廣東話問題，你問我答

lm

擇洗 會唔會係解 洗錢嘅時候要限住限住揀過擇過先買?

咁就擇洗=令自己陷入好似上面咁嘅麻煩情況

語源通常有好多講法，好多時大家都係亂估。有人話係「責住啲嘢」個 zaak6 ，唔係選擇個擇。

唔好太介意來源，因為眼見都未為真。知道現存嘅講法就夠

半個填詞撚表示個post好有用
半個鐘追曬
係時候惡補粵拼

多謝。半個鐘追晒即係我推得唔夠密...

學粵拼遇到咩問題隨時搵我

以前睇TVB播妙趣廣州話
發覺有啲詞彙，例如盞鬼咁，宜家已經少人用
有啲咩地方可以學得番？

同多啲叔父輩傾偈，睇多啲粵語殘片～

想問下同吓嘅書寫口語用法



如果打咗條友"一__"

應該用"一吓"定"一下"?

好多粵語文獻習慣寫做「吓」，用嚟同「上下」個下分開，不過有跟北方話做法寫做「下」，會滿足到啲唔鍾意咁多口字邊嘅人。我冇咩立場，大家寫多人啲粵文，多啲出版，過一兩年就會有一款跑出。

樓主點睇「中意」同「鍾意」？

上網睇到有人話鍾意=喜歡，中意=滿意/合意，又睇到有人話中意係鍾意嘅正寫，搞到我好混亂 。

一定係鍾意

以前好多人推「中意」，覺得似樣啲。十幾年前我幫手整粵英詞典，兩個寫法丁當馬頭，而家「鍾意」明顯跑出咗，大家寫「鍾意」好啲。

「你食屎啦」grammar上就緊係啱
但香港人似乎興講「食屎啦你」多啲 , 咁呢句喺grammar上啱唔啱？

或者咁問，百幾年前有無人講「XX啦你」咁樣？

同埋係「緊係」定「梗係」?

啱唔啱grammar係由講呢隻語言嘅人判斷，唔使問專家。

你食屎啦。
　食屎啦你。
*　　屎啦你食。
*　　　啦你食屎。

上面應該頭兩句大部份粵語人覺得合語法，後兩句唔合。粵語可以將非焦點嘅嘢後移，叫做 right dislocation。要概括的話：內嵌最深嗰一句嘅主動詞（唔包括「會」「要」呢啲情態動詞）之前嘅所有成份都可以移到句尾。例：

今日我想［VP去銅鑼灣行街］呀
-->
去銅鑼灣行街呀今日我想

好撚pro,原來有rule

再 pro 啲都有。我有個朋友佢研究咗兩年呢個現象。即係人哋問佢研究啲乜，佢可以話就係研究點解粵語講得「訓啦柒頭」「食屎啦你」。

屌 呢個字除左解（好勁/屌人/粗口）之外
仲有冇其他意義 順便講下個屌字既產生/起源

最後一個四字成語係咩
好耐冇更新過

呢個問題好正，整理好我再答你（唔知要幾耐 ）。
簡短答案：四字成語係整理出嚟嘅嘢，用典嘅先至算成語。用啲近幾百年嘅嘢，就算係工整嘅四字格，大家都唔會覺得係用典，於是就冇人當係成語。

屌 呢個字除左解（好勁/屌人/粗口）之外
仲有冇其他意義 順便講下個屌字既產生/起源

「鳥」字喺中古音系統本身讀「都了切」，本身解雀仔，後尾兼指男人嗰條。宋代開始寫性器官嘅意思做「屌」（易明易記呀），而雀仔呢個意思呢，有啲地區就讀另一個音避俗。

喺粵語變咗做動詞，呢個係後話。

Btw 我係斯文撚，講粗口會打冷震㗎。

睇睇 https://www.byvoid.com/blog/bh-diao-cao

想問吓，廣東話/粵文係咪中文（漢語）嘅一種方言？

另外，廣東話同粵文有冇分別 因為我聽過一種講法話 廣東話係粵文嘅一個方言(分支）

求解答

大家唔使太執著方言定唔係方言嘅區別。

東亞有一堆語言，詞彙語法都幾相似，大家覺得呢堆語言有個共同祖先，而成組語言學術上叫「漢語」。漢語再向上掃，又而漢藏語系，漢語支底下又分好多支，有官吳粵閩客贛湘徽晉平，粵語底下又分好多支。粵語大部份成份係漢語，所以學術界會視佢係漢語方言。（普通話都係漢語方言。）

廣東話一般指可以同香港澳門廣州呢三個地方嘅粵語交流嘅粵語。

粵文係好新嘅事物，指用粵語做正規書寫呢套文字。

粵語係個統稱，底下有好多其他語言。

追哂
上面見到「冚」埋本書係用「冚」啦，咁我想請問下「冚」家鏟係咪都係呢個「冚」？
另外想問問有冇聽過「個（果）濟」呢個詞？有聽過啲老一輩講，請問係點解？ Thanks

Lm

屌你高質

等我話你知咩叫眼前一黑啦！

—劉明

講野「中肯」 意思係 講野好中立, 不偏倚抑或解 講野好中要害, 一矢中的咁?
同埋「中肯」正確讀法係點? 之前聽過話好似係讀「種」「海」咁上下

lm

強帖留名

Live左 [size=3]
認真想問學粵拼有咩方法？試過好幾次都係覺得好難將啲聲韻母記住

Play toy嘅粵語係經該寫
「挽玩具」定「玩玩具」？

挽（waan2）點都會似過玩（wun3/waan4挽）啦

想問個"鶴"字
廣東話讀有時會變調變做第二聲
但鶴係入聲字唔係應該得 7,8,9 聲架咩 點解會變個第二聲出尼

粵語入面，入聲字嘅漢字音只得陰入（55），中入（33），陽入（22）三個調值，傳統上為咗同中古音對應，叫咗佢哋做⑦⑧⑨。但係粵語嘅聲調系統入面，①⑦，③⑧，⑥⑨其實係同一個調，所以如果視粵語為獨立語言，其實粵語嘅系統只得六個聲調，⑦⑧⑨ 只係一套冗餘嘅叫法。

如果唔睇漢字本身嘅讀音，粵語嘅小稱變調（人日 jat2、有賊 caak2、塘邊鶴 hok2）、擬聲擬態詞（𠽌𠽌聲 syut4 syut2 seng1）、借詞（medic met1 dik2，physics fi1 sik4），入聲音節可以有 5個聲調。但係我哋又冇理由叫多出呢兩個做「第10聲」、「第11聲」。

所以唔係「多咗第二聲出嚟」，而係入聲字同非入聲字嘅分別唔在於聲調，因為有人拆咗7,8,9三個聲調名出嚟，先至引起混亂。

「廣東話係六個聲調定九個聲調」
呢個問題可唔可以講多啲？
同埋上面呢段嘢唔係好睇得明啲「陽」「陰」「入」？
六聲「詩史試時市事」我就識

有人叫我???

Live左 [size=3]
認真想問學粵拼有咩方法？試過好幾次都係覺得好難將啲聲韻母記住

試下張粵拼當做英文譯音先

廣東話拼音：
英：Kong Tung Wa Ping Yam
粵：Gwong Dung Waa Ping Jam

佢覺得好樣衰：
英：Kui Gok Dak Hou Yeung Shui
粵：Keoi Gok Dak Hou Joeng Seoi

不過我平時打字會用返耶魯（Yale）拼音，會容易啲上手：
廣東話拼音：
Gwong Dung Wa Ping Yam
佢覺得好樣衰：
Keui Gok Dak Hou Yeung Seui

樓主點讀呢個字: 尻

大家見到應該都係日文 おしり （粵：籮柚）嘅漢字。有啲人讀鳩，有啲人查韻書讀做烤，有啲人避俗讀做後。

尻喺後面讀做後都幾啱feel，生僻字跟韻書最少爭議（反正淨係日本人名地名用）。是但揀啦。

我睇一眼讀做hau1

Play toy嘅粵語係經該寫
「挽玩具」定「玩玩具」？

挽（waan2）點都會似過玩（wun3/waan4挽）啦

眞心硬膠
返5p啦你
文白異讀啊