[現實中學習] AKB48偶像商業模式

572 回覆
382 Like 8 Dislike
2017-06-13 11:52:18
一直都對AKB既經營手法好有興趣,點解一大班o靚妹重要成日轉人都可以成為國民偶像,重型成左個經濟圈,雖然唔係好鍾意依種經營手法,但真係好成功,肥秋睇中左秋葉原班宅男係個未開發既泉源,日本好多宅男又無女又無咩特別洗費,就食正條水路
相反韓國既偶像策略就相反,不斷有新團體冒起,但可持續發展力應該邊種好d?

一個係條友自己推,一個係國策谷娛樂

國策?
韓國政府支持演藝發展?
真心唔知
2017-06-13 14:24:43
2017-06-13 15:44:46
推推

繼續啦
2017-06-13 19:31:09
(十五) AKB成功之道 –選拔總選舉(2)

上一篇大約了解咗「選拔總選舉」,跟住會講解下成個總選舉嘅過程。

選拔總選舉(自2009年)係AKB48一年一度嘅大型活動,現時AKB48每年會發行4隻Single,其中一隻Single嘅選拔成員交由Fans去決定。

「選拔總選舉」係一個長達2個月左右嘅活動,以今年嘅總選舉為例:
報名期3月25 - 31日
投票期5月30日至6月16日
速報發表5月31日
開票日6月17日

選拔總選舉係「報名制」,而唔係所有成員都強制參加。但係唔參加總選舉,就等同於放棄機會,一般都係即將畢業嘅成員先會唔報名。成員報完名之後就要開始拉票,營運會為參選成員拍攝充滿個人特色嘅宣傳海報同埋講自己「政見」(介紹自己參選原因/目標)嘅影片。

以下係少量海報例子:





想睇更多可以到總選舉網站:
http://www.akb48.co.jp/sousenkyo49th/candidate_poster

營運營造出一種類似政治選舉嘅氣氛,成員透過競選海報、「政見」影片、網上直播、Social Media表達出自己嘅主張同目標拉票,另外今年開始全部參選成員都定立「公約」(競選承諾),如果達成目標就會去做一件事,令Fans更加投入呢一埸大戰。投票開始一日後就會有速報,公佈暫時嘅投票成績。現時AKB48日本國內人數多於300人,速報會公佈排名頭100嘅成員,而正式開票就只會公佈頭80名成員。

開票日當然會受到傳媒注視,但速報同樣可以製造出大量話題/報導,例如有黑馬出現,又或者部分成員成績低於預期。就係因為咁,我哋唔能夠單憑速報去預計最終成績,速報亦係一場戰爭。速報同正式排名可能會有好大變化,因為部份Fans可能為咗令成員可以受關注,特登去衝速報成績,而後續票數嘅增幅就會比較少。

例如今年就出現咗黑馬,一個上屆總選80名不入嘅成員奪取咗速報第一名,而且係壓倒性嘅第一名。立即就引起廣泛討論。

究竟幾咁令人驚訝,可以睇下速報當日嘅片段:
https://www.youtube.com/watch?v=9RWweoQrsQg#t=5m29s
宣佈完第二位之後,所有熱門成員嘅名都已經上榜,完全無人估到會係由嗰位成員奪取速報第一。

事後Fans質疑系統有bug先會出現咁嘅結果,而營運就澄清絕對無bug。有網民就發現到選舉前Fans Club出現大量新註冊會員,所以背後有人透過註冊Fans Club大量投票暫時算係其中一個「合理解釋」。

但真相到底係點? 究竟係咩人願意為一個「未成名」嘅偶像付出咁多,或者連營運都解釋唔到。間唔中會出現令人意想唔到嘅結果,就係AKB48嘅選拔總選舉,今年似乎又係波濤洶湧嘅一年。

寫完一大輪,或者大家都仲係一舊雲,到底所謂嘅「付出多」係一個點樣嘅概念。下一篇會同大家講下錢。

參考資料:
2017年總選速報: http://www.oricon.co.jp/news/2091608/full/
2017-06-13 19:59:07
一直都對AKB既經營手法好有興趣,點解一大班o靚妹重要成日轉人都可以成為國民偶像,重型成左個經濟圈,雖然唔係好鍾意依種經營手法,但真係好成功,肥秋睇中左秋葉原班宅男係個未開發既泉源,日本好多宅男又無女又無咩特別洗費,就食正條水路
相反韓國既偶像策略就相反,不斷有新團體冒起,但可持續發展力應該邊種好d?

一個係條友自己推,一個係國策谷娛樂


感覺上仲未分辨到
各有各問題

AKB48世代交接順唔順利要睇未來幾年

韓團就唔係非常了解,但睇佢哋製作
感覺上係「工廠式」造星造歌
唔去改變可能會面對觀眾審美疲勞嘅問題
2017-06-13 20:06:35
17號就今年總選公佈結果?
2017-06-13 20:12:44
17號就今年總選公佈結果?


係,4日後
2017-06-13 20:33:35
一直都對AKB既經營手法好有興趣,點解一大班o靚妹重要成日轉人都可以成為國民偶像,重型成左個經濟圈,雖然唔係好鍾意依種經營手法,但真係好成功,肥秋睇中左秋葉原班宅男係個未開發既泉源,日本好多宅男又無女又無咩特別洗費,就食正條水路
相反韓國既偶像策略就相反,不斷有新團體冒起,但可持續發展力應該邊種好d?

一個係條友自己推,一個係國策谷娛樂


感覺上仲未分辨到
各有各問題

AKB48世代交接順唔順利要睇未來幾年

韓團就唔係非常了解,但睇佢哋製作
感覺上係「工廠式」造星造歌
唔去改變可能會面對觀眾審美疲勞嘅問題


雖然而家韓妹MV 都重係好正好好J,
但係真係有呢個問題,
已經冇乜團隊特色,
每一隊做嘅野都係差唔多,
可能就係全商業因素嘅原因(但係造星係為商業又好合理喎,唔通提升市民道德水平咩 )

最受歡迎嘅野=最有效率=個個都做=審美疲勞
2017-06-13 21:53:03
17號就今年總選公佈結果?


係,4日後

48團總選,仲犀利過國會議員選舉
2017-06-14 19:27:31
唔好意思咁多位,今日都要暫停

寫到好亂要整理一下
2017-06-15 18:42:31
(十六) AKB成功之道 –選拔總選舉(3)

今年速報黑馬,第一名荻野由佳所得票數係55061票,而速報第二名係34641票,相差20420票。

5萬5千票有幾勁? 同2016年正式成績去比較,2016年入選拔嘅門檻(第16名)係40071票,而5萬5千票已經可以拎到第12名。而呢5萬5千票只係第一日嘅投票,一個上年圈外(80名以外)嘅成員殺入第一,後續嘅票數真係無法預測。亦都令人體現到藝能界唔係直線向上向下嘅職業,而係充滿波瀾大起大落。

對於票數,一般人可能會以為1票就等於賣出1隻Single。但實際上投票方法唔單止買Single,仲有AKB48 Fan Club同其他相關服務嘅會員都有投票權。

先用一個「簡單」嘅角度去睇,假設Fans買碟/做會員畀嘅錢完全係為咗投票,1張票嘅價值都唔會等如1隻Single嘅價錢,因為其他投票方式會比較平。

一張票值幾錢嘅問題,認真去計就會非常複雜,但有個地方可以好簡單咁做個參考,就係網購平台。

總選舉唔單止係營運嘅生意,當中仲有票商去賺錢。由於多種投票方法都係日本限定,海外比較難去投票,同埋自己大量買碟都好麻煩。自然就產生出票商為Fans提供方便去賺錢,價錢比自己去買隻Single投票平。


根據網購平台,今年一張選票市價50蚊左右。

以市價去換算速報第一嘅票數,55061票就相當於275萬港元左右。而2016年AKB48選拔總選舉總投票數3255400,就即係大約1億6千萬港元左右。

係多定少就見仁見智,不過呢個只係「投票收入」,總選舉係一場活動,開票日會先進行演唱會,之後先係開票環節。Fans除咗投票,更加可以到現場見證結果。呢場活動唔單止有投票收入,公眾睇唔到嘅地方先賺得最多都唔定。下一篇繼續講下總選舉嘅收入。

參考資料:
2016總選舉票數
http://www.sanspo.com/geino/news/20160619/akb16061905010012-n1.html
2017-06-15 18:51:42
一直覺得48group 最撚失敗就係總選,但偏偏從賺錢既角度睇係好成功
2017-06-15 19:35:46
呢隻黑馬真係犀利
2017-06-15 21:24:23
強帖留名
一直都覺得akb團完全係個商業奇蹟
2017-06-16 02:21:32
鬼材
2017-06-16 05:54:19
Lm
2017-06-16 08:58:22
2017-06-16 15:05:14
高質 一追post發現原來聽日就出結果
2017-06-16 15:41:44
高質 一追post發現原來聽日就出結果


仲見到話聽日總選個演唱會取消,因為天雨關係
2017-06-16 15:57:54
高質留名
2017-06-16 16:54:13
前麻里子飯 留名
2017-06-16 21:41:56
聽日暫停睇總選
後日繼續
2017-06-16 21:44:41
今年總選場地係沖繩戶外

但因為好大機會落雨而取消活動
會轉移到室內進行開票

係歷史上第一次無現場觀眾嘅總選舉
睇下營運之後會點拆彈
2017-06-16 22:27:56
會唔會講下乃木坂?
對akb完全無興趣不過係乃木坂忠實fans
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞