[現實中學習] AKB48偶像商業模式

(一) AKB48係一種創新偶像商業模式

AKB48係日本首屈一指嘅偶像團體。如果唔了解佢地，可能就只會有「好鬼多人」嘅印象。

但如果深入去了解AKB48，就會發現到AKB48同一般偶像團體好唔同，佢有一套獨特嘅「偶像經營模式」。

AKB48成立於2005年12月8日，至今11年經歷過無數波瀾，創造左好多歷史，亦都賦予左「偶像」另一種定義。

為左令大家有興趣睇落去，先上一張AKB48最近期Single首週銷量圖:

(Source: *Oricon公信榜 – 日本最具公信力唱片銷量統計)

大家絕對無眼花，網站亦都無出錯。係唱片式微嘅年代，AKB48已經(自2011年)連續27隻Single、總共28隻Single累計銷量達到100萬以上。(但注意，銷量不等同於音樂質量，仲包括埋營銷手法。)


以下落黎，將會同大家講下點解AKB48係非一般偶像。

AKB48偶像文化發展左11年，已經變到一般人難以理解。究竟點解組合有咁多人? 做咩會開劇場? 不斷咁開分團(以xxx48為名)? 戀愛禁止條例? AKB總選舉? 單曲銷量持續破百萬係點做到?

要理解上述問題AKB48，首先要去了解AKB48之父(總製作人)「秋元康」。

參考資料:

歌曲銷量:
https://zh.wikipedia.org/wiki/AKB48%E6%AD%8C%E6%9B%B2%E5%88%97%E8%A1%A8

Single(單曲): AKB48主要以單曲形式發行歌曲，單曲比Album(專輯)樂曲少

(二) AKB48誕生前的「秋元康」

如果對日本演藝界有一定了解的話，應該都會認識秋元康呢個名。

秋元康高中嗰陣就成為放送作家(為電台節目寫劇本)，之後大學期間更加中途退學，專注於放送作家嘅工作。佢嘅事業可以話係一帆風順，工作範圍不斷拓展。除咗放送作家，佢亦都成為作詞人、作家、編劇、電視節目製作人、電影導演等等。

追溯歷史，AKB48並唔係秋元康第一個搞嘅偶像團體。1985年，AKB誕生前20年，秋元康已經成為偶像團體「小貓俱樂部」製作人。小貓俱樂部源自一個秋元康策劃嘅綜藝節目(夕やけニャンニャン | 晚霞貓貓)，一班高中生上電視節目進行甄選加入節目成為偶像，再喺節目入面進行形形色色嘅環節。

小貓俱樂部係一反傳統嘅偶像團體。偶像本身應該係要完美，但小貓俱樂部反而係由一班業餘嘅少女組成，唔係每一個都能歌擅舞。令小貓俱樂部比起一般偶像多出一份真實感同親切感，以致佢地大受歡迎。

小貓俱樂部好快就竄紅，令佢地成為八卦媒體嘅目標，爆出各種醜聞同緋聞，導致人氣下滑。紅得快亦退得快，短短2年多就宣佈解散。解散無幾耐，成員之一高井麻巳子同秋元康結婚，去美國紐約生活居住咗1年半。

雖然小貓俱樂部最後解散，但秋元康嘅成就無止步於小貓俱樂部，咁多年嚟佢都一直喺演藝界打滾。1989年返到日本後，秋元康為傳奇歌手美空雲雀寫出經日本國民金曲《川流不息 (川の流れのように)》。世界三大男高音、鄧麗君都曾經翻唱過。2003年有名鬼片《鬼來電》亦係出自佢手筆。
(川流不息(中文字幕): https://www.youtube.com/watch?v=celHPIjvgKg)

秋元康係一個娛樂界嘅鬼才，佢擁有豐富嘅制作經驗同埋龐大嘅人脈。事隔20年，佢再一次踏入偶像領域。

AKB48嘅故事由此開始。

(三) AKB48之父「秋元康」

上一篇簡介過秋元康做過嘅野，今次會講下佢嘅為人。秋元康作為AKB48掌舵人，只要了解佢，就可以大概明白AKB48究竟係點樣嘅偶像。

如果要我用一句黎介紹秋元康，我會話佢係一個「商業藝術家」。

2013年秋元康拍過紀錄片《貼身！秋元康2160小時~娛樂界是沒有睡眠的~》，跟拍秋元康三個月，了解佢日常工作。

紀錄片入面可以見到佢藝術家嘅一面，佢係個敢於挑戰同創新嘅人，而且會堅持己見，唔容易妥協。AKB其中一個成員就講到:「秋元康勇於做其他人就算諗到都唔敢去做嘅事。」

另一方面，佢嘅創作並唔係以自己作為出發點，而係考慮觀眾到底想要咩進行創作賺錢。但問題係，人好多時都未必表達到自己真正想要咩，通常都係要透過「體驗」先可以理解到自己真正嘅諗法。所以秋元康團隊嘅經營，雖然話係滿足Fans需求，但都唔係完全根據Fans意見行動，而係行先一步去預測Fans想要咩而行動，行錯咗就馬上修正，「貼地」咁經營AKB48。

對於AKB48，佢係不可或缺嘅總製作人，係成個團體嘅大腦。只要同AKB48相關，不論大小事項，佢都有話語權。AKB48所有歌詞都係由佢包辦，另外，選曲、服裝、Single封面、MV拍攝、出演節目制作等等，佢都有決定權同否決權。(但後期利益關係者增加，「傳聞」佢喺AKB話語權不及初期。)

事隔20年，秋元康再一次踩入偶像界，創立AKB48。AKB48係小貓俱樂部嘅進化，AKB48繼承咗小貓「親民偶像」路線。而過去嘅失敗亦令到佢嘅偶像管理更成熟。

時間已經證明咗AKB48模式嘅成功，但可以點延續落去係營運面對緊嘅挑戰。嚟緊嘅篇章，將會剖析一下AKB48模式到底係咩，究竟點解會成功，以及現時AKB48所面對嘅挑戰又係咩。

出完幾篇之後，先戴返實個頭盔

(一) 文章以簡單易明為目標，志在引起大家興趣再自行深入探索
(二) 文章可能會有嘢錯，但我會盡量check，有發現錯希望大家提出更正
(三) 因為耐無寫嘢，更新得會比較慢，但每晚點都會寫一篇，希望之後可以加快
(四) 文係用口語寫，因為係畀用廣東話嘅人睇
(五) 點解唔鬼去娛樂台，要開喺學術台，因為主題係了解AKB48嘅「經營手法」

文會同步喺Facebook更新
[url]https://www.facebook.com/%E9%9B%9C%E8%A8%8A%E7%A4%BE-1095851227136065/
[/url]
最後多謝每一個入嚟睇文嘅人

其實係咪一種捆綁式銷售

即同一個團體入面比好多個人你

但可能我只係鐘意其中一兩個、而其他人又鐘意其他成員

但因為係同一個團體 所以大家一齊支持

可以算係，但更加複雜

成員之間係同伴，又係競爭對手

支持樓主

出完幾篇之後，先戴返實個頭盔

(一) 文章以簡單易明為目標，志在引起大家興趣再自行深入探索
(二) 文章可能會有嘢錯，但我會盡量check，有發現錯希望大家提出更正
(三) 因為耐無寫嘢，更新得會比較慢，但每晚點都會寫一篇，希望之後可以加快
(四) 文係用口語寫，因為係畀用廣東話嘅人睇
(五) 點解唔鬼去娛樂台，要開喺學術台，因為主題係了解AKB48嘅「經營手法」

文會同步喺Facebook更新
[url]https://www.facebook.com/%E9%9B%9C%E8%A8%8A%E7%A4%BE-1095851227136065/
[/url]
最後多謝每一個入嚟睇文嘅人

改返條link，上面fail左
https://www.facebook.com/%E9%9B%9C%E8%A8%8A%E7%A4%BE-1095851227136065/?fref=ts

多謝巴打們支持

以商業模式睇日本流行文化
香港都曾經出過 SuperGear 偶像團體，卻未能持久。

推

世代交接

留名待文
高質

lm
利申：48+46飯

山本彩飯lm

Lm

巴打讀日研 ？

巴打讀日研 ？

hello

巴打讀日研 ？

唔係，但非常鍾意睇日本綜藝節目

你個名做綜藝都幾好

咁多飯入咗嚟

飯其實未必啱睇
可能大部分內容都已經知道

今晚繼續

唔識喎