廣東話問題,你問我答

436 回覆
198 Like 2 Dislike
2016-12-13 21:38:41
留名
2016-12-13 22:03:40
留名
2016-12-13 22:25:55
pish
2016-12-13 22:26:49
2016-12-15 00:32:30
廣東話係咪全世界最難學嘅語言?

我噉問得就梗係唔會係啦。

不過我要強調,世上任何語言都有咁上下難度。就算只係要學識基本溝通,都唔係易事嚟。

一隻語言難唔難學,要睇幾樣嘢 ① 你嘅母語同目標語言嘅差距 ② 有冇資源 ③ 講呢隻語言嘅人多唔多、肯唔肯同你講。

對於以前嚟到香港嘅移民嚟講,廣東話算係好易學嘅語言。因為 ① 北京話、上海話、客家話、潮州話呢啲語言同廣東話嘅差距唔算好大,估估吓就明,情況就好似法國人學西班牙文、烏克蘭人學俄文噉。 ② 勁多資源,打開收音機、電視就係廣東話 ③ 周圍嘅廣東人唔理你講咩話,都係會同你講廣東話。

對而家嘅香港南亞裔嚟講呢?都唔算好難學。差距當然好大,但係都算係有少少資源,而周圍嘅人如果唔係同鄉,又唔識講 Urdu,噉大家都係會用廣東話輔以英文,都有好多機會聽。

對於喺香港嘅 Expat 呢?其實都唔難。 ③ 呢方面,大家知道你係 Expat 就會同你講英文。不過資源都仲係多過世界上大部份語言。

----
大家可能會話,廣東話啲聲調好難喎,好難學得準喎。要發音準,我諗全世界嘅語言都係難嘅。不過廣東話嘅聲調冇大家諗得咁緊要。好多香港人(土生土長母語係廣東話嘅香港人)只係得五個聲調,而部份粵語嘅方言(好似石岐話)只係得四個聲調,搞錯聲調其實一般都冇咩太大問題。

好多學習者其實係 ① 唔夠詞, ② 未識啲深少少嘅 grammar。大家未必意識到係呢兩個問題,就歸咎係廣東話太多slang,變得太快,聲調太難。詞彙量同語法學唔好,其實聲調點準,學幾多俗語,都唔會聽得明。
2016-12-15 00:42:01
2016-12-15 02:24:33
冇左邊個調而得番五個聲調?
2016-12-15 07:42:26
冇左邊個調而得番五個聲調?

有啲人係 2 5 合併咗(柚友、屎市不分),有啲人就 3 5 合併咗(線鱔、意以不分)。
2016-12-15 12:36:11
5p個甘應該係'咁'定'噉'

如果想區分兩者,傳統上 gam2 (同敢同音)寫做,gam3 (同禁同音)寫做或者
我覺得一係就分清 噉 vs. 咁,唔想分的話,可以一律寫 咁。

想分清但係真係睇唔慣個'噉'字
其實你覺得要標準化廣東話嘅話
呢啲使用習慣上嘅差異可以點解決呢
始終冇一個公認嘅權威
你話噉先啱我就話是鳩但
咁就總有啲人唔會服嘅
求賜教


我唔主張夾硬定一個標準寫法,而係要鼓勵大家用自己方式大量寫文。邊個寫嘅文多人睇,佢嘅寫法就會變通用嘅寫法。

寫法唔確定嘅字,佔日常1%都冇,其實就好似以前異體字 回囙囘 噉,只要大家唔好否定其他寫法,盡量唔標其立異,慢慢大家會揀定一兩個。

樓主你成日話唔需要正字呢個概念,只要人多睇得明就可以係通用寫法,但係教育同埋媒體成日同我哋講,糾正錯別字,最緊要正字或者懶音問題。
睇到我好混亂,究竟應唔應該執著寫法?
如果見到人哋寫咗同音字/ 第二個字,應唔應該糾正?
而家好多人覺得,「我寫出嚟你睇得明就得啦」,係咪可以接受?
常見情況例如「提意」「枝裝汽水」「型式」
「食左野」「送比你」
2016-12-15 12:43:23
「格烙底」「茄喱啡」呢啲詞係點樣嚟?

說話最尾嗰啲助語詞,例如「唔係㗎」「係好玩嘅」「唔係噃」「我都唔知添」「就係咁㗎喇喎」
其實又點嚟?點解唔同組合會有唔同意思?
2016-12-15 12:44:39
劉一劉明
2016-12-15 12:57:54

廣東話係我母語~
好多學者做過各地粵語嘅研究,隨手都搵到三幾百人。好多大家成日問嘅問題,其實好多一早已經有人描述過。如果有興趣睇多啲,作為入門,可以睇睇張洪年嘅《香港粵語語法的研究》。


廣東話都係我母語,但相比起你,我啲廣東話水平直頭不值一提
多謝你提供本書,我會去書局搵吓

要分開語言嘅知識,同關於語言嘅知識。廣東話水平,大家都係母語,唔會相差好遠。只不過我知道多少少關於廣東話嘅嘢。呢啲係專門知識,唔係是必會知~


咁我想學多啲廣東話應該點做?
有時查字典睇讀音,以「雋」字為例,字典教「時軟切」我睇完都唔知點讀
而且好多時候廣東話嘅字喺字典直頭冇

喺現今呢個時代,土共不停滅粵,我都好希望自己識多啲,再傳承畀下一代,等廣東話唔會畀人消滅

「時軟 切」
呢種標音方法叫「反切」,其實好簡單
時 si4 + 軟 yun3 = 雋 syun3, 音同「算」

有時會另外搵隻字標個調,不過我多數唔理

不過中大話讀「進」,但雋永我讀開syun3 wor,都唔知信邊個啦
2016-12-15 13:19:54
想再問,同上面例題之一有關,點解普通話個羅馬拼音同本身發音幾乎一樣,但粵語用英文讀個拼音就點都係有距離?例如郭係kwok,點解唔係gwok? 張係cheung,點解唔係zheung?

其實唔係大陸拼音似實際發音,而係大陸拼音用自己嘅發音習慣去定義每一隻字母。

好簡單嘅例子:
Sport 入面個 p 字,究竟係發 p 音定 b 音?
Skirt 入面個 k 字,究其係發 k 音定 g音?

相信好多人都會答後者,但其實pk始終係pk。

/spɔːt/
/skəːt/

仲有t d音之分,如start等字,s z音更加唔洗講

原因就係大部分漢語分支都冇清濁音之分。我哋理解嘅 p b 分別係用 送唔送氣嚟分,而其實p b 本身係用聲帶振動程度去分。

如果有接觸下日文,應該好易明,好簡單,諗下arigato個to音。

日文幾乎唔會理送唔送氣,
而英文咁啱清音多數送氣,濁音多數唔送氣,所以大家多數唔覺有呢個阻礙
2016-12-15 14:47:06
樓主你成日話唔需要正字呢個概念,只要人多睇得明就可以係通用寫法,但係教育同埋媒體成日同我哋講,糾正錯別字,最緊要正字或者懶音問題。
睇到我好混亂,究竟應唔應該執著寫法?
如果見到人哋寫咗同音字/ 第二個字,應唔應該糾正?
而家好多人覺得,「我寫出嚟你睇得明就得啦」,係咪可以接受?
常見情況例如「提意」「枝裝汽水」「型式」
「食左野」「送比你」


其實我現實啲,並唔係要接受一切錯別字,而係主張啲未有定案嘅字,點寫都得。有兩三個俗寫嘅字,唔一定要取締剩一個。大家太過注重正字,反而引咗一班外行(曾焯文、陳雲、彭志銘等人)推廣生僻字、偽正字,好唔健康。
2016-12-15 18:26:56
樓主你成日話唔需要正字呢個概念,只要人多睇得明就可以係通用寫法,但係教育同埋媒體成日同我哋講,糾正錯別字,最緊要正字或者懶音問題。
睇到我好混亂,究竟應唔應該執著寫法?
如果見到人哋寫咗同音字/ 第二個字,應唔應該糾正?
而家好多人覺得,「我寫出嚟你睇得明就得啦」,係咪可以接受?
常見情況例如「提意」「枝裝汽水」「型式」
「食左野」「送比你」


其實我現實啲,並唔係要接受一切錯別字,而係主張啲未有定案嘅字,點寫都得。有兩三個俗寫嘅字,唔一定要取締剩一個。大家太過注重正字,反而引咗一班外行(曾焯文、陳雲、彭志銘等人)推廣生僻字、偽正字,好唔健康。

明晒, 唔該巴打
2016-12-15 18:30:48
想問個"鶴"字
廣東話讀有時會變調變做第二聲
但鶴係入聲字唔係應該得 7,8,9 聲架咩 點解會變個第二聲出尼


粵語入面,入聲字嘅漢字音只得陰入(55),中入(33),陽入(22)三個調值,傳統上為咗同中古音對應,叫咗佢哋做⑦⑧⑨。但係粵語嘅聲調系統入面,①⑦,③⑧,⑥⑨其實係同一個調,所以如果視粵語為獨立語言,其實粵語嘅系統只得六個聲調,⑦⑧⑨ 只係一套冗餘嘅叫法。

如果唔睇漢字本身嘅讀音,粵語嘅小稱變調(人日 jat2、有賊 caak2、塘邊鶴 hok2)、擬聲擬態詞(𠽌𠽌聲 syut4 syut2 seng1)、借詞(medic met1 dik2,physics fi1 sik4),入聲音節可以有 5個聲調。但係我哋又冇理由叫多出呢兩個做「第10聲」、「第11聲」。

所以唔係「多咗第二聲出嚟」,而係入聲字同非入聲字嘅分別唔在於聲調,因為有人拆咗7,8,9三個聲調名出嚟,先至引起混亂。

「廣東話係六個聲調定九個聲調」
呢個問題可唔可以講多啲?
同埋上面呢段嘢唔係好睇得明啲「陽」「陰」「入」?
六聲「詩史試時市事」我就識
2016-12-15 19:56:56

「廣東話係六個聲調定九個聲調」
呢個問題可唔可以講多啲?
同埋上面呢段嘢唔係好睇得明啲「陽」「陰」「入」?
六聲「詩史試時市事」我就識


123聲 陰平陰上陰去
456聲 陽平陽上陽去
789 陰入中入陽入
2016-12-15 20:17:17

「廣東話係六個聲調定九個聲調」
呢個問題可唔可以講多啲?
同埋上面呢段嘢唔係好睇得明啲「陽」「陰」「入」?
六聲「詩史試時市事」我就識


123聲 陰平陰上陰去
456聲 陽平陽上陽去
789 陰入中入陽入


789係136嘅縮短版 入聲姐係喺個字嘅最尾會有個oral stop(p/t/k)令你無辦法再送氣 簡單d黎講姐係你唔可以拉長個字黎讀
例如
日係9聲(唔可以拉長黎讀,去到jat個t字個陣就無辦法再拉長讀落去)
廿係6聲(可以無限拉長個音)
如此類推
唔知會唔會反而複雜左
至於陰陽我都唔識,因為我係學IPA唔係粵拼
2016-12-15 20:50:15
推左先講
2016-12-15 21:33:21

「廣東話係六個聲調定九個聲調」
呢個問題可唔可以講多啲?
同埋上面呢段嘢唔係好睇得明啲「陽」「陰」「入」?
六聲「詩史試時市事」我就識


123聲 陰平陰上陰去
456聲 陽平陽上陽去
789 陰入中入陽入


789係136嘅縮短版 入聲姐係喺個字嘅最尾會有個oral stop(p/t/k)令你無辦法再送氣 簡單d黎講姐係你唔可以拉長個字黎讀
例如
日係9聲(唔可以拉長黎讀,去到jat個t字個陣就無辦法再拉長讀落去)
廿係6聲(可以無限拉長個音)
如此類推
唔知會唔會反而複雜左
至於陰陽我都唔識,因為我係學IPA唔係粵拼


粵拼冇咁多複雜嘢。

如果淨係睇粵語嘅系統,噉知道粵語有六個聲調就夠。話有九個、十一個、十三個嘅人,有啲係為咗用傳統調類接軌、有啲覺得多聲調威啲。簡單複雜化除咗自high,冇咩好處。
2016-12-15 22:15:30
[鴨]屎啦你 (叫人食屎個鴨)點寫
2016-12-15 22:24:48
留名
2016-12-15 23:04:12
[鴨]屎啦你 (叫人食屎個鴨)點寫


好多人寫「吔」
2016-12-15 23:06:20

要分開語言嘅知識,同關於語言嘅知識。廣東話水平,大家都係母語,唔會相差好遠。只不過我知道多少少關於廣東話嘅嘢。呢啲係專門知識,唔係是必會知~


咁我想學多啲廣東話應該點做?
有時查字典睇讀音,以「雋」字為例,字典教「時軟切」我睇完都唔知點讀
而且好多時候廣東話嘅字喺字典直頭冇

喺現今呢個時代,土共不停滅粵,我都好希望自己識多啲,再傳承畀下一代,等廣東話唔會畀人消滅

「時軟 切」
呢種標音方法叫「反切」,其實好簡單
時 si4 + 軟 yun3 = 雋 syun3, 音同「算」

有時會另外搵隻字標個調,不過我多數唔理

不過中大話讀「進」,但雋永我讀開syun3 wor,都唔知信邊個啦


雋 俗讀一向係「進」。讀「算」係韻書音,近年啲人跟何文匯嗰套先至多咗人用。(仲有陳奕迅都有用)
2016-12-15 23:32:26
點解奶野叫做奶野
有得奶唔你好事黎架咩
吹水台自選台熱 門最 新手機台時事台政事台體育台娛樂台動漫台Apps台遊戲台影視台講故台健康台感情台潮流台上班台財經台飲食台旅遊台學術台校園台汽車台音樂台創意台硬件台攝影台玩具台寵物台軟件台活動台電訊台直播台站務台成人台黑 洞