廣東話問題，你問我答

寫法適當與否，我諗係靠不斷寫不停試，慢慢撞出嚟。有啲嘢靠少部份人堅持，有啲嘢靠大家適時修正，汰弱留強，就算冇一個大台喺度，一樣可以慢慢形成一套標準（仆，forthcoming）。所以個別嘅寫法，好似「噉」「咁」嘅分別，我反而唔係太執着，只不過係我習慣咗

輸入法方面，我係用倉頡嘅。原因係我本身打英文好慢，粵拼輸入法又未有啱使嘅詞表。

Medium 有好多用粵文寫作嘅朋友，好多正嘢睇，強烈推薦

大部份vs小部份
多數vs少數
雖然意思⋯

請問有咩可以幫到你？

如果你覺得兩個字有啲唔同音，只係覺得讀出嚟好似，間中會撈亂，下面嘅資訊或者幫到你：

椅係 2
耳係 5
（ji4 係 兒）

分別在於「椅2」會升到勁高，「耳5」就只係升到「意」嘅高度。
前者拉長會係「椅衣衣衣衣」，後者會係「耳意意意意」

有啲人係完全冇咗兩個調嘅分別，完全唔再有對立。如果你屬於呢個族群，你係點讀都唔會讀得出分別。

有啲個人差異，亦都睇下你嘅口音要唔要求嚴格區分。我嘅口音就分得好開，耳讀咗做椅會好哽耳。讀得快都分得好清楚。（反而「耳」似「意」多啲）

有冇啲粵英對照嘅source？
做緊啲NLP嘢，唔夠data。。。

十世唔睇連登噉都俾我揾到
做NLP嘅話粵語係嚴重唔夠DATA～啲材料係用錢用血汗換返嚟。
其中一個 potential 嘅材料來源係 TVB 劇集嘅英文字幕 + 對白 transcript。如果真係咁得閒收集嘅話，公開咗佢就公德無量。

有啲人係完全冇咗兩個調嘅分別，完全唔再有對立。如果你屬於呢個族群，你係點讀都唔會讀得出分別。


係有科學根據先天問題?係咪放棄算

要學識自己本身冇嘅對立，有啲痛苦
科學根據淨係話難啲，冇話冇可能

流行曲用粵文寫，係咪就會感覺冇咁「文雅」？

間唔中見到有零星詞語用廣東話。但全首或大部分用粵文，而又唔俾人感覺市井嘅，好似冇乜。

語言嘅觀感係靠經歷累積返嚟
如果大家見親粵文都係粗俗或者搞笑
自然唔會覺得佢係文雅

要搣甩個市井感都係要靠不斷試不斷用