，瘋狂話你啲文件出錯已經可以搞到你選唔到。又或者最簡單話收唔到你嘅參選表格，咁樣已經可以迫走你。再唔係嘅就係諮詢大會針對你嚟狂屌，好似城大咁反檯，或連續諮詢你48個鐘，涼都唔畀你沖，等你自動棄權。所以無人會咁蠢唔去做正宗嘅傳人而走出去另起爐灶。

今日就有一班on9仔想另起爐灶。

呢d黑暗野係咪樓主親身經歷冇上過莊覺得成個上莊制度都係on9

想知豬主係咪住過藍色hall

On9樓主以偏概全
我以前上hall莊嗰陣都唔係咁
邊有咁撚黑暗

可能間間U唔同呢

我都90%肯定hall莊、系莊、soc莊都係咁玩
可能唔同u

其實多少都有既 都係睇下好唔好彩 遇到d咩既人

我會話我當年上下莊種關係都係類似
但係未至於咁撚惡
同埋我間U hall莊無咁大權利lol

識有啲莊都好和平 唔係特別harsh 有啲仲會ocamp返黎幫手 幾屆都keep到fd
利申老鬼 當年比人屌到仆街

你現在聚腳於講故台

Same case
過mock camp嗰陣係比人屌到仆街
但係之後都變番正正常常會幫下你

Kongu仔

但老老豆豆，跟男班長嗰種做事方式真係死得人多
唔想俾佢上莊都正路
不過當然尊重民主精神都重要

我嗰間係唔會有兩支莊出現嘅 只有信任同不信任票

男班長呢d典型kam友格 去到邊都死啦

講真個內務副會長都算好言相勸啦，俾男班長上咗莊都真係死得人多
反而陳浩然咁樣就真係推朋友落火坑

「屌，驚閪。手足有事都唔幫手嘅話仲算咩手足？」陳浩然理直氣壯地講。

要講嘅我都講晒，佢都要自殺嘅我都無謂阻止。佢哋正面對抗現莊嘅話，即係同成個hall作對，因為我知道大部分嘅宿生都會揀企係現莊嗰邊。

想為大義、正確而犧牲自己嘅就只係少數。

「咁你哋加油。」我講。

我唔想奶屎上身，所以我講明唔會參選同埋唔會幫佢哋，因為我下年都仲想住hall。但係我都決定借間房畀佢哋做競選辦。佢哋唔係被欽點嘅下莊，唔可以用莊房做準備，所以要用我間房。不過我唔係無償幫佢哋，佢哋應承咗我，我要用房嘅時候就一定要畀我，所以我可以隨時同Renee做愛。

如同我之前講嘅一樣，我一直都冇幫到佢哋，我亦都唔知道佢哋準備成點。

「師兄，你室友呢排友乜呀？」某日喺樂富食完晚飯，行緊返hall嘅時候太陽問。

「佢撼莊呀嘛，我知咁樣唔啱㗎，但係我無幫手㗎，我無落水㗎，我好尊重hall嘅傳統㗎。」我馬上自保。

「屌你個仆街仔，洗唔洗咁快割蓆自保呀？」太陽拍一拍我後尾枕。

「大佬，你hall tutor嚟，我唔講清楚呢壇嘢唔關我事嘅話，難保你會屌鳩我。hall入面唔跟潛規則好大鑊㗎嘛。」

「你有呢個concern到合理嘅，原諒你啦。」太陽撘實膊頭講。

「多謝晒喎。咁你想問咩呀？」搞清楚加知道唔會有事嘅我問。

「想知佢近排點姐，我好耐無見到佢。擔心佢太chur姐。」

「無嘢嘅，見到佢仲生存緊。」

「咁就好啦。我今晚煮啲宵夜畀佢，你幫手拎畀佢啦。」

「你唔自己拎？」我問。

「點講都好，我係hall tutor，直接出手嘅話多多少少都會影響到個局勢，所以我唔可以直接出手。同埋，畀人睇到，我喺hall嘅地位會有啲尷尬。」太陽帶點無奈地講。

hall tutor同hall莊一樣可以揀人下年返嚟return，所以都係有勢力人士。太陽明明有影響力，但係因為怕影響到選舉所以佢避免出手。

「明啦，我嚟啦。」

「咁麻煩晒啦。」

「小事。」

「仲有，麻煩你幫手睇住佢哋啦。」

「點解要睇住？」

「你應該留意到，我哋成層已經無人同陳浩然玩，連傾計都無。佢每次喺層group講嘢都會dead air，層tee又特登唔訂佢嗰件。我明呢啲事係好仆街，但係hall莊嘅勢力太大，老鬼、returning同埋新人都唔會得罪佢哋。所以明顯地企喺hall莊對立面嘅陳浩然畀人無視、冷對待都係無可厚非。」太陽嘆氣。

唔係直接嘅欺凌，而係冷暴力。

全hall嘅人當佢唔存在。

陳浩然明明都係鐘意hall嘅人，佢都好鐘意玩hall，但係如今已經再無呢個機會。

選贏選輸都好，佢唔會再有男班長同莊員之外嘅朋友。

啲人直接打鳩佢都還好，最少佢仲可以反擊。

但係佢嘅敵人係氣氛，對陳浩然佢哋避之則吉嘅氣氛，掂唔到而都打唔到。

陳浩然為咗朋友而受苦，失去自己想要嘅嘢，都唔知話唔話佢蠢好。

當晚，我就做咗酒樓樓面，遞咗個印撈畀陳浩然同佢打下氣。

推推

Lm

「好撚大鑊呀你知唔知？」陳浩然邊食邊講。

「你唔講我點知。」

「男班長同條女大吵呀。條女唔想佢選，同埋唔鐘意男班長講嘢唔再咁文雅。但係男班長堅持要選，兩個搞到分手邊緣。」陳浩然指手畫腳。

「老老豆豆，選又未切選到，咁樣無咗條女，值唔值呀？」

「我撚知咩。但係無論如何，佢係我兄弟，我點都支持佢。」

「好gay喎。」

「收皮啦！我哋由中學識到依家，男班長第一次咁有決心要改變，我一定會幫佢。」陳浩然講。

第二日係星期日，佢哋晨早就一班人上咗嚟，除咗本身莊員外，男班長同陳浩然嘅中學同學都上咗嚟，其中一個女仔design好叻，仲開咗間晝室。個女仔同另一個中同係情侶。

「倩兒，麻煩晒你呀。」男班長合十雙手向佢中同道謝。

「唔洗客氣，我哋朋友嚟㗎嘛。」名為倩兒嘅女仔講。

「咁我有咩搞呀？」倩兒男朋友諾衡問道。

「你幫手摺leaflet，之後我哋要再用紙皮整啲宣傳品。」陳浩然道。

「我唔阻你哋啦。」覺得格格不入嘅自己就入廁所換衫再去Renee間房扑個嘢再出街。

再講多次，我唔會踏入呢盤污水。

我同Renee扑完嘢，行完街再食埋飯返到房嘅時候佢哋都未搞完。

但係出奇地，男班長唔係到。

「男班長呢？」我問。

「佢去咗幫我哋落九龍城買飯呀。」陳浩然答。

「哦哦。」我拎件衫去廁所換好後再返電腦檯到打下fifa，然後我又變咗偷聽狂。

「男班長真係變晒。以前嘅佢一定唔會改變自己去遷就呢個世界，依家佢為咗參與唔再扮古人。」諾衡道。

「但係我覺得佢無變喎。佢參選都係為咗對抗唔公義嘅事，佢都係覺得選莊有screening好唔合理姐。」倩兒講。

「都啱嘅，女朋友你真係叻呀！」諾衡講完就輕輕撫摸倩兒頭頂。

「喂，當我哋無到呀？」陳浩然打斷佢哋打情罵俏。

「得啦。咁你又會同佢一齊選？我以為你唔會拿屎上身。」諾衡問道。

「係囉，我以為你好鐘意住hall生活，但係你咁樣搞一搞就做咗hall嘅反派囉喎。好難生活落去㗎啦。」倩兒講。

「我係好鐘意hall，但係兄弟有難，無理由唔出手。忠義嚟。就算係反派，我都榮幸有男班長一齊行。」陳浩然邊摺紙邊講。

「有赤子之心呀。」倩兒講。

「呢個病態滿滿嘅世界你哋只係入咗嚟一年都唔夠就想玩轉佢，都幾大諗頭。」諾衡道。

「只不過係我哋仲小朋友姐。天真到以為改變到。老實講我知道輸硬，但係我唔可以睇住男班長自己送死。我同佢都只係空有理想嘅小朋友，赤裸裸咁對抗世界，明知會徒勞無功都要以雞蛋撞牆。不過，我唔似男班長，乜嘢係忠乜嘢係奸，對我嚟講唔重要。我淨係想佢累同痛苦嘅時候回眸，會有人喺自己身邊。」陳浩然鮮有地語重深長地講。

「明嘅。」諾衡拍拍陳浩然膊頭再講：「下個月嚟幫你執嘢走啦。」

「唉，係嘅，選完就要走㗎啦，留唔到喺呢個地方㗎啦。」陳浩然嘆息。

「講咩呀你哋，輸硬㗎咩？」倩兒笑道。

「唔洗氹我啦。我哋無可能贏㗎啦。」陳浩然嘆口氣再道：「或者我只係因為羨慕男班長可以用咁率真嘅眼神睇呢個世界我先想陪佢走。」

聽到呢到我就戴起耳機，播出周國賢嘅Children Song。

佢哋一大班中同就繼續邊做嘢邊等男班長返嚟。