廣東話問題，你問我答

咁我想學多啲廣東話應該點做？
有時查字典睇讀音，以「雋」字為例，字典教「時軟切」我睇完都唔知點讀
而且好多時候廣東話嘅字喺字典直頭冇

喺現今呢個時代，土共不停滅粵，我都好希望自己識多啲，再傳承畀下一代，等廣東話唔會畀人消滅

大部分關於廣東話嘅句法知識其實一般人未必要學。反切亦唔係太有用（當然有佢嘅歷史價值，但係粵語嘅音系反切表達唔晒）。

第一件事我覺得要學粵拼。

大家唔使太執着啲字。字只係書寫上嘅表達方式，並唔係一成不變嘅。好多大家覺得理所當然嘅傳統寫法，其實係近一百年嘅產物。詞先至係王道。

要傳承，唔需要太多語言學嘅知識，正如教人煮餸其實唔需要營養科學，教人耕田唔使識植物學。要傳承一隻語言，首先要生仔，跟住係同仔女講。人人做得到呢兩點，已經好好。

平時用開主謂、述賓、偏正嗰啲
淨係大概認識到X-bar theory係XP->Spec/X'->X/Comp，至於實際句子入面咩成分打咩成分，係完全冇概念

可唔可以喺粵典fb page搵你？？

可以呀。（或者可以去隔籬膠占遠足語言學討論區問。）實際上點分析一句句子，你睇多少少textbook先？（八掛問吓，讀緊書定做緊嘢？）

正啊有粵語專家
本人研習廣東拳術, 對某啲動作嘅正寫十分執著
想請教吓以下動作寫法啱唔啱

1. "𢫏"埋本書
2. "㩒"住條友 <= 上而下一嘢壓低, 係㩒定撳
3. "揩"花人架車
4. 港女用個手袋"得"開人
5. "擸"架撐
6. "兜"捶窩面 <= 成個點寫

好多寫法其實冇標準，亦都冇本字、正字，市面標榜正寫正字嘅書一般都欠缺根據，唔可以盡信。

大家都喺度摸索緊點寫，所以達意最緊要。

上面 2、3、5、6 都係常見寫法。1 唔夠 冚常見，不過加咗 扌 仲易明咗，唔錯。
唯獨係 4， dat1開人嘅 dat1 同 得 dak1 唔同音，唔係咁理想。寫做𠱂大家睇唔睇得明？如果覺得睇唔明就唯有用返「得」。

巴打對於5p字點睇
我真係接受唔到將來作文寫我愛你
可以寫成禾噯梨 咁樣

巴打對於5p字點睇
我真係接受唔到將來作文寫我愛你
可以寫成禾噯梨 咁樣

5p嗰堆人創作力又唔係特別豐富，又冇咩文學出品（咩我迷失在乜撚之外啦吓），佢哋啲「挽」「禾」「吾系甘牙」應該唔會進入主流啩。

可以呀。（或者可以去隔籬膠占遠足語言學討論區問。）實際上點分析一句句子，你睇多少少textbook先？（八掛問吓，讀緊書定做緊嘢？）

都係，自己再睇多啲先，純粹感覺上有instructor嘅話冇咁易理解錯
利申：非八大中文系（喺度呻吓：入面唔太重視語言文字嘅訓練，部分嚟自觀感、傳聞，部分反映喺課程設計入面 ）

可以呀。（或者可以去隔籬膠占遠足語言學討論區問。）實際上點分析一句句子，你睇多少少textbook先？（八掛問吓，讀緊書定做緊嘢？）

都係，自己再睇多啲先，純粹感覺上有instructor嘅話冇咁易理解錯
利申：非八大中文系（喺度呻吓：入面唔太重視語言文字嘅訓練，部分嚟自觀感、傳聞，部分反映喺課程設計入面 ）

非八大係咪即係 珠海/樹仁？
句法理論都係靠睇書，俾心機呀～

廣東話係咪爭啲贏到普通話做咗中國嘅國語？

呢件事從來冇發生過。圍繞「官方語言」嘅都市傳說有好多。喺美國有德語爭一票就取代英語成為法定語言嘅謠傳（註5），而粵語圈入面亦流傳一個廣東話差一票就成為國語嘅傳說（註6）。事實上大清一直都未將任何漢語語言定做國語（當時國語係滿語Manchu），而中華民國政府當初嘅構想係建立一隻南北兼容嘅「老國音」，想造一隻人工語言方便溝通——結果失敗收場，於是改用北京話做標準。 而論人口，廣東話人口的確唔及官話人口多，粵語之外亦有好多其他漢族語言，例如人口略多於兩廣嘅吳語（註7）。所以要將粵語定做全中國嘅國語，實在係匪夷所思。大家可能估唔到嘅係，雖則孫中山係粵語人，不過佢一生致力推廣「大中華觀念」，所以好多公開場合佢發言都係用國語。

註5：關於呢個謠傳，可以參看：
http://german.about.com/library/weekly/aa010820a.htm
註6：可以睇一睇百度貼吧嘅討論：
http://tieba.baidu.com/p/2494051376
註7：
http://en.wikipedia.org/wiki/List_of_languages_by_number_of_native_speakers

高汁留名

其實，返，翻，番
翻去屋企係咪錯？

其實，返，翻，番
翻去屋企係咪錯？

返 似乎係原本寫法，不過百幾年前嘅粵語材料好多都寫做 翻。

正啊有粵語專家
本人研習廣東拳術, 對某啲動作嘅正寫十分執著
想請教吓以下動作寫法啱唔啱

1. "𢫏"埋本書
2. "㩒"住條友 <= 上而下一嘢壓低, 係㩒定撳
3. "揩"花人架車
4. 港女用個手袋"得"開人
5. "擸"架撐
6. "兜"捶窩面 <= 成個點寫

好多寫法其實冇標準，亦都冇本字、正字，市面標榜正寫正字嘅書一般都欠缺根據，唔可以盡信。

大家都喺度摸索緊點寫，所以達意最緊要。

上面 2、3、5、6 都係常見寫法。1 唔夠 冚常見，不過加咗 扌 仲易明咗，唔錯。
唯獨係 4， dat1開人嘅 dat1 同 得 dak1 唔同音，唔係咁理想。寫做𠱂大家睇唔睇得明？如果覺得睇唔明就唯有用返「得」。

THX 純粹想寫啱個招式名以便承傳
研究功夫要理解埋文化
但有啲武林同道比較求其
希望可以多啲發揚廣東文化

其實，返，翻，番
翻去屋企係咪錯？

返 似乎係原本寫法，不過百幾年前嘅粵語材料好多都寫做 翻。

點解呢？翻字意差好遠喎，個讀音近似之外

「～」呢個標點符號咩意思

其實唔少字查粵典已有答案

見好多人用以下寫法, 是否可接受?
1. 宜加 (而家 / 依家)
2. 邊道 (邊度)
3. 唔駛 (唔使)

另外, 「費事」定「廢事」先啱?

其實，返，翻，番
翻去屋企係咪錯？

返 似乎係原本寫法，不過百幾年前嘅粵語材料好多都寫做 翻。

點解呢？翻字意差好遠喎，個讀音近似之外

二百年前嘅廣東人覺得寫翻好啲。可能大家覺得「返歸」同「動詞+返」兩個 faan1 要區分。
有時用字唔一定用本字，跟俗寫、創新寫法都未嘗不可。

留名

其實唔少字查粵典已有答案

見好多人用以下寫法, 是否可接受?
1. 宜加 (而家 / 依家)
2. 邊道 (邊度)
3. 唔駛 (唔使)

另外, 「費事」定「廢事」先啱?

1. 唔寫「宜家」係費事（廢事，我兩個都用）同ikea撞。我主張用「家」，因為同「家吓」「家陣」一樣，係慣用寫法。
2、3 都係兩種都有人寫，各有各理據。

非八大係咪即係 珠海/樹仁？
句法理論都係靠睇書，俾心機呀～

係啊 好奇問吓，噉你哋平時會唔會用大陸嗰啲句法理論（例如朱熙德、張斌⋯）？

想問下 畀俾比 咁樣用法啱唔啱
我畀咗錢 畀-給予
佢俾人打 俾-被
他比我好 比-比較

唐朝嘅人係咪講廣東話
想知

唐朝嘅人係咪講廣東話？
用廣東話讀唐詩押韻， 就係人都知。噉但係李白杜甫究竟係咪講廣東話？經過百幾年嘅語言學研究[3]，大家約略估到唐初年間，中古漢語嘅大概嘅發音：

http://www.youtube.com/watch?v=csGeX-SN_fI&list=UUaFbEXMbLW_EDKWElYSeyyQ&feature=c4-overview&list=UUaFbEXMbLW_EDKWElYSeyyQ&feature=c4-overview

兩廣喺呢個時期已經有漢人移入。經過好多次嘅大規模遷徙，直至宋末，已經有好多中原人喺嶺南落腳，宋代移民嘅語言成為主流，佢哋講嘅相信係好接近上面條片嘅語言[4]。再融合咗本身當地嘅其他語言，慢慢發展成一隻獨立嘅語言。再經歷千年變化，變成今日嘅粵語。

語言嘅變化好快，好多時相隔一兩代，一隻語言已經變得面目全非，何況係相隔千幾年？如果你唔睇字幕聽唔明上面段片，我諗就算你坐到時光機返去，怕且都要住返三五七年，先至可以同李白吟詩喇。

[3] 中古漢語係指《切韻》一書嘅語音系統，訓詁學家同歷史語言學家比對韻書，再用現代語(包括日韓越等語嘅漢字音)向上推，得出嘅擬音。可以參考王力(1980)《漢語史稿》。韻典網 http://www.ytenx.org 有各家擬音嘅比較
[4] 秦代已經有大量士卒入粵，已經帶咗好多漢人嘅語言文化。現代粵語亦都有少少痕蹟 (例如 「歌」韻字，唔係讀唐音嘅 /a/，而係早期啲嘅 /o/)。不過粵語繼承中古音 (唐宋嘅語音) 較多，呢個情況明顯同閩語唔同。

個音好似閩南話
Btw 巴打好勁

想問下 畀俾比 咁樣用法啱唔啱
我畀咗錢 畀-給予
佢俾人打 俾-被
他比我好 比-比較

「俾」其實係咪通、甚至源自「被」？
音同意思咁似, 我有時都打個「被」字
e.g. 林祖舜老母被狗屌
定係變咗畫面語

老尾 老味 邊個先係正寫