指原莉乃雖然成為第一名，但當時佢唔係一個受所有人認同嘅偶像。指原曾經出過醜聞(加入後拍過拖，前男友向文春爆料)，而且係綜藝搞笑角色(會做/講好多一般偶像唔會做/講嘅野)。一個唔多似偶像嘅人打敗原本嘅王者大島優子。激起新嘅爭鬥，由「官推」對「民推」轉變成，「王道」偶像對「邪道」偶像。
*王道: 傳統印象形成，被認為係正確/正路
邪道: 非傳統，並未受大眾接受
第五屆總選舉同年(2013年)12月31日，大島優子喺【NHK紅白歌唱合戰】入面宣佈畢業，早期嘅兩位王者都離開AKB48。第六屆總選舉係渡辺麻友(王道)同指原莉乃(邪道)之爭。
連任總選第一係一件困難嘅事。上一年做到第一之後，Fans嘅士氣未必會咁高漲。而且指原莉乃第六屆總選速報第一，更加刺激反對佢嘅人投票畀渡辺麻友。最終渡辺麻友成功打敗指原成為第一名。
第六屆(2014年)總選舉前三名票數:
1st渡辺麻友 159,854票 | 2nd指原莉乃 141,954票 | 3rd柏木由紀 104,364票
第七屆總選舉，唔單止係指原同麻友之爭，柏木由紀亦都票數大增。最終都係由指原重奪第一名。比較特別嘅係AKB48嘅靈魂人物 — 高橋南 宣佈畢業，最後一次參選。高橋南係AKB48嘅「總監督」，即係AKB48所有成員嘅領袖。雖然佢對AKB48非常重要，作出莫大嘅貢獻，但最終得票137,252(第六屆57,388，票數增加一倍有多)，只係拎到第4名。要做到第一名真係一件好困難嘅事。
第七屆(2015年)總選舉前三名票數:
1st指原莉乃194,049票 | 2nd柏木由紀 167,183票 | 3rd渡辺麻友165,789票
直到第七屆，總選舉都無出現過第一名連任。令到總選舉非常精彩，結果無法預計，所以先更加令人想去參與呢場活動。
我仲慢慢睇緊
