廣東話問題，你問我答

試下用九個音調讀下樓主個網名

有咩倒裝句？

瞓啦柒頭
（廣東話可以將所非焦點移到原句之後。如果做「你叫邊個瞓話？」嘅答案，柒頭係焦點，就唔可以移位）

英文嘅語法入面倒裝係另一樣嘢，呢度唔傾英文

點睇漢語拼音化

漢語拼音係整俾普通話用，講廣東話嘅人最好學返粵拼抗衡吓。

係邊 定 起邊

點睇漢語拼音化

漢語拼音係整俾普通話用，講廣東話嘅人最好學返粵拼抗衡吓。

但粵拼都係羅馬字母
點解唔用傳統注音方法
譬況、讀若、直音、反切

因為呢啲唔係為粵語而設嘅系統，會有冗餘（例如好多聲母粵語冇區分），有好多音表達唔到。

另外對學習者亦唔方便：反切、直音係要掌握粵語嘅人先用到。啱啱學嘅人冇咩可能用得嚟。

而讀若、直音、反初都唔可以用嚟輸入漢字。

但粵拼都係羅馬字母
點解唔用傳統注音方法
譬況、讀若、直音、反切

因為呢啲唔係為粵語而設嘅系統，會有冗餘（例如好多聲母粵語冇區分），有好多音表達唔到。

另外對學習者亦唔方便：反切、直音係要掌握粵語嘅人先用到。啱啱學嘅人冇咩可能用得嚟。

而讀若、直音、反初都唔可以用嚟輸入漢字。

輸入漢字?你意思係鍵盤上打?
已經有速成/倉頡 輸入漢字唔成問題
粵拼係畀外國人學習用
而我地根本無需要用到
就算唔識到 用反切一樣搵到讀音

倉頡速成唔易學。冇粵拼抗衡結果後生一輩就會轉用漢語拼音。近年我哋喺中文系做咗個調查，發現用漢語拼音嘅人非常多⋯⋯你都咪話唔悲哀。

反切喺漢字傳承音可以用，但係粵語固有詞就好難表達。 m-，n-，l- 嘅字，如果係陰聲，唔易搵上字：因為呢堆聲母本身係中古嘅次濁，對應粵語陽聲。咁「叻」「乜」「乸」呢啲字就唔知點寫好。

唔用拉丁字母，你用其他書寫系統都得：假名、注音、諺文、天台文呢啲，擴充完都得。不過全香港嘅人都識拉丁字母，推廣嚟計，一定係拉丁字母方便。

你可以話粵音可以完全靠口耳相傳，但係如果套拼法本地人都唔識，噉搵邊個敎粵語？香港要搵識粵拼嘅人不知幾難，中文科老師，十個都唔知有冇一個識。你話全港一千間中小學嘅印巴裔、非粵裔學生點算好？

呢個post學到嘢 幫你推下

呢個post學到嘢 幫你推下

多謝

係邊 定 起邊

係度 定 起度
兩個都好多人講

係邊 定 起邊

係度 定 起度
兩個都好多人講

喺

巴打可唔可以講多啲中古音？好有興趣

強帖留名
想問下「何氏正讀」到底係咪正讀?
佢有咩根據可以話只跟《廣韻》？

抱歉插一下嘴。因為唔知你之前睇過乜嘢文章／討論／etc，所以講得可能有啲籠統。利申：冇修過語言或相關科目，有冇錯就要等高手賜教。

我諗，佢係咪正讀，要視乎你點睇「正讀」呢兩個字。如果係指「正確嘅讀音」，咁點樣為之一個「正確」嘅「讀音」。廣東話冇「強力部門」將粵語「標準化」，所以冇一個欽定嘅「規範讀音」。可能例如一啲電台部門有佢本身嘅規範讀音，但應用範圍就係侷限於嗰個部門。於是到底點樣先為之一個正確、標準嘅讀音，都係你有你講佢有佢講。當然，咁唔代表廣東話就毫無標準、可以亂咁讀都唔叫錯，因為仍然有字典同社會大眾習慣做導引。但既然「乜嘢做正讀」未有一個大家都（自願或被迫）認可嘅標準，喺呢個情況，何文匯叫自己定出嘅讀音做「正讀」，你又唔可以話佢錯。《廣州話正音字典》都叫自己標嘅係「正音」啦。

問題係，喺佢哋宣傳加上傳媒嘅推波助瀾之下，好多人一聽到佢叫自己嗰套做「正讀」，就以為佢定出嚟嘅讀音係最正確、最標準、最無懈可擊；將一套「自己叫自己做正確嘅讀音」視為「無可置疑地絕對正確嘅讀音」。呢個誤解先係大問題。

留意，跟《廣韻》其實唔係一定唔好：一啲十年都唔見一次、古書嘅罕用字，冇人知點讀，利用《廣韻》推返個今音出嚟，總好過亂讀或者跟普通話讀總音。但要求常用字都必須跟《廣韻》嗰個讀音，根本係不切實際嘅。

想問下點解啲廢老會將買「魚」讀做買「椅」
應該唔係部分大陸落黎而讀唔正
而係好多廢老都會讀「椅」呢個音

強帖留名
想問下「何氏正讀」到底係咪正讀?
佢有咩根據可以話只跟《廣韻》？

抱歉插一下嘴。因為唔知你之前睇過乜嘢文章／討論／etc，所以講得可能有啲籠統。利申：冇修過語言或相關科目，有冇錯就要等高手賜教。

我諗，佢係咪正讀，要視乎你點睇「正讀」呢兩個字。如果係指「正確嘅讀音」，咁點樣為之一個「正確」嘅「讀音」。廣東話冇「強力部門」將粵語「標準化」，所以冇一個欽定嘅「規範讀音」。可能例如一啲電台部門有佢本身嘅規範讀音，但應用範圍就係侷限於嗰個部門。於是到底點樣先為之一個正確、標準嘅讀音，都係你有你講佢有佢講。當然，咁唔代表廣東話就毫無標準、可以亂咁讀都唔叫錯，因為仍然有字典同社會大眾習慣做導引。但既然「乜嘢做正讀」未有一個大家都（自願或被迫）認可嘅標準，喺呢個情況，何文匯叫自己定出嘅讀音做「正讀」，你又唔可以話佢錯。《廣州話正音字典》都叫自己標嘅係「正音」啦。

問題係，喺佢哋宣傳加上傳媒嘅推波助瀾之下，好多人一聽到佢叫自己嗰套做「正讀」，就以為佢定出嚟嘅讀音係最正確、最標準、最無懈可擊；將一套「自己叫自己做正確嘅讀音」視為「無可置疑地絕對正確嘅讀音」。呢個誤解先係大問題。

留意，跟《廣韻》其實唔係一定唔好：一啲十年都唔見一次、古書嘅罕用字，冇人知點讀，利用《廣韻》推返個今音出嚟，總好過亂讀或者跟普通話讀總音。但要求常用字都必須跟《廣韻》嗰個讀音，根本係不切實際嘅。

有人用嘅從眾，罕用字跟韻書。詹伯慧先生同好多粵語學界嘅老前輩，近年都推廣呢個做法。

想問下點解啲廢老會將買「魚」讀做買「椅」
應該唔係部分大陸落黎而讀唔正
而係好多廢老都會讀「椅」呢個音

粵語唔係所有地區都有「魚」呢個圓唇音，好多粵語分支，「魚」「椅」同音或者押韻。

越後生嘅越接近市區粵語，而市區粵語清楚區分圓唇非圓唇，老人家嘅粵語會多好多唔同地區嘅特徵。

粵語唔係所有地區都有「魚」呢個圓唇音，好多粵語分支，「魚」「椅」同音或者押韻。

越後生嘅越接近市區粵語，而市區粵語清楚區分圓唇非圓唇，老人家嘅粵語會多好多唔同地區嘅特徵。

有趣嘅係喺流行曲都會見到押 -i 韻嘅詞向 -yu 韻借字嘅例子，例如：

〈無邊的思憶〉

人像流浪漢瑟縮於榕樹 (-yu)
像街中花貓不知道地址 (-i)
呆坐長路里不知因何事 (-i)
令今天苦惱只知不應當初愛面子 (-i)
……
閃光燈中當話別時 (-i)
多麼想趕走飛機把你留住 (-yu)
話到口偏偏找不出
偏偏講不出我愛你這易讀句子 (-i)

〈忘盡心中情〉
四海家鄉事 (-i)
何地我懶知 (-i)
順意趨寸心自如
任腳走尺軀隨遇 (-yu)

〈化蝶〉
如何回到當時 (-i)　
猶如情侶熱戀的那時 (-i)
記憶可以　幻作一對蝴蝶飛舞在時光深處 (-yu)
荼薇紅過都變枯枝 (-i)
血肉之軀會沒法保持 (-i)
唯獨春天可以給記住 (-yu)

想問下點解啲廢老會將買「魚」讀做買「椅」
應該唔係部分大陸落黎而讀唔正
而係好多廢老都會讀「椅」呢個音

粵語唔係所有地區都有「魚」呢個圓唇音，好多粵語分支，「魚」「椅」同音或者押韻。

越後生嘅越接近市區粵語，而市區粵語清楚區分圓唇非圓唇，老人家嘅粵語會多好多唔同地區嘅特徵。

粵語=熱耳?

幾時用粉幾時用麵？
點解意大利粉，天使麵？明明係差唔多既野

冇人嘅?