[現實中學習] AKB48偶像商業模式

音樂質量有冇欣宜咁高

音樂質量有冇欣宜咁高

比例上我覺得差唔多，但唔同類型

正文之前，有個插曲

關於日本音樂銷量榜...

話說今日出咗AKB48最新Single銷量，其實日本音樂銷量，除咗正文入面提過嘅Oricon之外，其實仲有另一個網站可以參考，就係Billboard JP。

唔同嘅榜，收集嘅數據同計算方法當然未必一致。以下就係兩個榜所統計嘅AKB48 48th Single銷量。

Oricon : 121.7萬
Billboard JAPAN: 245.4萬

其實都幾令人無奈，兩者數目相差咗一倍以上。「據聞」係因為Oricon會減去一張單大量購入嘅數量，所以就出現咁大差異。其實好難講一項數據點處理係最好，斬重複購入數一定係有人支持有人反對。只可以話每一個榜都未必反映到事實嘅全部，計算方式只有內部先會知道，數字當係一個「參考」就算，唔一定係準確。



Oricon: http://www.oricon.co.jp/rank/js/d/2017-05-30/
Billborad(yahoo news): https://headlines.yahoo.co.jp/hl?a=20170531-00051608-exp-musi

Lm

(四) 打造親民偶像 – AKB的原點「劇場公演」


AKB48個名點嚟? AKB係日本宅文化聖地秋葉原(AKihaBara)簡稱。而48，就唔太肯定，有2種講法，普遍講法係48係AKB48主要創辦人之一，芝幸太郎(Shiba Kotaro)姓氏楷音。而另一種講法係，48由秋元康直覺諗出黎，無特別意思。

咁點解要用地方簡稱黎做組合名呢? 因為AKB48嘅原點係「劇場」。

https://www.youtube.com/watch?v=iG2pto4ZpHw (劇場介紹影片)

秋元康係秋葉原設立AKB48劇場，一個可以容納250名觀眾嘅表演場地，選擇秋葉原係因為嗰度係宅文化聖地，比較容易吸引到鍾意偶像嘅人。

劇場可以比Fans非常非常近距離睇偶像表演(可參考上面youtube片)。AKB48嘅人氣係一點一滴喺劇場做公演累積返黎，而唔似小貓俱樂部，一開始就透過電視捧紅。

2005年12月8日，AKB48首次進行劇場公演，觀眾只有7人。早期嘅公演非常慘烈，就算免費都未必有人睇，成員甚至要喺街度派傳單宣傳，拉人去睇公演。當時應該無人會想像到佢地日後會成為日本最強勁嘅女子偶像團體。

只有7個人睇公演，咁秋元康點睇? 佢對人數完全唔在意，佢在意嘅係到底嗰7個人鍾唔鍾意AKB嘅表演。佢相信只要有人鍾意，消息就會傳開去，吸引更多人去睇公演。

到咗今時今日，AKB48劇場公演已經每場都爆滿，想睇都要抽籤抽中先買到飛去睇。但劇場門票價格仍然算合理甚，現時成人男性票價大約$220HKD，學生同女性票價大約$150HKD。劇場比演唱會距離近好多，但票價就比較低(當然表演人數或者舞台效果唔及演唱會)。比起賺錢，劇場係一個注重於培育成員同埋維持「親民偶像」概念嘅地方。



下一篇會講下點解AKB48會有咁多人，其實係同劇場公演有關。

參考資料:
劇場入場費: https://ticket.akb48-group.com/home/guide/about_ticketing_AKB.php?sk03=m33qvsinbfb32v4av119du0o83
其實唔同公演項目會唔同價錢，例如研究生公演會比較平

換成香港角度睇，相當於而家主打實驗粵劇嘅油麻地戲院，只係觀眾對象唔同。

巴打讀日研 ？

唔係，但非常鍾意睇日本綜藝節目

你個名做綜藝都幾好

我都覺得佢綜藝幾好先所以推
Btw 對依個topic都幾有興趣 巴打加油繼續

lm

同我以前做既present好似

寫得唔錯

lauming

最終的勝利者只有肥秋填詞填曲n野一手包辦。版權費都足夠過世。

akb系列嘅女賺埋嘅錢又要同n個旗下隊伍對分又要守唔比拍拖乜乜乜

記得要提及我

同我以前做既present好似

咁你present個grade係點

最終的勝利者只有肥秋填詞填曲n野一手包辦。版權費都足夠過世。

akb系列嘅女賺埋嘅錢又要同n個旗下隊伍對分又要守唔比拍拖乜乜乜

秋元康當然係大嬴家

至於成員，其實同整個娛樂圈一樣
出到名就賺好多，唔出名就好霉
好正常

(五) AKB體制 – 初期體制
為左實踐「親民偶像」呢個概念，劇場公演係第一步。可以畀Fans想見就去見。

2005年7月至9月，AKB48招募成員，一共7924人報名，24人合格 (最終正式公布得返20人，大約396人選1人，年齡界乎13至21歲)。佢哋係AKB48「一期生」，AKB48嘅開國功臣。

早期營運方嘅設想係咁，希望團體有48人，分成2隊(每隊24人)輪流進行公演。而之後就改成3隊(每隊16人體制，可能係考慮到只分2隊，成員體力上無法支撐密集嘅公演)。3隊分別為Team A / Team K / Team B。

一期生組成Team A (2005年12月8日開始公演)
二期生組成Team K (2006年4月1日開始公演)
三期生組成Team B (2007年4月8日開始公演)

大家或者習慣於「電視」上嘅偶像團體，一般都係只有幾個人，所以會覺得AKB48好多人。但其實AKB48最初係一個以「劇場」表演為主嘅團體，所以先需要一定人數去維持公演。大部分偶像團體，成員就等同於團體嘅全部。而AKB48就比較似一套模式，AKB48唔單止代表成員，當中仲包括劇場同其他概念。只要維持住AKB48模式，就算成員更替，AKB48都仍然存在。


-秋元康於NHK節目中介紹AKB48模式

其實AKB48間唔中都會有成員流失嘅情況(稱為「畢業」)，根據營運對外所講，畢業時機係由成員自己決定，成員可能係搵到其他目標，又或者已經覺得做唔到落去而選擇離開AKB。

由於要維持公演，所以AKB48會定期招募新成員補充人手。同一批被招募嘅成員會稱為第X期生，頭3期成員比較好彩，全部成員都係正式成員。

由4期生開始，新加入嘅成員都要由「研究生」做起，即正式成員嘅後備。當正式成員因為其他工作而做唔到公演嗰陣，先有機會上台表演。正式成員表演有固定位置，而研究生作為代打，要記住唔同成員嘅舞步，比正式成員辛苦。

初期只有分為研究生同正式成員，成員之間嘅差距未係太大。但隨住時間推移，AKB48成員嘅金字塔就慢慢被堆砌出嚟……

參考資料:
AKB48團體構成:
https://zh.wikipedia.org/wiki/AKB48%E7%B5%84%E5%90%88%E6%A7%8B%E6%88%90
圖片出自NHK節目(2009年) 『追跡！A to Z』 ～ AKB48のビジネスモデルは世界で通用するのか ～ (AKB48的商業模式是否世界級)

(六) AKB體制 – AKB48金字塔

AKB48成員由研究生做起，努力去練習歌舞，再晉升做正式成員，之後又點呢?

我諗大家都知道，要棒紅一個人係非常困難，要長年累月投放資源喺成員身上。更何況AKB48係由一間新公司去經營(AKS - 秋元康同拍檔創辦)。AKB48人數眾多，資源當然唔夠去分畀每一個成員。

(*所謂資源，就係各種工作機會，最直接就係畀機會成員做選拔。另外仲有上電視、電台、雜誌、出寫真等等，可以增加曝光率去提升知名度嘅活動。)

AKB48透過制度，建造出一座金字塔將成員分級，集中資源去棒紅位於塔頂嘅成員。正式成員之上仲有兩級，分別係「選拔成員」同埋位於頂峰嘅「Center」。



對一個團隊嚟講，團結本來係非常重要。但AKB48就背道而行，運用各種制度去加劇團隊內競爭。「選拔」就係其中一個手段，AKB48推出新碟嗰陣，營運會根據唔同人士嘅意見同數據，去揀選大約16-32個成員成為選拔成員去唱主打歌。由於一般上音樂節目都只會宣傳主打歌，亦即係話只有「選拔成員」先有更多機會上電視。

上電視同只係喺劇場表演相比，可以話係天與地。但就算上到電視都唔代表會紅，更何況只係留喺劇場表演嘅成員。要成為一個真正嘅「偶像」，就要攀上金字塔嘅頂部，對大部分成員嚟講都係一條遙遠又艱辛嘅路。

同我以前做既present好似

咁你present個grade係點

a range 不過不失

同我以前做既present好似

咁你present個grade係點

a range 不過不失

咁我可以繼續放膽去寫

睇到呢到我覺得係成班無知少女俾人呃9咗去做免費勞工