[現實中學習] AKB48偶像商業模式

572 回覆
382 Like 8 Dislike
2017-06-02 22:56:33
睇到呢到我覺得係成班無知少女俾人呃9咗去做免費勞工


部分啦

都有部分係有錢女,可能只係當課外活動
2017-06-03 10:46:30
呢個post好好睇 等巴打更新
2017-06-03 20:12:25
(七) AKB體制 – AKB48的主角「Center」

「選拔成員」係AKB48嘅精英,睇名單就可以知道邊啲成員受歡迎,或者係被營運寄予厚望將來可以擔大旗。

但入到選拔係唔係就一勞永逸? 當然唔係,因為每次出新碟,選拔成員都可能會改變,而且選拔成員嘅地位亦有高低之分。

本來一個團隊表演,可以透過編舞令到每個成員都有表現機會。但呢個並唔係AKB48嘅做法。AKB48係採用集中資源策略,集中火力推動部分成員人氣,再靠佢地帶起成個團體。

AKB48編舞一般分幾排企,前排成員會有更多鏡頭,企後排就可能1秒鏡頭都得唔到。而最矚目嘅位置就係最前排嘅中間位(Center),上電視節目表演,Center嘅鏡頭同其他成員有壓倒性嘅差異。

可以參考吓以下MV,應該唔使說明大家都睇得出邊個係Center:
https://www.youtube.com/watch?v=fj6iDHciEmA
AKB48 -ハイテンション (High Tension)

營運刻意賦予Center特別意義,話畀成員同觀眾知,「Center」就係AKB48入面嘅主角。「Center」制為AKB48製造出無數話題,有話題就自然就會有媒體報導,從而提高知名度。

早期AKB48係採用「固定Center」制,主打歌絕大部分都係由 前田敦子 擔任Center(單人或雙人),前田敦子(12年畢業)係現時擔任Center次數最多嘅記錄保持者(22次,計至48th Single),以後應該都好難有人可以超越。固定Center意味住其他成員唔會有機會做主角,當然會引起其他成員嘅Fans不滿。Fans對營運安排嘅選拔人選不滿,營運當然唔會無動於衷,反而策劃出AKB48最成功嘅活動「選拔總選舉」,之後嘅篇章會再詳細介紹。



有吉弘行(左) 前田敦子(右)
From前田敦子ig: https://www.instagram.com/atsuko_maeda_official/

而前田敦子畢業後,AKB48就開始改為非固定Center。下一次到底邊個會做Center,邊個有無資格做Center等等,諸如此類都會成為Fans或媒體嘅話題。

Center係「好多」成員夢寐以求嘅位置,但點解唔係全部? 作為Center,雖然可以得到更多資源,但另一方面,Center係整個團體嘅門面,要獨自背負住整個AKB48(包括所有台前幕後)。承受巨大嘅「壓力」同「責任」,並唔係普通人可以承擔得起。

參考資料:
歷代Center統計(日文): https://matome.naver.jp/odai/2141102387369773701?&page=1
2017-06-03 20:21:11
呢個post好好睇 等巴打更新


多謝支持

其實係AKB48本身就好有趣
有睇開就會發現佢地有源源不絕嘅花生供應
2017-06-03 20:47:33
「選拔總選舉」=> AKB48版嘅「普選」
Center => AKB48版嘅「特首」
2017-06-03 21:13:22
「選拔總選舉」=> AKB48版嘅「普選」
Center => AKB48版嘅「特首」


呢層要睇你覺得特首係唔係只係一個門面

AKB48成員入面仲有總監督/劇場支配人職位
真係有份做下管理
2017-06-03 21:14:06
「選拔總選舉」=> AKB48版嘅「普選」
Center => AKB48版嘅「特首」

no
總選第一可以做center
例如而家進行中嘅第49首單曲總選舉,就係選出呢首歌嘅center
2017-06-03 21:19:48
記得有本書係講akb48既經濟模式

利伸 係圖書館見過個cover
2017-06-03 21:27:57
記得有本書係講akb48既經濟模式

利伸 係圖書館見過個cover

以前揭過兩野 諗住等有時間就睇下
到而加出左坑 都未睇曬本野
2017-06-03 22:00:39
記得有本書係講akb48既經濟模式

利伸 係圖書館見過個cover

以前揭過兩野 諗住等有時間就睇下
到而加出左坑 都未睇曬本野


應該係AKB48的格子裙經濟學?
中文(博客來): http://www.books.com.tw/products/0010574145
日文(Amazon):
https://www.amazon.co.jp/%EF%BC%A1%EF%BC%AB%EF%BC%A2%EF%BC%94%EF%BC%98%E3%81%AE%E7%B5%8C%E6%B8%88%E5%AD%A6-%E7%94%B0%E4%B8%AD-%E7%A7%80%E8%87%A3/dp/4023308722

我個人就未睇過,但本書日文原版比較舊(2010年)
同埋見日本人對本書嘅評價麻麻

其實網上都應該有足夠資料
唔一定要睇書
2017-06-04 20:47:01
(八) AKB48成員的必經之路

究竟點解要做偶像呢,每個成員都可能有唔同答案。而擁有住唔同夢想同個性嘅成員聚埋一齊,就係AKB48。

女性偶像嘅生命非常短暫,可能幾年後就會被更青春嘅人取代。偶像並唔係一個可以做一世嘅職業。

AKB48好比一間學校,畀機會成員去試唔同類型嘅工作,除咗基本嘅歌舞表演外,仲有做綜藝節目、做主持(電視/電台)、拍戲、Model等等,令到成員可以累積經驗同人氣,之後再轉職去實踐自己嘅夢。當成員「畢業」離開AKB48,就係佢地繼續去挑戰或者放棄演藝事業嘅時候。

例如前AKB48代表人物,大島優子(14年畢業)[圖右2],童星出身嘅佢就係以演員為目標而成為偶像:

近期日劇《東京白日夢女》宣傳照
From: http://www.ntv.co.jp/tarareba/

AKB48雖然提供好多機會,但機會係留畀金字塔上層嘅成員,而唔係每一個成員。就算做唔到Center,成員都要以金字塔上層為目標。但究竟要點做先可以爬到上去?

除咗頭三期成員,一般成員都係由研究生做起,接受唔同訓練。而之後條路就開始有分歧。正式成員都唔係每一個人可以做到,有唔少成員直接以研究生身份畢業。原因有好多,可能係被爆出入團前嘅醜聞,又或者體驗到睇偶像同真正做偶像嘅分別而放棄。

要由研究生升格做正式成員都唔容易,好彩嘅話1年內可以升格,唔好彩就要用多過1年。而升格之後,目標就係難度更高嘅「選拔成員」。要成為選拔一定要有「實力」,但偶像嘅實力唔係單純睇唱歌跳舞咁簡單。有好多成員加入幾年,付出所有青春畀AKB48,但都未必做到一次選拔成員就離開。偶像需要唱歌跳舞以外嘅武器。

偶像嘅實力評測係一件困難嘅事,因為偶像並唔等同於歌手!!!

日本娛樂事業分工仔細,歌手專注於音樂,演員專注於演戲,藝人(主要係指搞笑藝人,賺得最多錢嘅多數係節目主持人)專注於綜藝節目,而偶像係綜合工作,樣樣都做而唔專注於某一方面。

偶像嘅成功應該要用人氣嚟計算。用盡一切方法得到觀眾喜愛,就係「偶像」。得到人氣嘅方法有好多,正所謂百貨應百客,唔同類型嘅偶像都會有人鍾意,AKB48成員眾多,正正就有滿足到唔同需求嘅優勢。觀眾鍾意一個偶像可以係因為佢外表好、表演力強、性格好、搞笑等等。

想得到人氣,就要盡全力發揮出自己嘅「個性」,令到自己可以喺觀眾腦海入面「留低印象」。1秒鏡頭都絕對唔會放過,努力去表現自己,咁先係強大嘅偶像。

AKB48歷史入面「得到過」機會嘅成員唔算多唔算少,但當中把握到機會,成功跨越金字塔上層門檻嘅就少之又少。但就算成功可以留喺金字塔上層,其實都只係得到可以喺娛樂圈生存嘅門票。AKB48外面嘅世界更大,其他競爭者更加唔會同你客氣。一條路嘅完結係另一條路嘅開始。
2017-06-04 23:14:22
2017-06-05 00:56:03
2017-06-05 10:10:50
2017-06-05 14:14:18
睇到呢到我覺得係成班無知少女俾人呃9咗去做免費勞工


部分啦

都有部分係有錢女,可能只係當課外活動


根本好多仲係學生...當係 部活活動/ 返part time
2017-06-05 20:19:29
(九) AKB成功之道 – 握手會(1)

如果單獨咁去睇每一個成員,只有極少數成員可以稱得上係成功。但AKB48整體嘅成功,係每一個成員累積返嚟。

親民係AKB48最重要嘅元素之一,想「近距離」見偶像,可以去睇劇場公演。而想再進一步,有「零距離」接觸的話,AKB48有握手會。


*握手會場地
From 節目 《めちゃ×2イケてるッ! 》(2012年)

握手會就係AKB48維持百萬銷量嘅秘密。買碟會附贈握手卷,只要有卷在手就可以見偶像一面,一張卷大約換取到幾秒時間握手。比較狂熱嘅Fans會大量買碟去換更多握手時間,從而推高銷量。

雖然叫做握手會,但除咗握手之外,握手會吸引之處在於可以同偶像「交流」。Fans可以同偶像好普通咁傾下計,又可以叫偶像扮可愛、做電視節目上面做過嘅野/講過嘅對白、問下佢問題等等(但做唔做/答唔答係另一回事)。

「選拔成員」只係團體入面嘅少數,但CD銷量係靠全體成員嘅付出。握手會係整個AKB48都會參與嘅活動。所以只要有Fans去同成員握手,其實都會對CD銷量作出貢獻,即使CD入面嗰位成員無份參與(非選拔成員)。

所以AKB48人數多其實對銷量都有好處。想去同人氣成員握手嘅人非常多,但每場握手會時間有限,根本無可能滿足到所有Fans嘅握手需求。當中部分Fans可能係支持多個成員,咁佢地就會轉去握其他人氣度比較低嘅成員。當整個團體人氣高企,有更多成員就可以提升CD銷量,盡可能滿足握手嘅需求,減少Fans想去握但無得握嘅情況。
2017-06-05 20:50:51
2017-06-06 01:33:18
2017-06-06 01:56:32
lm
2017-06-06 20:02:08
(十) AKB成功之道 – 握手會(2)

握手會除咗畀Fans同偶像交流,亦係偶像吸納自己核心Fans嘅重要活動。

正如之前所講,偶像係一個要用盡一切方法去得到Fans歡心嘅職業。握手會並唔係求其hea下,同Fans講你好跟住byebye嘅活動。假如表現得到好評,就會吸引到更多人去握手,係一個踏實咁去提升人氣嘅方法。

握手會之後,Fans就會喺網上報告各個成員嘅表現。熱心咁回應每一個Fans,令Fans有賓至如歸嘅感覺甚至沉船,就會被稱為「神對應(神対応)」或者「釣師(釣り師)」(識得釣Fans)。而hea應,反應冷淡無哩精神就會被稱為「鹽對應(塩対応)」(有日本Fans上網抱怨同成員 島崎遙香(2016年畢業) 握完手,感覺好似食左一大口鹽咁,因而出現嘅新用語)。


AKB48美顏代表之一 - 島崎遙香 (2016年畢業)
From 日劇《警視廳馬來炒飯課》ig: nashigorenka_ex

或者大家可能會諗,「神對應」一定係好過「鹽對應」,但其實都唔一定(不過「神對應」當然係主流)。都係嗰句,百貨應百客,有唔同類型嘅偶像,同時亦有各式各樣嘅Fans。有人鍾意熱情回應,同時亦會有抖M(日文:ドM – 即係鍾意被虐)嘅Fans,被冷淡回應反而更興奮。

Fans去得握手,其實心入面都有個大概(新成員除外),會有個想像,成員係邊種風格。符合到甚至超乎Fans想像,先係一個可以令到Fans滿足嘅「握手/交流」。所以成員最重要都係要搵適合自己嘅路線,並且貫徹落去,先至可以令Fans沉船。

神對應例子,山本彩:
https://www.youtube.com/watch?v=6vWppnV77xE
*山本彩(NMB48)亦係現時AKB48 Group入面握手券最快賣晒嘅成員
2017-06-06 20:04:13
2017-06-06 20:08:11
彩姐
2017-06-06 22:47:18
彩姐

吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞