[信長撚]有冇朋友有興趣聽戰國史?

留名

我反而想知關原之戰西軍點解戇鳩鳩用毛利輝元做總大將。如果用豐臣秀賴做掛名總大將，舉豐臣家支旗出嚟，東軍入面福島正則嗰班即使唔加入西軍都未必會入東軍公然對豐臣出兵。可能會保持中立。

有上杉牽制住最上，伊達呢啲唔想天下平定嘅好大機會聯合佐竹燒德川後欄，咁樣德川就好大機會收皮。

留名

之前瘋狂玩信長之野望13天道
睇過信長同政宗嘅歷史小說 覺得佢兩個好似

我反而想知關原之戰西軍點解戇鳩鳩用毛利輝元做總大將。如果用豐臣秀賴做掛名總大將，舉豐臣家支旗出嚟，東軍入面福島正則嗰班即使唔加入西軍都未必會入東軍公然對豐臣出兵。可能會保持中立。

有上杉牽制住最上，伊達呢啲唔想天下平定嘅好大機會聯合佐竹燒德川後欄，咁樣德川就好大機會收皮。

首先關原之戰嘅定位係家臣內戰
主家豐臣家冇可能為任何一邊站台而得失另一邊嘅家臣

第二點係石田三成平時對人嘅態度唔係個個接受到，另外仲有朝鮮戰功問題同埋關原前夕強搶人質問題（雖然只係執行者增田長盛辦事不力）

第三係時機問題，會津征伐時跟住出兵嘅諸大名基本都認同上杉謀反一事，然後突然間聽到石田三成又喺上方起兵，同上杉成夾擊征伐軍之勢，任何人都會認為三成都係豐家嘅逆賊

點解搵毛利輝元做總大將但又只係鎮守大阪城，第一佢係德川、前田之後最老嘅屎忽，鎮守大阪係為左鎮住西國班東軍大名

計劃就真係如你所講三成東進上杉佐竹迎擊家康
但係最上義光因爲羽柴秀次事件一早已經對豐臣有離心，伊達又照舊唔到最後都唔會出手

上杉被拖住喺東北
佐竹一丁友不便起事
其實西軍係首先於理不合
然後就係眼高手低

島津義久正室係佢姑姐

伊達實元正室係佢阿哥個女
當時有亂倫標準

當時同族婚，族內婚幾常見
目的係保持自家血統純正
島津、伊達、佐竹、江戶時期嘅紀州德川家都有好多事例

留名支持 可唔可以跟時序講？ 桶狹間之後唔再講？

村長大戰

留名學歷史

仙石權兵衛男子漢先係最勁
（戰國系列真係好好睇）

本來係諗住跟三英傑時序講，但係又有人想聽川中島
不如咁啦桶狹間前嘅事有機會開個前傳再講
始終三英傑先係我嘅專門

另外整圖真心好辛苦
大家有興趣嘅不妨當睇講故台咁睇啦
我盡量簡短，有問題每晚出完文再討論吓

整個標題先
桶狹間義元殞落 岡崎城松平再起

話說今川義元喺桶狹間被織田信長消滅
家中諸將頓失方寸，個個都準備撤退回國
其中有兩個人物好想講一講
先講個篇幅小d嘅先啦
今川家臣-岡部元信
元信係義元派去支援鳴海城嘅守將
佢以攞返主君義元首級為條件
交換撤出鳴海城，成功將客死異鄉嘅義元帶返駿府

第二個人就係上次提到嘅松平元康
當佢喺大高城收到義元戰死嘅消息之後
立即同家臣返左去三河國(靜岡縣西部)連續佔領多個城池
成功收復三河一國

點解唔返駿府呢?
咁就要由元康阿爺清康講起
松平氏喺清康嗰代幾乎控制整個三河國
一直同尾張嘅織田信秀周旋
後來同尾張邊境嘅水野氏結盟
領地西面安定左之後發展三河領地
兵多將廣，因此亦對東面今川家帶來威脅

後來清康嘅家臣，阿部定豐被織田信秀煽動謀反，喺森山攻略時殺死清康，家業由元康之父廣忠繼承，松平家由於同水野家反目以及被信秀攻下三河安祥城，開始弱體化，不得不向今川家求援，今川家當然唔會放過呢個機會，一開始似乎係幫緊松平家對抗織田，後來廣忠一死，今川家就順理成章將年幼嘅元康送到駿府，成功控制三河。

元康同近臣喺駿府長大，師承太原雪齋，雖然身份係人質，但係得到家臣嘅對待，後來娶埋義元養女瀨名姬做正室，成為今川一門眾(同族、有婚姻關係嘅家臣)

義元戰死時，元康已經突破大高城嘅包圍，佢立即開始撤出大高城，進攻三河各城，雖然話後來同織田信長結盟，但其實當時收復三河嗰陣同織田、今川兩方都有交戰，最終成功收服領地，喺岡崎城重新掛上松平葵紋旗

去日本旅行有冇邊個地方多古蹟？
京都好似唔少維新時代既遺址 同本願寺

其實信長,秀吉個堆勁人有無諗過終有一日德川家會取得天下?

仙石權兵衛男子漢先係最勁
（戰國系列真係好好睇）

秀吉最早期嘅譜代家臣(早期、甚至代代仕奉嘅家臣)
豐臣政權最早嘅四國指揮官，九州征伐時同十河存保，長宗我部氏等四國眾作為前軍第一批到達豐後國
無視秀吉叫佢等待後軍支援以及四國眾嘅士氣低落
擅自同島津家久喺戶次川開戰，令十河存保、元親長子長宗我部信親等人戰死，自己逃走返四國，被秀吉問罪並流放

後來喺小田原征討參陣，鎧甲掛滿銅鈴，殺敵無數，令敵兵聞鈴喪膽
成功復歸成信濃小諸城城主。

真心識玩一定係藤堂高虎
每過一次檔升一次官
仲要唔會比老細妒忌

因為d老細死哂
淺井長政->阿閉貞大->津田信澄->羽柴秀長->羽柴秀保->豐臣秀吉->德川家康

咁等樓主跟住講落去先
之後應該會仲多野討論

留名

Pish

去日本旅行有冇邊個地方多古蹟？
京都好似唔少維新時代既遺址 同本願寺

其實好多古城遺址同古戰場、武將墓地、戰爭記念碑
不過如果唔係太深入研究未必會識欣賞
例如你想去一座名城遺址，但係其實佢只係淨番一座山丘，幾塊爛石頭
可能只係得返一條土坑咁嘅遺堀，可能係住宅區入面個轉角位有個人名嘅石碑，開頭會建議去吓d有天守嘅城先，有興趣知道多左d詳細嘢，例如邊場戰役發生左咩事死左咩人，慢慢去想像吓當時嘅情境，你應該會對歷史同埋旅行有另一番體會。

btw京都有江戶初期嘅二條城，斬首無數嘅三條河原，有方廣寺大鐘嘅京都豐國神社，聚樂第嘅遺跡(晴明神社附近有千利休屋敷石碑)，新建嘅本能寺
遠少少奈良有被松永久秀、三好三人眾燒過重建嘅東大寺
京都北面有信長屠殺過嘅比叡山，東面有京極高次拖住西軍嘅大津城
唔關戰國事嘅仲有弁慶遇上源義經嘅五條大橋，同埋義經跟天狗學藝嘅鞍馬山，鐘意行山嘅可以去感受吓大天狗僧正坊同牛若丸長大嘅山林

咁等樓主跟住講落去先
之後應該會仲多野討論

希望可以每晚出三英傑主線
回comment就傾邊個大名、武將、事件都得

日本史撚留名