廣東話問題，你問我答

請問巴打「諗」係咪正字？

「有D悶個D應該寫啲定係尐」

答：廣東話嘅詞語，寫法並冇一套明文標準。呢一個係世上大多數語言嘅狀況－－標準唔係由上而下去制定，而係靠約定俗成。

「啲」係喺傳統嘅「的」字加個口字邊，同「D」一樣係比較普遍嘅寫法。
「尐」本身嘅讀音係 zit3（折、哲），古書出現過，解釋係「少」，亦都喺5P興過一排，用嚟代替個「少」字。

用「尐」寫「dit」首先係孔仲南喺《廣東俗語考‧釋情狀》提出，但係孔氏亦都欠缺現代語言學知識，考據方法有問題。後尾彭志銘、曾焯文等人奉「尐」為正字，用咗嚟寫 di1，近幾年曾焯文喺網上推廣得多，突然多咗好多人用。

兩個寫法都有時代背景，我唔會話新造就唔好，舊嘅一定好。不過「啲」大家都明，「尐」大家唔知做乜鳩。所以大家都係寫「啲」啦。

順帶一提，「啲」歷史上好有可能係「水滴」嘅「滴」

「尐」字咁撚肉酸, 稍有美感嘅人都唔會用 成隻字企唔穩好似就黎仆街咁

想問巴打「 "lee"個」嘅"lee"正字係咩？

非漢語詞，冇本字、正字。
傳統上寫做「呢」，都有人寫「哩」、「依」。
下面係 Eitel 1877 年字典嘅例句，寫做 「呢」

乜咁糧貴笑左

乜咁撚貴

想問濕立立同黐立立
係咪寫濕𣲷𣲷同黐𥹉𥹉
粵典淨係search到𣲷

想問個"鶴"字
廣東話讀有時會變調變做第二聲
但鶴係入聲字唔係應該得 7,8,9 聲架咩 點解會變個第二聲出尼

唔怪之得?
唔怪得之?

「有D悶個D應該寫啲定係尐」

答：廣東話嘅詞語，寫法並冇一套明文標準。呢一個係世上大多數語言嘅狀況－－標準唔係由上而下去制定，而係靠約定俗成。

「啲」係喺傳統嘅「的」字加個口字邊，同「D」一樣係比較普遍嘅寫法。
「尐」本身嘅讀音係 zit3（折、哲），古書出現過，解釋係「少」，亦都喺5P興過一排，用嚟代替個「少」字。

用「尐」寫「dit」首先係孔仲南喺《廣東俗語考‧釋情狀》提出，但係孔氏亦都欠缺現代語言學知識，考據方法有問題。後尾彭志銘、曾焯文等人奉「尐」為正字，用咗嚟寫 di1，近幾年曾焯文喺網上推廣得多，突然多咗好多人用。

兩個寫法都有時代背景，我唔會話新造就唔好，舊嘅一定好。不過「啲」大家都明，「尐」大家唔知做乜鳩。所以大家都係寫「啲」啦。

順帶一提，「啲」歷史上好有可能係「水滴」嘅「滴」

追睇緊
唔該請繼續

琴日定尋日

留名

留名

請問巴打「諗」係咪正字？

諗肯定唔係本字，但係唔好太執着一隻字係咪正字。「諗」係而家最通行嘅寫法，可以當係新出現嘅形聲字，大家可以放心用。
我都見過有人用「惗」，不過冇「諗」咁流通。

想問濕立立同黐立立
係咪寫濕𣲷𣲷同黐𥹉𥹉
粵典淨係search到𣲷

「𣲷」同「𥹉」發音相同（都係nap6），但係兩個寫法都唔常用。我唔主張夾硬區分表示「濕」嘅「𣲷」同表示「黐」嘅「𥹉」。不過作為其中一個寫法，我遲啲會加返「𥹉」落去。

唐朝嘅人係咪講廣東話
想知

第七至九聲同前六聲有咩分別

想問個"鶴"字
廣東話讀有時會變調變做第二聲
但鶴係入聲字唔係應該得 7,8,9 聲架咩 點解會變個第二聲出尼

粵語入面，入聲字嘅漢字音只得陰入（55），中入（33），陽入（22）三個調值，傳統上為咗同中古音對應，叫咗佢哋做⑦⑧⑨。但係粵語嘅聲調系統入面，①⑦，③⑧，⑥⑨其實係同一個調，所以如果視粵語為獨立語言，其實粵語嘅系統只得六個聲調，⑦⑧⑨ 只係一套冗餘嘅叫法。

如果唔睇漢字本身嘅讀音，粵語嘅小稱變調（人日 jat2、有賊 caak2、塘邊鶴 hok2）、擬聲擬態詞（𠽌𠽌聲 syut4 syut2 seng1）、借詞（medic met1 dik2，physics fi1 sik4），入聲音節可以有 5個聲調。但係我哋又冇理由叫多出呢兩個做「第10聲」、「第11聲」。

所以唔係「多咗第二聲出嚟」，而係入聲字同非入聲字嘅分別唔在於聲調，因為有人拆咗7,8,9三個聲調名出嚟，先至引起混亂。

唔怪之得?
唔怪得之?

喺香港粵語，表示「No wonder」、「難怪」、「無怪乎」呢個意思嘅轉折詞，有好多個好接近嘅講法：

【四字】唔怪得之／唔怪之得／怪唔得之／怪唔之得
【三字】唔怪得／唔怪之／怪唔之／怪唔得／怪之得

最近有人問起，四字版嗰四個講法，邊個先至啱。我要強調呢啲嘢唔會有一個係「絕對正確」。語言隨時間演變，常用嘅詞有幾個講法一啲都唔奇。不過我哋都可以睇下邊個講法早啲出現，邊個講法遲啲出現嘅～。

See More:
http://style.vjmedia.com.hk/2016/03/23/15443

留名

擇使 係咩意思？

一般意思係「麻煩；難搞；唔容易處理」，語源有好多講法，不過唔肯定嘅我就唔亂估嘞。

琴日定尋日

喺香港兩個都好多人講，一般人會講嘅嘢，唔使深究邊個有先呀、邊個係正統呀 呢啲問題。大家放心用就得。

巴打真係好勁
你啲廣東話邊度學？我都想學呀

點睇框式結構

巴打真係好勁
你啲廣東話邊度學？我都想學呀

廣東話係我母語～
好多學者做過各地粵語嘅研究，隨手都搵到三幾百人。好多大家成日問嘅問題，其實好多一早已經有人描述過。如果有興趣睇多啲，作為入門，可以睇睇張洪年嘅《香港粵語語法的研究》。