[信長撚]有冇朋友有興趣聽戰國史?

我唔明點解明明信長打得果少少地就話佢就一統天下

打信長野望又係，打夠唔知幾多個城就可以上京推個人做將軍咁。可唔可以解釋下

咁你下次玩信長野望設定唔跟史實發動本能寺
再用其他勢力打一次就知咩事

信長成日亂咁殺人，連投降都殺

佢殺既大多係頑抗既對手，唔殺隨時他日反撲，接受投降既多數係值得再鞏固人心既人，如上文既中川清秀、高山右近

但波多野兄弟、山名家、松永久秀已經唔止一次，第三次包圍網開始即刻叛投將軍，初時寬恕係因為近畿大亂需要用人，但而家一切平定，我點解要留低不定因素？當然係斬草除根

我唔明點解明明信長打得果少少地就話佢就一統天下

打信長野望又係，打夠唔知幾多個城就可以上京推個人做將軍咁。可唔可以解釋下

咁你下次玩信長野望設定唔跟史實發動本能寺
再用其他勢力打一次就知咩事

信長有朝廷支持，加上去到1582年奧羽蘆名、伊達、常陸佐竹、關東北條、甲駿德川、紀伊本願寺、九州大友、島津大致都親近織田，當時天下大勢得返毛利、長宗我部、上杉與織田為敵，論影響力信長確實接近統一

你話呢班外樣大名會反撲？織田當時既安排如下
北陸、越後路：柴田勝家、佐佐成政
甲信：河尻秀隆、瀧川一益、森長可
四國：織田信孝、丹羽長秀
西國：羽柴秀吉、池田恆興
當時若平定毛利後，織田應該會翦除島津、大友其中一個，再放人監視，周圍都遍佈織田線眼，只係本能寺之變後崩盤而被反撲

補返「十九條折檻狀」

稍作回憶, 話說1579年(天正七年)9月, 當羽柴秀吉圍攻三木城時, 身處伯耆國既南條元續考慮織田軍將會伸延到伯耆, 於是在尼子家遺臣福山茲正介紹下, 投靠織田信長, 擔當織田在伯耆國既前線。10月, 備前宇喜多直家判斷織田軍將會擊敗荒木及別所家, 於是從毛利叛投織田, 從山陽道阻擋毛利軍。

羽柴秀吉於1580年6月, 聯合宇喜多直家進攻美作國, 攻破祝山城並截斷毛利在山陽道既聯絡。同時, 羽柴秀長負責山陰道攻略, 5月攻破山名氏本據 - 出石城, 但馬山名家滅亡。然後, 兩兄弟合兵進攻因幡國, 圍攻因幡山名家本據地 - 鳥取城。羽柴秀吉圍攻三個月後, 山名豐國不理家臣堅決抵抗既意見, 於9月擅自向秀吉開城投降。



鳥取城 地圖

但係當秀吉離開鳥取城後, 毛利大軍壓境, 鳥取城既山名家家臣又立即向毛利投降, 後來山名家臣將山名豐國驅逐, 毛利家便安排吉川經家任城主。收到消息既秀吉重新籌備攻擊, 諗到鳥取城堅固, 強攻將損失慘重, 於是用織田家最強戰術 - 「課金」, 命手下偽裝成若狹商人收購因幡境內既所有兵糧, 令因幡既糧食物價暴漲, 羽柴秀吉坐享其成。

1581年(天正九年), 京都舉辦大型盛事, 織田信長於2月28日下令以丹羽長秀、柴田勝家為首召集全國兵力, 在正親町天皇既招待下, 舉行史上首度「織田閱兵儀式」, 藉此展示織田家軍力雄厚, 不過亦有一說認為織田信長藉閱兵儀式, 邀請朝廷參與, 好讓正親町天皇知難讓位。



京都御馬揃 - 「織田閱兵儀式」示意圖 (信長之野望)

呢個時候久違既「瀨屎同學會」會長德川家康進攻高天神城, 呢部份之後會再講, 而家先返去羽柴秀吉既鳥取城攻略戰。羽柴秀吉於7月率先進攻鳥取城旁既雁金城、丸山城, 再迫使鳥取一帶既農民入城, 消耗城內食糧。同時, 派宮部繼潤、龜井茲矩攻打大崎城。

期間, 毛利軍防已尾城既吉岡定勝多次擊敗羽柴軍, 更一度奪去秀吉既馬印, 羽柴秀吉震怒下改行斷糧戰術, 防已尾城不久便投降。8月, 織田信長派明智光秀、細川藤孝、池田恆興等人支援秀吉, 並擊敗試圖送糧既毛利水軍。而「毛利兩川」吉川元春亦召集6000人救援, 但兩軍只係對峙。

鳥取城被秀吉包圍3個月, 《信長公記》記載城內糧草斷絕, 軍民要食樹皮充飢, 甚至傳聞出現人食人既現象, 飢餓既民眾發出陣陣悲鳴、哀鴻遍野, 猶如地獄一樣。城主吉川經家不忍, 於是開城投降, 與幾名城將以切腹換取軍民平安, 鳥取城陷落, 亦宣佈毛利軍北部既沿海補給被截斷。呢場戰役秀吉以斷糧攻城, 被後世稱為「渴殺鳥取城」。



渴殺鳥取城 路線圖

據聞, 羽柴秀吉攻陷鳥取城後, 向飢餓既百姓派發糧食及煮稀粥, 告誡百姓不要狼吞虎嚥, 但飢餓既百姓又點會理你? 結果因為食得太急, 腸胃無法適應, 反而不少人因此撐爆腸胃而死。



2014年鳥取城設計吉祥物, 結果得獎作品係上圖, 被當地市民批評引致不安, 最終鳥取城中止吉祥物設計比賽

西國征伐四年, 羽柴秀吉攻破播磨、備前、美作、但馬、因幡五國, 氣勢正盛, 1581年11月更與池田元助攻破位於四國附近既淡路, 羽柴軍領勝利之師, 開始謀劃攻打備中國高松城。不過, 西國征伐既介紹要暫時中止, 我地將視野返去東邊。

次回

德川家康出擊, 高天神城之戰

織田信雄反擊, 天正伊賀平亂

睇完先發現今日打錯好多字

睇完先發現今日打錯好多字

留名

由太閣立志傳開始認識戰國 就覺得秀吉既經歷好神奇
其實點解秀吉本身只係農民出身 由上位開始已經識行軍打仗 但佢本身唔又唔係武士出身

有冇山中幸盛聽下？七難八苦

有冇山中幸盛聽下？七難八苦

講完死埋啦

由太閣立志傳開始認識戰國 就覺得秀吉既經歷好神奇
其實點解秀吉本身只係農民出身 由上位開始已經識行軍打仗 但佢本身唔又唔係武士出身

秀吉好肯招賢納士，唯才是用，一上位手上已經有蜂須賀正勝、淺野長政、竹中半兵衛等等人才幫佢。另外，佢又好識拉攏人心／討人歡心，暖信長鞋、改羽柴姓、分財寶比下屬等等，果個年代識做人好過識揸刀

由太閣立志傳開始認識戰國 就覺得秀吉既經歷好神奇
其實點解秀吉本身只係農民出身 由上位開始已經識行軍打仗 但佢本身唔又唔係武士出身

要不是信長提拔......

由太閣立志傳開始認識戰國 就覺得秀吉既經歷好神奇
其實點解秀吉本身只係農民出身 由上位開始已經識行軍打仗 但佢本身唔又唔係武士出身

要不是信長提拔......

雖然話信長提拔，但都要有實力既，當年快攻觀音寺城、金崎殿後、對淺井以少勝多，最凶險既任務佢都完成曬，唔係幾多人做到

由太閣立志傳開始認識戰國 就覺得秀吉既經歷好神奇
其實點解秀吉本身只係農民出身 由上位開始已經識行軍打仗 但佢本身唔又唔係武士出身

秀吉好肯招賢納士，唯才是用，一上位手上已經有蜂須賀正勝、淺野長政、竹中半兵衛等等人才幫佢。另外，佢又好識拉攏人心／討人歡心，暖信長鞋、改羽柴姓、分財寶比下屬等等，果個年代識做人好過識揸刀

淨係佢當年以二三線武將
都可以請到竹中幫佢
就知佢有勇有謀

佢最大缺點應該就係老來先得子

由太閣立志傳開始認識戰國 就覺得秀吉既經歷好神奇
其實點解秀吉本身只係農民出身 由上位開始已經識行軍打仗 但佢本身唔又唔係武士出身

要不是信長提拔......

雖然話信長提拔，但都要有實力既，當年快攻觀音寺城、金崎殿後、對淺井以少勝多，最凶險既任務佢都完成曬，唔係幾多人做到

係個個年代身分血統基本上係重要過實力
老老豆豆唔係信長呢條友
一個農民出身可以做到一國一城之主根本係冇咩可能
不論你幾有能力都好

由太閣立志傳開始認識戰國 就覺得秀吉既經歷好神奇
其實點解秀吉本身只係農民出身 由上位開始已經識行軍打仗 但佢本身唔又唔係武士出身

秀吉好肯招賢納士，唯才是用，一上位手上已經有蜂須賀正勝、淺野長政、竹中半兵衛等等人才幫佢。另外，佢又好識拉攏人心／討人歡心，暖信長鞋、改羽柴姓、分財寶比下屬等等，果個年代識做人好過識揸刀

淨係佢當年以二三線武將
都可以請到竹中幫佢
就知佢有勇有謀

佢最大缺點應該就係老來先得子

呢段好大機會係吹出黎架咋
實際上係咪秀吉勸佢出侍信長都存疑
佢更加唔係咩侍奉秀吉
竹中重治實際上係信長派去幫秀吉既與力
佢實際上一直都只算係信長既直臣

秀吉好肯招賢納士，唯才是用，一上位手上已經有蜂須賀正勝、淺野長政、竹中半兵衛等等人才幫佢。另外，佢又好識拉攏人心／討人歡心，暖信長鞋、改羽柴姓、分財寶比下屬等等，果個年代識做人好過識揸刀

淨係佢當年以二三線武將
都可以請到竹中幫佢
就知佢有勇有謀

佢最大缺點應該就係老來先得子

呢段好大機會係吹出黎架咋
實際上係咪秀吉勸佢出侍信長都存疑
佢更加唔係咩侍奉秀吉
竹中重治實際上係信長派去幫秀吉既與力
佢實際上一直都只算係信長既直臣

所以信長協奏曲入面利用宜件事 講竹中所做嘅事一直都係監視秀吉

佢救黑田話唔定都係想搵繼任者

淨係佢當年以二三線武將
都可以請到竹中幫佢
就知佢有勇有謀

佢最大缺點應該就係老來先得子

呢段好大機會係吹出黎架咋
實際上係咪秀吉勸佢出侍信長都存疑
佢更加唔係咩侍奉秀吉
竹中重治實際上係信長派去幫秀吉既與力
佢實際上一直都只算係信長既直臣

所以信長協奏曲入面利用宜件事 講竹中所做嘅事一直都係監視秀吉

佢救黑田話唔定都係想搵繼任者

竹中重治被人吹到叫「今孔明」，咪索性作個三顧茅廬出黎。

要不是信長提拔......

雖然話信長提拔，但都要有實力既，當年快攻觀音寺城、金崎殿後、對淺井以少勝多，最凶險既任務佢都完成曬，唔係幾多人做到

係個個年代身分血統基本上係重要過實力
老老豆豆唔係信長呢條友
一個農民出身可以做到一國一城之主根本係冇咩可能
不論你幾有能力都好

的確，即係貴為天下人，為左名正言順亦需要拜藤原為養父，繼承關白之位。日本到左今日，上流社會依然講血統論，有名既政商人士多少係戰江戶、明治名流後代。

自長篠之戰後，德川家康逐步收復遠江失地，包括二俁城、犬居城等重要據點，雖然武田有大量名臣戰死，但因為武田勝賴重建家臣團，聽從高坂昌信組成「甲相同盟」既建議，武田既實力並未完全折損，甚至回春，德川未敢有太大動作，雙方只有零星衝突。

到左天正六年（1578年），越後上杉家爆發「御館之亂」，傳統北信濃、下越後一族支持上杉景勝，而北條、武田、蘆名以及國人北條高廣等支持上杉景虎，北條氏政由於被常陸佐竹家、下野宇都宮家擋住去路，於是委託武田勝賴前往越後。



御館之亂兩派分佈



武田勝賴響5月出兵越後，調停兩派鬥爭，並於6月由武田信豐、迹部勝資與上杉景勝代表本庄繁長、新發田重家達成和議，到左8月上杉景勝將部份東上野領地割讓武田，同時為上杉景勝與勝賴之妹菊姬訂立婚約，是為「甲越同盟」，武田勝賴繼續留守越後。

趁武田勝賴滯留越後，德川家康響8、9月兩度攻打遠江既田中城，勝賴立即撤離越後救援，但勝賴一走上杉兩派又即刻小朋友齊打交，上杉景虎被圍到斷糧，到左天正七年（1579年）3月被上杉景勝擊敗，切腹死亡，御館之亂以上杉景勝繼承家督落幕。



御館之亂經過

但由於武田改變立場，引起關東北條家不滿，「甲相同盟」崩毀，改與德川家康聯手。德川家康一直忌憚武田與北條既關係，而家終於可以出手了！趁武田勝賴響9月進軍上野時侵擾駿河一帶，就響高天神城附近修築橫須賀城，準備要收復呢個重要據點。

當武田被德川、北條夾擊後，除左與上杉結盟，亦希望同織田重修舊好，藉此化解德川既恩怨，其實織田響1578年亦諗過同武田和議，但勝賴冇把握時機，到左1580年勝賴歸還八年前被拐走既織田信房，向織田示好，但織田信長忙於對付荒木村重，就WFC了。

到左天正八年（1580年）三月，武田勝賴與北條氏政於駿河附近既足柄嶺對陣，雙方水軍亦響伊豆一帶交戰，打左一輪之後各自退兵。另一方面，真田昌幸攻打東上野沼田城，兩個月後攻破，加上對周邊調略既功勞，獲賜官而通稱「真田安房守」。

雖然話北條、德川聯合，但北條亦被幾家圍攻，自己又多次被武田擊敗，首先響1580年9月被武田勝賴攻破東上野膳城。呢度有個故事，就係武田勝賴戎裝視察周圍時，膳城一班醉鬼見到勝賴出現而殺出城，點知反被勝賴攻破城池，俗稱「膳城素肌攻略」。之後，上野及下野國人因為武田佔優而背叛，北條反居劣勢，北條氏政眼見各地失利，就向織田臣服並退讓家督俾北條氏直。



武田響上野戰事反而佔優

武田又去左上野，德川當然又跳出黎啦（德川家康：我跳出又跳入，打我呀契弟），10月開始率領五千人圍攻高天神城，並採取圍城斷糧戰術。《信長公記》記載武田勝賴擔心織田動向而冇派援軍，到左天正九年（1581年）三月，高天神城響餓死大半士兵後殺出，德川家康就黎個開心大屠殺，守將前今川家臣岡部元信及688名士兵戰死，德川重奪高天神城，終於收復遠江全境，繼而侵擾駿河西部。武田勝賴雖然響東邊獲勝，但高天神城既曖昧態度令武田軍威失墜，更埋下家臣叛變既伏筆。



高天神城之戰 最後突擊

武田勝賴為左改變局勢，就與常陸既佐竹義重同盟，另外同安房里見家、下野宇都宮家分別聯手對抗北條。響國內開始修築新府城並於12月遷入，一黎可以離開舊臣派既勢力，二黎可以更方便進出。

東邊既戰局到此為止，我地就講下敗家仔織田信雄引致既「天正伊賀之亂」，之前食飽飯冇事做去挑戰忍者被打敗，織田信長解決石山本願寺後終於得閒處理，於是響1581年安排丹羽長秀、筒井順慶、瀧川一益、蒲生氏鄉、淺野長政等人共五萬大軍攻打伊賀。

呢班伊賀忍者雖然不足萬人，但曾經多次夜襲得手，蒲生氏鄉、筒井順慶都係受害者，蒲生氏鄉就發嬲要攻平樂寺，要不是瀧川一益支援，蒲生早就完蛋了，平樂寺陷落。丹羽長秀攻打堅固既比自山城不果，守城部隊趁總攻擊前離開，逃向柏原城。

伊賀忍者本身就係各個村落聯合，不如大名穩固，於是出現不少內應，織田亦響11月控制整個伊賀，期間焚燒村莊寺廟，屠殺僧民，據記載場景如地獄一樣，總共超過三萬人被屠殺。而按《信長公記》記載，筒井順慶更響大和國搜出並斬殺逃隱山林既武將共75人。知名小說《甲賀忍法帖》以此取材，用甲賀彈正、阿幻既回憶講述呢段慘劇。



天正伊賀之亂

最終響奈良既使者介入下，織田信雄與伊賀和睦，承諾保護軍民，伊賀於9月17日開放柏原城，向織田投降，歷時一年既「天正伊賀之亂」就此結束，織田信長一個月後亦到伊賀巡察。

次回
「甲州征伐」（或者有上、下篇）