(十九) AKB成功之道 –選拔總選舉(6.2)
第五屆(2013年) 總選舉係傳奇嘅一屆。。2013年AKB48踏入換血期,早期嘅重要成員都相繼畢業。原本嘅劇本應該係由渡辺麻友接棒,同大島優子爭冠軍。
*2013年選拔總選舉公式書封面
但現實就係比劇集更曲折離奇,最終結果係指原莉乃爆冷成為第一名。指原克服緋聞嘅打擊,作為補償成功令到整個分團進步(教識一班新人點樣做偶像/拍電視節目)。最後成功超越大島優子。
第四屆(2012年)總選舉前三名票數:
1st指原莉乃 150,570票 | 2nd大島優子 136,503票 | 3rd渡辺麻友 101,210票
AKB48第一個傳奇係,一班只係「普通以上」嘅女仔,捱過一段艱難嘅路蛻變成日本第一女性偶像團體。呢一個傳奇亦都隨住早期成員畢業而落幕。
指原莉乃係延續AKB48傳奇嘅人,2012由人生最高峰跌落谷底再絕地反擊,日後應該都未必有咁大起大落嘅成員。指原莉乃係少數以綜藝為目標嘅成員,喺AKB48入面負責搞笑。講靚有好多成員都比佢靚,如果要大家憑第一印象去為AKB48嘅成員排名,指原莉乃應該會十甲不入。但AKB48總選唔係選美,指原莉乃成為第一名,代表偶像定義已經改變,唔一定要能歌擅舞外貌姣好。亦都印證住「親民偶像」嘅成功。