我覺得3條問題問的野其實就係係咪一個願打一個願捱
假如有間普通公司禁止員工拍拖
理由可能係唔希望員工因為拍拖而對工作失去專注力 又或者唔需要理由 純粹唔想見到員工拍拖
問返以上3條問題 得出的答案同樣都係知情 自願 可辭職
我想講的其實只係係咪一個願打一個願捱就代表冇問題
不過講到尾其實加入akb只係幾年的事
最多都係大約10年左右
而且比人發現左都只係比人炒
唔會有其他額外懲罰
就算係違反人權都係大家可接受的範圍
反而宣佈結婚果個比人攻擊更值得我地關注
佢宣布結婚唔係淨係宣布完就算咁簡單
更加唔好講之後既連鎖反應
或者可能唔熟悉日本偶像文化既人理解唔到到底件事有幾嚴重
我真係完全唔認識日本偶像文化
所以先想樓主講多d
其實#168已經係我暫時想講嘅所有,再講多少少
首先,而家問題唔在於佢要結婚
首先有Fans有分單推(只係做一個成員嘅Fan)同多推,根本只係得好少人會在意佢結婚。就算係單推嘅Fans,都可能分為支持同反對派。反對嘅人可能係使咗好多錢投票畀佢,而且可能係基於佢無拍拖先會做佢嘅Fans,佢地覺得嬲係正常,對佢哋嚟講可以話係詐騙。
但最嚴重嘅問題係,佢違規之餘亦無顯示任何歉意咁宣佈結婚,當眾破壞規則。係破壞緊整個團體嘅「誠信」,外人可能會諗係咪成個團體都係咁嘅人。
而且總選舉係年度盛事,日本同海外都會關注。總選舉入面發表即係以「最高調」嘅形式去宣佈,後果唔難想像,一定會有鋪天蓋地嘅報導。而其他成員嘅正面訊息對媒體嚟講都唔再重要,佢哋已經得到想要嘅「醜聞」。一個嘉獎成員嘅活動成畀群眾食花生嘅鬧劇。就係背叛其他努力嘅成員。
成件事嘅問題係佢故意去做影響團體嘅事,結婚又好點都好,根本無咩人在意
現時需要確認嘅係,係唔係有部分員工事先知道佢會發表結婚。背後有人撑腰嘅話即係有人有心搞事,仲要等進一步嘅消息先可以知咩事。