《住Hall嘅瘋狂故事》

真係bu hall

樓上我屌你老母

quote文狗死全家
又block多隻quote文狗

樓主加油

「讓你。」木哥將個波踢出界，對面界外球。

由153扔波，荷蘭叻衝前接球，當佢打算轉身推前時卻被一下撞飛。

太陽恍如蠻牛一般向前撞倒荷蘭叻，完全唔似去爭波。

太陽向跌倒喺地下嘅荷蘭叻伸出友誼之手，用佢招牌式嘅笑容：「你冇嘢吖嘛？踢波係咁㗎啦。」

荷蘭叻無視太陽嘅手，自己企起身。

「你哋係唔撚係踢波㗎！」校長叫道。

「踢波係咁㗎啦，有身體接觸好正常啫。」肥John笑道。

「打撚爆對面啦！」場邊嘅陳浩然大叫。

我哋將個波交俾對面，畀佢哋開龍門球。

依家我哋攞撚晒彩，乜仇都報晒。贏埋場波就完美，話說我波皮都冇掂過，全程只係跑來跑去。

龍門球一開，荷蘭叻接完個波嘅下1秒就被木哥搶去，但係對面今次好快就搵咗兩個人mark實木哥，木哥將波將畀美斯，但係美斯身前已經有153擋住。美斯想傳畀太陽，但太陽已經畀人mark實。Anson突然是出出，美斯將波傳畀Anson，然後我以外嘅5個人都向前奔跑。

太陽擺脫防守，走到禁區。Anson吊起個高波入去，太陽跳起一頂！

「呯！」中龍門眉彈出，木哥大髀一控，再射！

「呯！」今次射中荷蘭叻，球彈到我哋半場。

我雞手鴨腳咁接波，再一臉惘然咁企咗喺到，我完全唔知道直播之後要點做。

「傳上嚟！」太陽大叫。

仆你個街，我唔識斬波㗎。但係時間唔容許我再拖，153向我衝過嚟，我拉弓鳩射上去，但係就省中咗153，波再反彈到我哋禁區。

肥John笨拙咁樣向前走，打算將波收到懷中。波喺肥John身前著地彈起，肥John雙手環抱時卻撲個空，波喺佢頭頂飛過，再彈入龍門。

「……」

「……」

「……」

柒撚到仆街。

我哋隊靜撚過太空，相反，對面隊就開心到跳起。

「贏撚咗班柒頭！」153大聲恥笑我哋。

「踢波咁㗎啦，哈哈！」荷蘭叻大笑。

柒撚到無地自容嘅我哋粒聲唔出咁執嘢走人。

「喂！唔踢多場踢？跟隊喎！」校長執尾彩咁大叫。

我哋冇人回應佢，我哋只能頭耷耷咁柒住行返hall沖涼。

沖完涼換咗衫，我哋成班十幾個人又喺hall tutor房hea。

「er……頭先唔好意思，我柒咗。」肥John一臉歉意地講。

「我都好對唔住。」我鳩傳搞到輸咗。

「好小事冇嘢。」木哥拍拍我膊頭講。

「屌，柒就柒咗啦。但場波大家都有份踢，我哋成日，我哋都有份柒！」打緊FIFA嘅美斯講。

Hall Tutor房有一部大電視連接咗PS4，美斯拎住手掣同太陽對決。

「下次班友就唔記得我哋㗎啦。真係唔甘心嘅，就個個禮拜都同我哋一齊踢波。屌！咁都飛機！」太陽講。

呢個時候有人推門入嚟，係同我唔太熟嘅一個老鬼文仔，佢同事喺學生會嘅萬年老鬼，今年係佢嘅Final year。

「稀客喎！忙撚完FYP啦？」瘦John打趣地講。

「吊頸都要唞吓氣。有冇多兩個手掣，我哋二打兒啦屌你老母。」文仔講。

「文哥呢到。」邦仔俾咗一個手掣文仔，自己再拎一個手掣。

「文仔得㗎啦文仔得㗎啦。唔好叫我哥。」文仔講。

「就嚟兩點半，你打埋呢場我哋落去食Tea。」瘦John提議。

雖然係下午，但係呢間房落咗百葉窗簾，只有微量嘅陽光喺百葉簾嘅空隙中穿透入嚟。

「Goal！！」

男人打鬧嘅聲音。

「廢柴！」

失波後美斯坐直。

「好撚廢呀你哋。」唔係打緊機嘅輝仔講。

「快啲開波，打撚爆你哋，唔好再replay。」同美斯一隊嘅邦仔講。

「屌，明明係你累人。」我笑。

我哋唔似大學生。

我哋無所事事，我哋唔需要做assignment，唔需要上堂，只係需要喺呢間房仔度玩。

虛度光陰。

窗外穿透過嚟嘅一絲陽光令呢間房熠熠生輝。

打完機，太陽就行出走廊大叫：「起身食tea啦！」

透過呢一聲咆哮，將所有喺房間度等待食嘢嘅人召喚出嚟。

「食tea啦屌你老母！」肥John都大叫。

「快撚柒閪啲出嚟！呀！！！」美斯都叫。

「呀！！！」陳浩然純粹鳩叫。

「唔撚柒等啦，樓下食住等！」瘦John講完我哋就分批搭𨋢落hall can食嘢。

幾乎成個宿舍都會兩點半落去食下午茶，一來嘢食比較好食，二來比較平，對學生來講非常抵玩。

好彩我哋住得比較高層，每次𨋢落幾層就會開門，但係每次都冇人入到嚟，因為我哋已經迫爆咗㗎𨋢。

「炸髀薯條加狗仔粉，凍奶茶少甜少冰。」我落單。

埋單只需要$20港紙，抵食到傻。

食完下午茶我哋就會返上去瞓個晏覺再食晚餐或者返屋企。我哋未來嘅星期六大多數都係咁樣過，有時候唔排除搵其他活動玩吓。

通常食完下午茶之後，陳浩然就會同女朋友一齊返屋企，而Ashley男朋友星期六都要返工，所以我哋可以喺呢段時間瘋狂做愛。

瘋狂做愛呢？

「呀⋯⋯嗯⋯⋯」Ashley嘅呻吟聲一直都咁好聽。

大戰過去，我哋好似情侶咁攬住攤喺床到。

「我差唔多要出去陪男朋友啦。」

聽到呢句我無心乜感覺，我已經習慣sp呢種關係。

「我都係時候搵個女朋友。」我講。

「You are so cute。你好快會搵到嘅。」Ashley抆我個鼻。

「希望啦。」

「I’ll help you。」Ashley講完就奶我乳頭一下，然後就落床著衫走人。

女朋友，到底幾時先遇到？

咁短hea鳩我呀？

咁撚短？？唔好咁

推推

新章 聯層活動與女神

「原來你都入咗呢一間u呀！仲要咁啱抽中你做嗰partner！」眼前呢個着住粉紅色露肩上衫，肉色緊身短裙（aka摟屌裙）嘅女仔笑住咁拍打個心口。

明明印象中佢並唔係咁嘅性格。佢應該係文靜、清純，但係我眼前嘅呢個女子，開朗、大聲、有活力。

呢個女仔叫做嘉詠，如今以Renee自居。

又係洋名。

明明佢讀緊中學嘅時候係冇英文名。到底喺大學改變咗佢，定係洋名改變咗佢？

呢個中學只會匿埋喺圖書館嘅女仔，到底點解會變成咁？

其實我同佢有一段故事，一段失敗嘅追求。

就等我簡略咁（盡量簡略）回憶下我哋兩個中學嘅相處。

中四升中五嘅暑假，我哋學校要求我哋返去補課，準備嚟緊嘅文憑試。每日都要上半日堂，做完past paper要過cut-off分數先可以走。唔夠分嘅話就要自己去圖書館再做卷，做完再比老師對卷。

同嘉詠相遇當日，我炒咗份數學卷，因為咁樣，我哋先至相遇。

「我走先啦柒頭！」我對朋友入邊得我一個考唔夠分數，班仆街一早約咗今日打波，所以唔撚等我去咗球場。

「屌你！」我對佢哋舉起中指，佢哋嘅背影消失後我就徐徐走向圖書館繼續做卷，希望快啲做完可以去打波。

圖書館入邊得我一個柒頭同埋圖書管理員，都合理嘅，暑假邊撚度有人。 就算唔係暑假，圖書館本身有嘅人就寥寥可數。

做咗半個鐘，我已經有幾題唔太識做。當年智能電話嘅發展只係去到iphone 3gs，我仲係用緊摺機send sms，上網搵答案呢啲高級功能我仲未用到，我只能夠喺圖書館苦惱。

就喺我苦惱之際，圖書館嘅門被推開。

一個雙手捧住一堆書同files、黑長直無陰頭髮、戴黑框眼鏡女仔走入嚟。雖然佢好村姑，但係佢就好似畀白光包圍。我嘅目光俾佢吸引住，雖然佢唔係太靚，但係就係有種吸引力。

唔知係咪我望得太明顯，佢發現咗我嘅視線，呆咗兩秒，嘴唇抖震著咁講：「咩……咩事？」

我就好似一個做錯事嘅人，即刻擰歪面講：「無……無嘢。」

但係個女仔無行開，佢望望我檯頭再開口：「你唔識做？」

佢指住我枱頭上嘅數學卷。

推推

「唔得咩？」中學時嘅男仔就係唔可以認衰，點都要搵啲嘢死撐。

「我教你？」

「可以？」

「我鐘意教人，順便幫自己溫故知新。」嘉詠講。

「咁就麻煩你啦。」

我望住佢，好自然就應承咗佢，呢個女仔就有啲咁嘅吸引力。

經過佢講解之後，我好快就解到嗰幾條數學題。

「你好勁喎！咁都識！」我讚嘆。

「呢幾題都好簡單。」佢講。

「話說你叫咩名？」我問。

「我……叫嘉詠。升中六。」嘉詠連介紹自己嘅時候都口震。

「睇嚟要叫你姐姐啦！我係阿強，升中五。」

「唔……叫嘉詠就得……」嘉詠唔想畀我叫做姐姐。

「好啦嘉詠BB。」我稍微調戲一下佢。

「唔……」佢紅都臉晒咁怒睥我。

佢唔係好接受到人咁flirty。

「Sorry，叫返嘉詠！」我即刻改口。

「嗯。」

嘉詠都幾得意。

「你平時都係自己一個嚟圖書館？」

「嗯。」

「唔同朋友一齊嚟？」

「會分心，同埋我無乜朋友。」

「都啱。」

「同埋我鍾意自己喺圖書館，呢度好靜、好舒服。」

「係咩，淨係溫書好悶喎！又無朋友！」

「所以我要入大學再去改變。」

「點會一入大學就成個人唔同呀！」

「希望。」

「咁呀，我都想入大學。」

「咁你加油。」

「我每一日都會喺呢到溫書，你有唔明就問我啦。」嘉詠講完就開始專心溫佢嘅書。

「你有冇ig呀？」我問。

「我冇社交媒體。」

就係呢一日，我哋嘅緣份就此展開。

嘉詠因為要準備考DSE，所以呢個暑假每一日都會返嚟學校圖書館溫書同操卷，我唔知係有心定無意，嗰一排我所有past paper都唔合格，放學要去圖書館再做。不過應該真係唔識做，我識做嘅話就唔使做asso仔啦屌你。就係咁，嗰個暑假我每一日都會喺圖書館見到嘉詠。

「Hello，我又嚟見你啦。」啱啱走入圖書館嘅我講。

「我嘅外賣呢？」嘉詠攤大手板問。

「喺到！」我將金拱門外賣放喺圖書館嘅枱上，跟住拎外賣袋入面嘅食物出嚟。

「仲以為你唔嚟。」

「咁你依家安心啦。」

「有人一齊溫書會容易啲堅持。」嘉詠講。

「其實除咗讀書，你有冇諗過拍吓拖㗎？」我問。

「冇諗過。」

「咪呃我啦。」

「真係。我唔係好接受到大家成日離離合合，好簡單有拍拖，又好簡單就分手。一個人好輕鬆就走咗入嚟嘅人生，又突然之間消失。」

「你咁樣講我又明。但係拍拖都有好多開心嘢。」

「例如？」

我用左手嘅食指同左手嘅拇指整一個窿，右手食指就不停穿插喺個窿度。

嘉詠見到就紅都面晒咁一嘢打落我手臂度，再講：「溫書！」

經過半個月嘅相處，我哋已經好似普通朋友咁會吹水，會一齊溫書，會幫手買外賣。同普通朋友唔同嘅係我哋每一日都會見面。同埋，我發現嘉詠真係無朋友，除咗我之外佢whatsapp得返屋企人會搵佢。

另外，可以係圖書館食嘢喺因為圖書館館理員默許，因為用圖書館嘅長期只有我哋兩個。

推推

Push
怒屌中學同學

屌閪未！