[書蟲］你最近睇緊咩書？6

rich dad poor dad

依家睇緊 瘟疫
係書店竟然搵到一千一本 月亮與六便使

利申無睇演化論嘅書純粹之前見過

話說就嚟睇完james scott嘅fight against grain

hi各位書蟲
今日介紹嘅書係美國人類學家James C Scott寫嘅James C. Scott - Against the Grain_ A Deep History of the Earliest States-Yale University Press (2017)



作者個樣

（之前巴打 牛哥有介紹佢另外一本書
如果你竟然未睇
--> https://lih.kg/2547072 ）

本書主要嚟講係想要挑戰傳統歷史敘事「農耕、國家 = 文明；狩集、部落 = 落後」嘅諗法
過去對於人類早期文明嘅講法，通常會將「定居」、「馴化穀物」、「農耕」、「國家建立」呢幾樣嘢混爲一談
認爲美索不達美亞嘅氣候同而家一樣咁乾旱，所以啲人需要創建國家，建立灌溉系統

但係作者引用 學者Jennifer Pournelle嘅考古研究，指出人類最早嘅定居點（美索不達美亞南部近波斯灣嘅沖積平原）喺公元前7世紀至6世紀其實係溼地嚟，資源充沛，野味送上門所以定居同農耕無關係

而且 人類馴化種植穀物，亦都遠遠早過農業社會嘅出現。早期人類係一邊狩獵一邊耕種，兩種生活方式係互補不足，而唔係非此即彼嘅選擇；另外早期嘅耕種方式亦都相當輕鬆，就係等河流自然氾濫，然後喺溼潤嘅泥土上播種，連翻土灌溉都慳翻

所以「馴化穀物」嘅出現，去到「農業社會」，差成4000年

而由「定居耕種」去到去「國家出現」，又差成2000年

當然去到新石器晚期，都係陸陸續續出現 定居農業社會，主要嘅原因，相信係同氣候變遷有關。

但係人口密集定居以及國家嘅出現，唔一定係好事
Scott喺之後幾個chapter，就指出農業定居 以及 國家嘅建立，有乜壞處：

- 以穀物爲主嘅飲食習慣，缺乏營養，呢點喺考古骸骨上睇得出
- 人畜共居，人煙稠密，容易有傳染病。古代國家成日無啦啦消失，好有可能就係因爲瘟疫
- 古代國家重視人力資源，所以

但係點解最尾農耕羣落都係越嚟越多呢
Scott嘅估計係因爲 農耕嘅生活方式以及飲食，令女性嘅生育後代嘅比率大過狩獵者（就算因爲傳染病etc七除八扣），經過幾千年利疊利之後人口就多咗好多

本書前半段就係講呢啲，比較有趣

後半段比較多吹水嘢
主要係講 農耕國家其實唔好住，多傳染病多稅賦階級重，所以其實好多人逃離國家做返「野蠻人」，而政府就必須要通過捉奴隸同起城牆嘅方法去「人口止血」；以及 遊牧民族同農耕民族之間相愛相殺嘅關係

Scott主要都係想提醒讀者避免陷入 「大一統 = 好」 嘅歷史觀
我哋有關古代文明嘅歷史，好多時係靠考古搵返當時嘅政府文件嚟獲取資料
呢種途徑容易令人有偏見
覺得國家解體之後就係「黑暗時代」

但係所謂嘅黑暗時代，唔一定係混亂同生活困苦
好多時只係代表中央政府權力核心解體，權力翻番去地區農村層面
古代識字率低，噉嘅情況下自然無文字記錄留低
無咗中央政府嘅剝削以及奴役，人嘅生活質素其實往往上升咗，更加自由；無咗人口聚集，亦都少咗瘟疫

所以成本書就係反思緊 農耕國家文明進步論 呢種 單向歷史發展敘事

有無有關焦慮症嘅好書推介

與焦慮和解？

Samson正

劉以鬯編既《香港短篇小說百年精華》
所選既係廣義上既香港小說：故事發生係香港，香港作者(包括短暫居住)，香港出版，合乎上述其中一個條件就得
所以開頭見到唔少民國文人既作品
呢本書收錄1901至2000年既作品
可以了解香港小說點樣隨著香港既社會政治文化既轉變，係形式風格、題材內容、思想感情上作出改變
當然，獨立欣賞每篇作品都得

占星相位研究

多謝推薦

睇緊福爾摩斯

正 雖然年代久遠到爆

有冇啲講香港歷史既書推薦？唔係政治軍事 想睇比較民間 香港文化變遷 舊式既例如當鋪 魚檔 茶樓等等呢啲生活上既野
Sorry 1999唔係太諗到點表達

真心好睇，暫時係睇過嘅書之中最正嘅一本

咁誇睇緊邊集

巴打似乎都有睇過，4篇長故睇咗，而家睇緊his last bow啲短故

我拋磚先
認真可以睇陳雲啲專欄集
佢以前喺信報啲專欄集結成書
一篇篇短短地幾好睇，尤其是佢講細個元朗農村啲舊聞
當時佢未走火入魔 仲係左膠嚟

利申 以前係城邦派，已離教頗久

想問啲英文難唔難？
有興趣但怕睇英文版睇唔明
利申：英文唔太好