《住Hall嘅瘋狂故事》

「就係咁亞古獸就進化咗啦！」因為嘉詠唔太講嘢，所以主要都係我單方面講嘢俾佢聽，但佢每一次都好專心咁聽我講嘢。

「你點睇呀？又唔應我？」我再問。

「嗯幾好。」嘉詠咬一口豬柳強包後講。

「呢題點做？」我轉移話題。

「試下用二次方程。」

「點解你咁冷淡？」

「無。」

「你唔鐘意我？」

「……唔係。」

「你都係好冷淡。」

「都話做緊卷。」

「咁我以後唔嚟啦。」

「唔好。」嘉詠拉住我，第一次見到佢緊張嘅表情。

「咁我留係到陪你。」

「隨心。」

「嘻⋯⋯」我笑。

「有咩好笑？」

「你想我留低！」

「em⋯⋯無⋯⋯」

「咁我之後都唔嚟啦。」我講笑咁講。

「⋯⋯唔好⋯⋯」

「嘻。」

「做卷呀⋯⋯」嘉詠臉紅紅咁講。

「想我留低？」

「嗯。」

嘉詠真係唔係太應我，同佢講嘢主要都係我自問自答，但係我都可以講個不亦樂乎。圖書館慢慢變咗我哋兩個約會嘅地方，雖然有個圖書管理員喺度阻頭阻勢。我哋就好似偷情嘅人咁，每一日都係圖書館偷偷見面。我每一日都過得好開心，雖然冇得打籃球，但係可以同呢個女仔傾偈真係身心舒暢。慢慢我就心動咗。

竟然入浸中竟咁大改變

好快，就到咗暑假嘅最後一日。

「你緊唔緊張呀？差唔多要考啦喎？」我問。

「應該冇問題。我都幾熟啲past paper，你擔心自己啦。」嘉詠同我熟絡之後開始會串返我。

「有你我就搞得掂啦！」

「唔⋯⋯」嘉詠好似倉鼠咁樣鼓埋泡腮，紅着面咁望實我，佢仲係好唔鍾意我調俾佢。

「玩吓啫！但我真係有你先搞得掂啲卷！」

「好啦。」佢接受我呢個講法。

「既然今日係暑假最後一日，不如我哋放鬆吓？」我提議。

「你想做咩？」

「我哋，可以出去行街睇戲？」我鼓起勇氣約佢出去。

「……你約我？」佢紅都面晒咁問。

見到佢呢個怕羞嘅反應我都有少少面紅，我講：「……係呀。」

「可以呀⋯⋯」嘉詠細細聲答。

「咁我哋行下街。」就係咁樣我哋嗰日去咗葵廣掃街。

我哋離開圖書館之後就返咗屋企換衫，再一齊坐狗鐵去葵芳。話說當時我係第一次見佢着校服以外嘅衫，佢當日穿嘅係長裙加短袖tee，老套到極，但又好符合佢嘅性格。就係一啲摺摺地、唔鐘意交際嘅人。

「仲以為你會著下短裙或者熱褲！」

「太暴露。」

「但係我想睇！」

「喂也⋯⋯」嘉詠細聲反抗。

葵廣，mk妹嘅聖地，暑假最後一日，成個廣場都充滿青春嘅肉體，美少女嘅長腿、港女稍微隆起胸部、肥毒嘅汗臭充斥整個商場，人頭湧湧。

「好多人，會逼死。」喺商場外邊望入去嘅嘉詠講。

「無事㗎，入去好多嘢睇！」語畢，我嘅視線就被一個白滑長腿mk妹吸走，再講：「你都露條腿出嚟就好！」

嘉詠紅住臉打我：「唔可以鹹濕。唔可以講㗎。」

「點解呀？」

「唔係咁好㗎。」

「咁你正呀嘛！」我吹奏下佢。

「係……係呀，多謝。」嘉詠臉紅紅、水汪汪咁望住我。

見到佢呢個羞澀嘅反應，我都紅晒面咁答：「唔……唔洗客氣。」

之後我哋就周圍行，買咗好多嘢食，葵廣嘅一切對於嘉詠嚟講都好新鮮，佢每見到一間鋪頭都雙眼發光。

入大學女神係咪唔同晒 😌🙈

推推

即刻變咗隻臭雞

文呢仆街

「未行過？」我問。

「未行過咁多小食檔嘅地方。」嘉詠答。

「竟然無同朋友行過。」

「我好少朋友。」

「竟然。」都合理，嘉詠本身就係一個唔多嘢講嘅人。

「你係我少有可以傾偈嘅人。」嘉詠誠心道。

「想多謝我？」我笑道。

「係呀。」

「呀！」嘉詠突然匿埋喺我後面。

「做咩呀？」

「同班同學……」嘉詠輕聲地道。

「你哋有過節？」

「唔係，只係我唔識同佢哋講嘢，我份人唔太識傾偈。」

「咁你有後備拎埋到佢哋走啦。」

「嗯。」

嘉詠嘅同學走咗之後，嘉詠就戰戰兢兢咁行返出嚟，再講：「多謝。」

「客咩氣。」

「你係我朋友。」

「當然。」

「所以，你唔會離開我身邊？」

當時嘅我覺得呢個係一個signal，於是我牽起嘉詠嘅小手，佢無甩開我，任由我拖住。當我以為得米嘅時候，嘉詠突然話：「我要走先啦。」跟住佢就甩開我隻手跑走咗。

「咁你有後備拎埋到佢哋走啦。」

究竟用緊咩輸入法

「呀！」嘉詠突然匿埋喺我後面。

「做咩呀？」

「同班同學……」嘉詠輕聲地道。

「你哋有過節？」

「唔係，只係我唔識同佢哋講嘢，我份人唔太識傾偈。」

「咁你匿到佢哋走啦。」

「嗯。」

嘉詠嘅同學走咗之後，嘉詠就戰戰兢兢咁行返出嚟，再講：「多謝。」

「客咩氣。」

「你係我朋友。」

「當然。」

「所以，你唔會離開我身邊？」

當時嘅我覺得呢個係一個signal，於是我牽起嘉詠嘅小手，佢無甩開我，任由我拖住。當我以為得米嘅時候，嘉詠突然話：「我要走先啦。」跟住佢就甩開我隻手跑走咗。

第二日開學，放學後嘉詠一見到我入圖書館佢就走人，我即刻從後拉住佢隻手問：「做咩呀？」

「無嘢。」嘉詠無回頭望返我。

「講我聽啦。」雖然心知不妙，但係我都要問。

「你唔好再接近我啦。」

「點解呀？係咪我做錯啲咩呀？」

「⋯⋯」

沉默。

「你琴日明明都肯畀我拖手。」

「男同女未一齊就拖手，好唔檢點。我接受唔到。」嘉詠講完就好大力甩開我隻手再走咗去，留低我一個呆咗咁企喺原地。

開學之後我都有試過學校搵佢，但係佢每一次都避開我，久而久之我就冇再去搵佢，我同嘉詠嘅故事就暫且停咗喺呢度。

就係咁，我莫名其妙咁畀人飛咗。喺呢件事之後，我個人又變得少講嘢，因為我覺得自己係唔覺意嘅情況下得罪咗嘉詠所以先畀人飛。所以Ocamp同樓會嘅時候我都唔多出聲，呢樣都算係嘉詠事件帶畀我嘅後遺症。

時間返到現在，嗰個打扮同思想都保守、內斂、寡言嘅嘉詠，變成咗我眼前MK、活潑、開朗嘅Renee。

「做咩呀，咁靜嘅！你以前好多嘢講㗎喎！」Renee講。

「我有啲shock姐。我哋最後一次見嘅時候……」

我唔係冇諗過會同嘉詠重聚，我當然有諗過會同呢個我鍾意嘅女仔再見面。但係我想像中嘅再會會係非常之尷尬，你眼望我眼大家唔知講乜嘢好。

「以前嘅嘢唔好提啦！係我啱嘅，我以前太天真太傻啦。唔好咁尷尬啦！好似之前咁啦！」Renee打斷我。

嘉詠，唔係，係Renee太過熱情，我感受唔到一絲尷尬，其實會唔會佢冇當過係一回事先可以咁輕鬆面對我？定係佢個人住Hall之後改變咗，變得比以前外向，同埋更識社交？呢一刻嘅我唔知道答案。

「哦⋯⋯好啦。」因為唔知道答案，所以我只能夠含糊地回答。

「仲係咁？你怕羞？定係因為我太可愛？嘻。」Renee仲開識咗講笑。

「都係呀，你依家比之前更可愛。」我直白地講。

「多謝喎！算到有眼光！」Renee開心地笑住應。嘉詠嘅話大概會紅都臉晒咁叫我唔好咁講。

「係你我先咁講。」或者我對呢個女仔仲有感覺，我係真心感得佢可愛。

「口花花。」Renee展露出燦爛嘅笑容，同往日嘉詠數字嘅微笑截然不同嘅笑臉。

「希望陣間同你一組啦。」Renee嘅反應令我覺得自己有機會，有機會同佢發展。但係我必先有一個同佢相處嘅機會。

「你諗吓好啦。」

「咁多位請注意！埋嚟啦！」今次聯層活動嘅搞手兼MC邦仔企咗喺張枱度大叫。

「我哋快啲玩遊戲啦！女仔快啲過嚟啦！」女層嘅MC霸氣地咆哮。

邦仔見大家都聚集左喺佢身前，就講：「大家好呀我係今日嘅主持人，邦仔！」

「我係Cherry，女層嘅代表！」又係洋名。

「Cherry！」啲女女歡呼。

話說，啲女清一色熱褲，露晒佢哋條腿出嚟，有啲上身有身材嘅就再露得多啲，睇嚟佢哋都幾鹹濕。

「咁我哋玩鬥獸棋捉伊人！一男一女一組，每一組會有一個牌貼喺背脊度表明你係乜嘢動物，你淨係可以食細過你嘅動物！」邦仔講解。

「貓食老鼠，豹食貓，大笨象食豹，老鼠又可以食返大笨象。」Cherry解說。

「例如你哋組係貓，你前面嘅一隊係老鼠，你要捉佢哋嘅話就要抆佢哋背脊嘅字牌落嚟，再交返畀我哋計分。俾人食咗嘅一隊都要返到呢個位玩遊戲去復活！」邦仔手舞足蹈咁講。

「有冇人唔明白啊？」Cherry問。

「無呀！快啲開始啦！」瘦John叫囂。

「睇嚟大家都準備好啦！咁我哋而家分開男一條隊，女一條隊，過嚟抽籤！」邦仔同Cherry各自拎咗個箱出嚟。

「呢度有兩個紙箱，一個係畀男仔抽，令一個畀女仔抽，抽中同一個數字嘅就會成為一組。」

「我去抽籤啦喎，記得同我你係咩號碼。」我同Renee講。

「打個手勢俾你睇。」Renee打趣道。

「好想同我一組？」

「人哋想同你傾下偈同玩下呀。」Renee擺動住上身講。

Critical hit！

溫柔嘅聲線，胸部嘅擺動，挑逗嘅話語，Renee呢啲唔知係咪特登嘅動作直中我嘅好球區，我對佢有好感一下爆升。不過我對佢好感度本身就唔低。

我對呢條女仲有好感。

「做咩呆咗呀？唔理你啦！我去抽籤！」Renee講完就走去排隊抽。

11。

Renne左右各舉起一隻手指。

我要抽中11。

「邦仔，我要11號。」喺抽籤箱前嘅我講。

「好難做喎師兄。」

「兩餐tea。」

「差少少，現金會好啲。」

「請。」我將一百蚊紙放入紙箱，邦仔好快將佢拎返出嚟。

「多謝，請抽。」

12。

「屌你，12嚟嘅喂！」

「11號一早畀人抽咗啦傻鳩。」

「屌你老母水鳩我！」

「我都冇話過你會抽到11號！係你自己送錢俾我咋！下個！」

「仆街！咁你至少都講俾我聽邊個抽到11號。」

「瘦John呀，走啦！下個！」

「你個仆街仔，我遲早報仇！」最後我蝕咗一舊水畀個仆街仔，我只能夠走住嚟屌，話會下次報仇。跟住死死地氣咁去搵瘦John。

我一手搭落瘦John膊頭：「兄弟，呢個number可唔可以畀我？」

「你睇啱嗰條女？」瘦John邊講邊收埋個number落褲袋。

「睇啱好耐啦，幫幫手。」

「邊個係11號呀？」瘦John左顧右盼。

「唔使望啦，你唔識佢。我哋中學師姐嚟。」

「我哋中學師姐我會唔識！？」瘦John繼續望。

「佢讀中學嘅時候好摺，得我識㗎咋，幫幫手，中學女神。」

「幾時識㗎？」

「中五升中六個暑假，如果做卷唔夠分咪要去圖書館留堂做過嘅，我就喺嗰陣時識佢。」

「當年食女又唔講！」

「係你班仆街唔等埋我走咗去打波咋。」

「你話我仆街？唔想交換？」

「大佬對唔住？幫幫手，今日幫你含撚啦。」我請求。

「唔洗啦！畀你畀你，一場兄弟，食到嘅話請我食飯。」瘦John將寫有11號嘅紙碎交畀我。

「大恩大德，沒齒難忘！」向瘦John道謝後我就奔向Renee會合。

「嘉詠，11號。」我畀Renne睇我手上嘅號碼。

「Renee。」Renee將一隻手指放喺我嘴唇上。

睇嚟佢唔想俾人用真名稱呼，又係洋名。

「em⋯⋯Renee。」

push

「乖。」Renee輕輕撫摸我個頭。

「唔好摸啦，會俾人睇到。」

「你怕羞？頭先明明好努力問人攞11號。」

「邊有？」慌亂嘅我得返把口夠硬。

「嘻。」Renee甜笑。

之後我哋喺邦仔手上拎到寵物牌。

「老鼠⋯⋯」我無奈。

「咁我哋除咗大笨象之外乜都食唔到。」Renee苦笑。

「強哥，你掂唔掂，洗唔洗幫手ice breaking？」邦仔走過嚟問。

原來遊戲未正式開始係因為邦仔要幫唔同組嘅男女ice breaking。

「我哋識㗎。」Renee又伸長隻手摸我個頭。

「咁我搵下一組啦！Bye！」邦仔講完就走去搵下一組，真係勞苦功高。

「咁，你有冇冰同我破呀？」Renee問。

「一時三刻諗唔到喎。」我答。

「真係無？」Renee歪住頭問。

「真係⋯⋯」

「咁，你想唔想知我當年有冇鐘意你？」Renee笑。

「吓！？」

「喂也，嚇死人咩突然之間大叫！」Renee大力拍我手臂。

「我⋯⋯想知，你講啦。」

「陣間你表現好就話你知。」Renee語畢就輕輕用手指篤我鼻頭。

「古靈精怪！」我都揑個衰妹鼻哥。

「各位，我哋今次係有範圍限制嘅！淨係可以喺由地下去到三樓，唔可以入班房，地下平台所有位置都可以去。」邦仔講。

「記得俾人捉咗或者捉咗人會返嚟呢度呀！」Cherry提醒。

「咁我哋大家一齊倒數三聲就又開始啦！」

「三！」

「二！」

「一！」

「捉佢！」拖住女朋友嘅陳浩然一個箭步跑嚟我身前。

「我知道Renee係老鼠！」陳浩然女朋友Cherry講。順帶一提，呢個Cherry唔係MC個Cherry。

「跑呀！」Renee見狀就拉住我跑。

當年好唔容易先拖到嘅手，喺呢一刻輕易就牽上。

「跑去邊呀？」Renee拉住一頭霧水嘅我一支箭跑出去。

「匿埋呀！」Renee笑住咁講。

Renee回眸嘅笑容好甜，比當年靚咗好多。或者呢幾年佢都改變咗好多，同佢都好似分別咗3年，但係佢仍然令我牽腸掛肚。

我用力捉返住Renee拖住我嘅手，再跑到佢身前，變成拉住佢走嗰個。

我哋一口氣嘅到上三樓，Renee一個箭步拉開男女廁中間嘅無開燈嘅雜物房，再走入去。

「卡。」門輕輕咁合上。

樓主呢

呢啲位停

呢個位停

佢話忙吖嘛
大家耐心啲等候下

點解我果陣住咁正氣
早知住yang hall live young

文呢？
係咪要我灌你飲可樂先肯出文