《住Hall嘅瘋狂故事》

527 回覆
160 Like 15 Dislike
2022-01-10 23:37:08
幽暗狹窄嘅空間,我背後頂住清潔用品,前面就係雙手環抱我嘅Renee,矮小嘅佢成塊臉陷入我胸膛。

以前嘅我哋未曾有過呢個程度嘅身體接觸。

我哋唔敢出聲,怕畀出面嘅人聽到。

「唔見咗人嘅!」陳浩然大叫。

「可惜呀B!」Cherry嬌嗲地講。

「我哋落返去囉。」陳浩然語畢,噠噠嘅落樓梯聲清楚地傳入我哋耳中。

雙眼習慣黑暗,低頭一望我先發現Renee已微微抬頭望實我。

「真係好耐冇見。」Renee嘅吐息打落我胸膛。

「嗯。」

曖昧嘅氣氛係狹窄嘅空間蔓延。四目交投,佢雙眼好似喺到閃閃發光,身體散發住自然嘅香水味,我望到入晒神。儘管我對佢嘅當年情未了,但係比起性慾,我係嘉詠身上更多嘅係鐘情,如果Renee仲係嘉詠,我好想可以令佢成為我女朋友。但係我已經叫緊佢做Renee。

Renee同我身貼身,我嘅小兄弟已經開始起機。如果佢感覺到我嘅賓州仔,大概氣氛就會由曖昧變到尷尬,加上可以嘅話我想同Renee再培養多一點感情,所以我提議:「我哋搵另一個地方傾吓計?我有好多嘢想講。」

當年遺留落嚟嘅感情仲喺度,總之佢之後呢份放咗入櫃桶嘅感情又抽返出嚟,所以面對眼前呢個女仔,我有好多好多嘢想講,即使佢已經變咗好多、即是依刻佢已經有一啲陌生、即是佢已經變到同我記憶中有所出入。

「留係到,唔好咩?」Renee望望我再講:「都係出去啦。」

Renee輕輕推開門,然後我哋就拖住手偷偷地溜進一間班房,我哋無打開燈光,默默咁肩並肩坐喺地下。

「點呀你,想點呀,有咩想同我講呀?」Renee用膊頭撞一撞我。

「我⋯⋯」想開口問佢點解當年要就咁走咗去,但係唔知點樣開口。

「我當年係鐘意你㗎。」我仲以前佢話想回憶下當年先入正題,估唔到佢咁直接。

「嗯。多謝。」我心入面波濤洶湧,有條女同我表白,雖然佢講「當年」。

「你唔問點解我鐘意你但係都唔選擇同你一齊?」Renee又主導對話。
2022-01-10 23:52:39
「因為你覺得好唔檢點。」我仲記得嘉詠當年講嘅說話。

「我當年真係咁諗㗎!但係入咗U後,經歷咗啲嘢之後我就後悔唔同你一齊啦。」Renee開始激動起嚟,仲成個上身打側壓落我到。

壓到啦,對波壓到我呀!

「依家都唔會太遲。」

「唔⋯⋯我哋再相處一排睇下點先啦!」Renee調皮地道。

「嗯。你有冇ig?畀我有個方法搵你。」我問。

「嘻嘻!入咗U我就有用啦。」Renee拎走我部電話,再輸入自己嘅ig account,然後按下follow。

Renee有多個人照同埋hall嘅相,同埋有啲露波同露腳嘅相,不得不講就係佢入咗U之後真係靚咗好多。

「靚女。」我讚。

「多謝喎!你就成個毒L咁乜都無!」Renee笑住答。

「無女呀嘛。」雖然有SP。

「可能有呢。嘻。」

「真係有就好。」我望實Renee講。

有火就撻得著,喺大學入面開始一段關係到底需要幾多時間?

好快。

可能我錫落去就大功告成。
2022-01-11 00:03:12
「唔好再講情情愛愛啦!你住hall開唔開心呀?」Renee嘅問題打斷咗我嘅行動。

「幾好呀,層友幾好。你呢?依家Year幾?」

「我Year 4啦,住咗三年hall啦!」

我asso讀咗兩年先爆到入Year 2,加埋我本身細佢一年,佢讀Year4都合理。

「咁你咪係老鬼。」

「係呀,你唔好得罪我呀!」Renee挺胸直豪地講。

「邊到敢得罪你呀。」

「哼哼!咁就識做啦!」

「你真係變咗好多。」

「我都覺啊。以前嘅我唔會有咁多嘢講,又唔會咁外向。」

「睇嚟喺大學呢幾年都改變咗你好多。」

「與其話喺大學改變咗我,不如話係hall改變咗我。」

「係咪有故事聽?」

「有機會嘅話先講俾你聽。」

然後我哋又聊起當年喺圖書館嘅事,一直都拖住手。

沉醉喺回憶嘅我哋畀邦仔打嚟嘅電話喚醒,我哋之後先鬆開手慢慢行返落平台同其他人集合。
2022-01-11 00:59:36
推推
2022-01-11 11:36:01
2022-01-11 12:02:30
仲以為有得屌
2022-01-11 12:33:36
唔好聽呀有d野唔g好過g咖
2022-01-11 12:38:06
Yr1就住呵 好多野元
2022-01-11 21:33:25
等你update
2022-01-11 22:39:49
Renee
SL 介 UT
2022-01-11 23:54:54
推推
2022-01-12 13:25:28
2022-01-12 21:40:25
Renee角度

竟然喺聯層活動遇返佢,當年我鐘意嘅人,當年唯一係我身邊嘅人,當年畀我無知、天真而拋棄、傷害嘅人。

阿強。

初戀係最刻骨銘心,雖然我哋無一齊,但係佢係我第一個鐘意嘅男仔,要問我呢一刻對佢有冇感覺嘅話我可以好肯定咁答有。

見返佢嘅時候,我竟然唔尷尬,仲可以主動同佢講嘢。因為我知道尷尬係改變唔到我哋嘅過去,況且我哋重遇係緣份,或者我可以喺大學嘅最後一年同我嘅初戀正式一齊,只要佢仲係當年嗰個人嘅話。經歷過幾個伴侶,始終第一個愛上嘅人係最深刻,特別係愛上但係冇一齊嘅人。

中學嘅我與其話係清純,不如話係入世未深或者直接啲講就係on9,細個嘅我真係覺得愛情係要有順序,未確立關係就拖手我真係接受唔到。另外,以前嘅我嘅世界,應該話想像中,愛情係堅貞同從一而從,但係經歷過後又係另一回事。

不過,入咗大學,拍咗幾次拖之後世界又唔同咗。讀文學院嘅我喺大學一年級嘅時候好摺,除咗做groupproject之外都唔會同其他同學有交流。明明讀中學嘅時候我話過入咗大學之後就要改變,但係我到而家都仲係一事無成,同細個嘅時候如出一轍。

於是我喺year one就申請咗下年住hall,之後就一擊即中抽到宿位。當年嘅我一開始已經係揀女層,男女層唔係太適合我,我連同女仔相處都未做到嘅時候點樣同異性相處?

入hall頭一個禮拜得三個字,唔習慣。

所以我好開頭都好摺,但係我嘅層友同組爸媽將我拉出啦,再徹底改變咗我。

我知道大家想睇嘅多啲情情愛愛,點樣扑嘢嘅故事,所以就等我講關於組爸嘅事先。

我住第一年hall時接觸得我最多嘅其中一個人就係Hall O組爸豆腐。
2022-01-12 22:24:47
豆腐爸爸
2022-01-12 22:59:50
肺已牛
2022-01-13 01:05:07
推推
2022-01-13 01:05:19
2022-01-13 12:44:06
要食N手牛肺,但有得食緊係食
2022-01-13 21:28:00
Ocamp嘅時候豆腐已經好好人,會為遲咗起身嘅組仔女買早餐。見到佢身水身汗咁拎住幾碗火腿通粉去體育館畀玩緊mass games嘅組仔女食就忍唔住會心微笑。City hunt又會買定水同冰巾畀我哋用,仲會幫我哋邊行邊撥扇。完咗Ocamp又會寫心意卡畀我哋,關心我哋近況同時幫我哋打氣。

有一次我哋成個宿舍行鳳凰山睇日出,上到山頂之後仲有一個半鐘先日出,喺山頂等待破曉真係凍到痴線,喺我同其他層友圍埋保暖嘅時候,拎住暖水壺嘅豆腐突然出現,佢倒出一杯熱嘅黑糖薑茶畀我飲。我已經唔記得當時我係因乜嘢原因而胸口發燙,當然呢一杯茶其他組仔女都有份。

可能有啲人會覺得佢咁樣做都係狗公想食女,但係我都好肯定唔係,因為佢對男仔都係同等程度嘅照顧。無嘢係男有女冇,記得佢喺OCamp最後一日喊住咁講話嚟緊呢一年要做一個好嘅組爸,令我哋感受到呢個hall嘅溫暖,所以佢會為我哋一班組仔女付出好多。

豆腐每個月都會寫人張心意卡畀我哋,張卡仲係佢自己設計再拎去印刷鋪到用硬卡印出來。咁當然,寫心意卡嘅唔係得佢做,我嘅其他組爸媽都有寫,其他組嘅組爸媽都有,我後來先知道寫心意卡呢樣嘢係宿舍嘅傳統,係組爸媽同組女打氣同埋關心佢哋嘅途徑。明明大家都會咁做,但係我喺豆腐嘅卡到感受到溫暖。

另外,豆腐中秋節仲會為我哋組準備燈籠同煮湯丸。佢又會周不時會煮晚飯畀我哋食,慢慢我就開始覺得佢好charm。

有冇人覺得上面我講嘅嘢好雜亂無章呢?當時我嘅少女心就係咁,小鹿亂撞,跳黎跳去。簡單來講就係我就有啲fall in him。

當時嘅我已經將阿強呢個人忘記得七七八八,心嘅位置已經轉讓左畀其他人。
2022-01-14 11:20:41
加甜please
2022-01-14 13:21:08
臭雞
2022-01-14 13:33:30
以為雜物室扑野 褲都除埋
2022-01-14 14:39:00
之前都係出哂結局先追故
而家睇live先發現原來好唔舒服
睇下停下冇得隨心睇
2022-01-14 23:16:10
有一次組reu嘅時候我哋傾起讀書,豆腐知道咗我有一科IT嘅GE course搞唔掂,於是佢就同我講話可以搵佢幫手,佢隨時得閒。翌日,我鼓起勇氣send咗個message問佢有關photoshop嘅問題,豆腐好快就覆咗我,佢提議喺我個層lounge傾,但係因為我怕被其他層友見到會惹來話炳,我roommate又話唔介意組爸落嚟,所以我就叫豆腐落嚟我間房。

「photoshop個overlay好簡單咋。」豆腐坐咗喺我地下到指導坐喺床上嘅我。

「我明啦,唔該晒你呀。」

「好小事,有咩搵爸爸啦,隨時都得閒幫你哋。」豆腐拍晒心口咁講。

「你好犀利呀!好似乜都識咁。」我心花怒放,真心覺得豆腐好勁。平時嘅我絕對唔會咁興奮咁講咁多嘢。

「邊係呀!呢啲嘢只要肯學嘅話就個個都識㗎啦!」豆腐謙虛地講。

佢咁樣令我對佢嘅好感再增加咗一啲。

「咁我走先啦,早抖啦。」

「Bye Bye。」

豆腐閂門走人之後我roommate阿欣就問:「個樣做乜咁失落呀?」

「咩呀?邊有。」我不自覺咁摸摸自己塊臉。

「你係咪鐘意你爸b呀?」阿欣笑道。

「呀⋯⋯邊有⋯⋯」

「你睇下你,紅都臉晒啦!」阿欣取笑我。

我打開手機嘅前置鏡,見到真係紅都臉晒嘅自己。我不可置信咁摸住自己塊臉,唔到我否認,我情陷了。
2022-01-15 23:03:49
好睇
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞